Abatloli Abasesebatjha BeSewula Afrika
ISewula Afrika inomphakathi wabantu abatjha abanetalente lokutlola abazakhela ibizo emkhakheni wezokutlola. Abatlolaba abasesebatjha abakhiqizi iincwadi kwaphela kodwana baba sikhuthazo nakwabanye bona bakuthande ukutlola. Badlale indima ekulu ekucocweni kweendatjana kusukela basesebancani.[1]
U-Michelle Nkamankeng
[edit | hlela umthombo]U-Michelle Nkamankeng owaziwa ngencwadakhe yokuthoma ayitlolileko i-"Waiting for the Waves" wathoma ukutlola aneminyaka elikhomba. Wabelethwa ngo-2008 ngunina u-Laurentine (Lolo) Nkamankeng oyimeneja yakhe, noyise uPaul Nkamankeng. Abentwana bakwabo ngu-Shawn, u-Sheena no-Marion. UMichelle ube hlangana nabantu abatjha abalitjhumi ephasini ababa batloli basesebancani. Kusukela mhlokho sekatlole umlandelande weencwadi ezine:[2]
- Waiting for the Waves
- The little girl who believes on herself
- The little mouse
- The Golden Ring[2]
U-Stacey Fru
[edit | hlela umthombo]
U-Stacey Fru mtloli osele athumbe abonongorwana ngencwadi yakhe yokuthoma ethi, "Smelly Cats" aneminyaka ebunane kwaphela. Wabelethwa ngo-2007 amntwana wesibili ebantwaneni abane ekhabo. Waziwa njengomntwana onamatalende amanengi nezinto ezinengi azenzileko.[3]
Ekulumenakhe ayethula ngesikhathi athumba unongorwana, uthi: "Lokhu kungikhuthaze bona ngifune ukwenzela abantu okwengeziweko begodu ngibasize, khulukhulu labo abakhule batlhaga, ngokuthi ngibe nelami iziko namkha i-foundation engingabasiza ngayo." U-Stacey usikhulumi, uyagida begodu ungumlweli wamalungelo wabantwana. Nanzi iincwadi zakhe:[4]
- Smelly Cats
- Bob and the Snake
- Tim's Answer[3]
Hallelujah Khumalo
[edit | hlela umthombo]U-Hallelujah Khumalo ngomunye walabo abathoma ukutlola basesebancani. Wabelethwa ngo-2016 abelethwa nguSkhona no-Theodora Khumalo. Waziwa ngencwadakhe edumileko ethi "Where I Fit" ekhuthaza abantwana bona bamukele bonyana abafani nabanye abantwana. Naye unamatalenta amanengana njengokudlala ipiyano, ukudansa umjido we-ballet nokhunye. Nanzi iincwadi azitlolileko:[5]
- Where I Fit
- How Halle and Liesl became friends[5]
Reabetswe Kungwane
[edit | hlela umthombo]U-Reabetswe Kungwane besele athoma ukufeza ibhudango lakhe ngokuthoma ukutlola aneminyaka elikhomba. Waziwa ngencwadakhe enesihloko esithi ‘Stories you’ve never heard before’ emlandelande weendatjana ezilitjhumi ezikhuluma ngalokho okwenzeke epilwenakhe, ngasinye sinesifundo esiqakathekileko epilweni uReabetswe acabanga bona singahlohlozela abantwana abalingana naye. Incwadi le ineenthombe ezigwalwe nguye.[6]
- Stories you’ve never heard before
U-Metu Ngcali
[edit | hlela umthombo]U-Metu Ngcali oneminyaka elitjhumi nanye wazithola anetalente lokutlola ngemva kokungenela isifundobandulo sokutlola. Lokhu kwamenza wakhupha incwadakhe yokuthoma enesihloko esithi "The Clever Twins" ngoVelabahlinze 2019. Uthe nakayethulako incwadi le kwathengwa amakhophi ama-300 ngelangelo. Incwadi le wayitlola acabanga ngomkhulwakhe. U-Metu uthi: "Ngithabe khulu ngokutlola incwadi le. Bengingakuthandi ukutlola ekuthomeni, kodwana ngithe ukungenela isifundobandulo sokutlola esihlelwe yi-Bala Books ngathoma ukuthanda ukutlola.[4]
- The Clever Twins
Isiphetho
[edit | hlela umthombo]Lezi ziimbonelo ezimbalwa kwezinengi zabantu abatjha abanetalende lokutlola abahlala eSewula Afrika. Abantwanaba banikele ngokuthileko okungahlohlozela abanye bona bafune ukutlola nokucoca iindaba.
Iinkhombo
[edit | hlela umthombo]- ↑ News24 (30 August 2017) Meet these SA kids who published books before they were 16, News24 website (2025). Retrieved from: https://www.news24.com/life/south-africas-youngest-authors-20170830 Retrieved on 24-06-2025.
- ↑ 2.0 2.1 Mbali Kgame (August 31, 2018), Meet Michelle Nkamankeng, Africa’s Famous School-Age Author, Global Citizen website. Retrieved from: https://www.globalcitizen.org/en/content/michelle-nkamankeng-south-africa-author-education/ Retrieved on 24-06-2025.
- ↑ 3.0 3.1 Stacey Fru (2025), Meet Stacey, Stacey Fru website (2025). Retrieved from: https://staceyfru.co.za/ Retrieved on 24-06-2025.
- ↑ 4.0 4.1 Lerato Mogoatlhe, (August 2, 2019), These 8 Young Authors Want Every Child in South Africa to Have Access to Books, Global Citizen website. Retrieved from: https://www.globalcitizen.org/en/content/child-authors-turn-the-page-campaign-south-africa/ Retrieved on 26-06-2025.
- ↑ 5.0 5.1 Reitumetse Makwea (20 May 2023), Young author Hallelujah Khumalo wants other children to know it's okay not to fit, The Citizen (2025). Retrieved from: https://www.citizen.co.za/news/south-africa/special-features/young-author-hallelujah-khumalo-where-i-fit/ Retrieved on 26-06-2025.
- ↑ Rudzani Matshili (2018), How a 9-year-old pupil became a published author, IOL website (2025). Retrieved from: https://iol.co.za/news/south-africa/gauteng/2018-02-19-how-a-9-year-old-pupil-became-a-published-author/ Retrieved on 26-06-2025.