Abatloli abatjha
Abatloli abatjha babantu abathoma ikhambo labo lezemitlolo eminyakeni ephasi yobudala,kungaba kugadangisa umsebenzi wabo nofana ukuzitlolela ukuzithabisa.Ukuba mtloli omncane eSewula Afrika kutlhoga ukuzimisela okukhulu nokungapheli ihliziyo.ISewula Afrika ilikhaya kubatloli abasebatjha abenza itjhuguluko kezemitlolo ingasi enarheni le kwaphela kodwana neenarheni ezingaphetjheya.
Iphaliswano labatloli abatjha
[edit | hlela umthombo]Ngokuhlonywa ngomnyaka ka2022,iyoung writer's competition kubingwe ngayo ukhwakha isizukulwana esitjha sabatloli abasebatjha eSewula Afrika.
Iphaliswano leli likhombela abatloli abasebatjha bonyana bathumele umsebenzi wabo ongakagadangiswa bonyana bazibeke ethubeni lokobana bagadangiselwe wona ngokwehluka kwesiqubulo qobe mnyaka.
Lokhu kuqakathekile ukudlula ngaphambili ngemibiko yamhlapha nje ebonisa bonyana ilutjha leSewula Afrika lisemrarweni naziza kwezokutlola.Ingogwana le yesule umsebenzi weminyaka wezotlolo.
Indima yabatloli abasebatjha
[edit | hlela umthombo]Abatloli abatjha badlala indima eqakathekileko ekwakheni umbono,ukuvuselela ukulandisa nokufaka isandla emasikweni.Baletha ukuzwisisa okutjha namaphimbo ahlukileko ekulandiseni iindaba kanengi zikhuluma ngeendaba zesimanjemanje ngombono welutjha.Babuye balethe ithemba nokhu katelela bonyana isiko lokufunda libuye ngamandla emiphakathini ehlukahlukeneko.Indima abayidlala khulu kuletha itjhuguluko lokobana ezinye izinto zenziwe ngendlela elula yamalanga wanamhlanjesi nokhu dlulisa umlayezo mayelana nezinto ezitinta umphakathi.
Amahlelo wabatloli abatjha
[edit | hlela umthombo]Ihttps://www.fundza.co.za/our-programmes/writing/irhelebha ukukhulisa nokwandisa ithalente leSewula Afrika.
Abatloli abasebatjha bangathumela umsebenzi wabo bona ubuyekezwe siqhema begodu ukhutjhwe nge-mobisite yabo yasimahla yedatha ifundza.mobi.I-fundza iraga iintjhijilo zokutlola namaphaliswano ibuye inikele abatloli abafuna ukutlola ngendlela ethileko yokutlola.Njengengcenye yokuzibophezela kwe-funzda ekukhuliseni abatloli abatjha i-fundza iraga ihlelo lokutlola le-inthanethi elithatha isikhathi esithileko seenyanga ezili-10 lapho abatloli abasebatjha abanethalenta abalinani eliyi-20 eSewula Afrika bathoma ikhambo elikhona lokuthuthukisa amakghono wabo.
Ekupheleni kobudlelwano abatloli bazabe bakhe iphothifoliyo yokutlola ehlaba imizwa nehlukahlukeneko begodu bazabe sele igadangisiwe kanengi ku-live fundza mobi app.
Umtloli osemutjha owenza umehluko
[edit | hlela umthombo]
U-Mafika Jetro Mahlangu ungumtloli osemutjha ovela endaweni yeMpumalanga.Ithando lakhe lokutlola lathoma lokha asese mncani asemabangeni aphasi wezefundo.
Utlola ngelimi lesiNdebele begodu utlola ngendlela ezinengi,ukufaka hlangana ama-noveli,imidlalo etjhatjhalazi,imidlalo yemirhatjhweni kunye neenkondlo.
Incwadi yakhe yesihloko esithi uMrhayili yagadangiswa ngomnyaka ka 2023 begodu yenza kuhle.Uthumbe abonongorwana abathathu ngayo incwadi kaMrhayili.
Wathumba unongorwana kwi https://sala.org.za/ngaphasi kwe best first time published author award ngomnyaka ka2024.Wabuye wathumba kuMbokodo publishers literary awards awards ngaphasi kwe best book in isiNdebele nakhu readers choice award ngomnyaka ka 2024.
Inkhombo
[edit | hlela umthombo]https://sala.org.za/ https://www.panmacmillan.co.za/ https://www.fundza.co.za/ https://nalibali.org/