Abotitjhere
Abotitjhere bafundisi babentwana kuze bangatholakali izintweni namkha ezindleleni eziphuma endleleni.Isikolo ngeze saba khona ngaphandle kotitjhere Barhelebha abentwana bona babenelwazi mayelana nefundo, bafundisa bona umntwana abenokuzithemba azazi bona yini akghona kuyenza nento angakghoni ukuyenza.[1] Abotitjhere abafundisa amabanga aphasi,bafundisa abentwana bona bakghone ukutlola ,nokufunda nokhunye. Barhelebha umntwana bona akghone ukufunda incwadi nokutlola imitjho emide , begodu bakghone ukutlola kuhle imisebenzi yabo.
Ukuqakatheka kukatitjhere
[edit | hlela umthombo]Abotitjhere baqakathekile ngombana basisekelo sefundo. Lokha abotitjhere nabangekho ifundo ngekhe yabalula. Abotitjhere bafundisa aabantwana bona bakghona ukufunda nokutlolwa. Banikelwa abantwana ilwazi elizeleko ngepilo babasize bonyana bakghone ukufezikisa amabhudango wabo ngokuthi babe ngilokho abafuna ukuba ngikho nabakhulako.Woke amabizelo abawalandeko abantu abelethwa botitjhere ngombana bengekhe kube lula ukuthi bawalandele kube azange abotitjhere babekhona ukubafundisa babe nelwazi lokuthi kufuze benzene ukuthi balandele amabizelo lawo.[2]
Umsebenzi katitjhere
[edit | hlela umthombo]Ukulawula itlasi
[edit | hlela umthombo]Utitjhere usebenza ukuthi alawule itlasi lakhe liba njani. Lokhu angakwenza ngokuthi enze immithetho yangetlasini abafundi abazoyilandela. Okhunye godu uhle indlela itlasi lakhe lizokuqaleka ngakhona isibonelo iindlela abantwana abazokuhlala ngayo nokuthi yena uzokuhlala kuphi.[3] Nokuthi uzokusebenzisa yiphi ikambiso ukuthi abafundi bafunde kamnandi bathabele ukufunda.Ukulawula kumsebenzi katitjhere wangangamalanga awenzako ngombana lokho kulawula bonyana kuyafundeka ngetasini nofana akufundeki.
Ukufundisa
[edit | hlela umthombo]Ukufundisa msebenzi ovamilleko katitijhere ngombana ngombana woke umuntu uyazi ukuthi abotitjhere basebenza ukufundisa. Ukutjho bona banikela abafundi babo ilwazi leli egade banganalo nofana bathuthukise lelilwazi abafundi asele baliphethe. Utitjhere lokha nakafundisako wenza bonyana abantwana bakghone ukuzwisisa iinhloko ezithileko egade bangazizwisisi ekuthomeni bakhulume ngelwazi lokuphila amaphilo wabo begodu bafundu ukuthi bajamele. Utitjhere ufundisa abafundi izint ezinengi kungaba kukuthi bathole amakghono wepilo, ilimi nofana ukubala. Omunye nomunye utitjhere ufundisa isifundo esithwaselko efundweni yamaziko aphezulu,
Ukwenza insiza zokufundisa
[edit | hlela umthombo]Lokha utitjhere nakafundisako akamane akhulume kwaphela kodwana kube neensiza zokufundisa ezifana namatjhadi, iinthombe nokhunye ekuzokwenza bona abafundi bakghone ukuzwisisa isifundo lula ngaphandle kokuthi bararane ihloko. Utitjhwere wenza iinsiza zokufundisa ngombana abanye abafundi kungenzeka bonyana bangamuzwa lokha nakafundisako kodwana kuthi lokha nabaqala isisiza sokufundisa bese bakghone ukubona bonyana kufundwa ngani nofana bakghone ukuzwisisa isifundo leso abafundosswa sona.
Ukwenza iinhlahlubo
[edit | hlela umthombo]Umsebenzi katitjhere kukuthi athathe koke lokhu akufundise abafundi bakhe bese ahlele isihlahlubo sakhe sethemu nofana sonyaka ahlole bonyana lokhu abekakufundisa abafundi bakhe sele bakuzwisisile nofana awa.[4]Uhlola bonyana khuyini leyo ebatlhaga ukuyibamba nokuzwisisa nokuthi yini esele bayazi khulu kilezi zinto abazifundileko. Omunye nomunye utitjhere ukghona ukubona abafundi abanekghono lokubamba begodu nabafundi abathatheloa kude. abaotitjhere bakghona ukuhlela imihlohlobo yeenhlahlubo.
Iintjhijilo zokuba ngutitjhere
[edit | hlela umthombo]Abotitjhere lokha nabasebenzako baqaalana neetjhijilo ezinengi ezahlukahlukeno.Uthole abotitjhere badelelwa bafundi ngesibanga sokuthi abafundi abasabethwa eenkolweni bese bagcine sele babona abotitjhere njebantu abadelelekileko.[5] Obunye ubudisi kukuthi abantu babona ngathi umsebenzi wabo titjhere bamabanga aphasi ngathi ulula khulu begodu babona kanti ngibo ebenza umsebenzi omkhulu.Abantu bacabanga bona utitjhere usebenza ukufundisa kwaphela abazi ukuthi minengi imisebenzi ebayenzako lokha nabange tlasini efana nokuthi baqinisekile ukuthi amafayili wabo ahleleke kuhle begodu kufanele benze neensiza zokufundisa.
Iinkomba
[edit | hlela umthombo]- ↑ TEACHER | English meaning - Cambridge Dictionary
- ↑ Gore, V. and Begum, S., 2012. Role of a Teacher in 21st Century. The Criterion: An International Journal in English, 3(3), pp.2-7.
- ↑ Ibrahim, M.H.A.R., 2016. Classroom management: The effectiveness of teacher’s roles. Education and Linguistics Research, 2(1), pp.69-84.
- ↑ Doyle, A., Johnson, M.C., Donlon, E., McDonald, E. and Sexton, P.J., 2021. The role of the teacher as assessor: Developing student teacher's assessment identity. Australian Journal of Teacher Education (Online), 46(12), pp.52-68.
- ↑ Flores, M.A., 2017. The complexities and challenges of be (com) ing a teacher and a teacher educator. European journal of teacher education, 40(1), pp.2-5.