Amagulo ahlasele inarha yekhethu
Amagulo ahlasele inarha yekhethu, isitjhaba sekhethu sihlaselwa magulo amatjha qobe minyaka begodu ngamagulo la banengi esele baphekelelwe kiboyisemkhulu ngesibanga sokungatholi itjhejo labodorhodere besikhuwa ngesikhathi, ngomnyaka we-2020 kwaba nokurhagala kwe-Covid 19 ezweni lekhethu, ingogwana le yarhatjheka emazweni pheze kiwo woke akhona ephasini beyafika ezweni leSewula Afrika lapha eyatheleleleka khona ebantwini pheze abangaphezu kwengidi ezintathu, amagulo la afaka hlangana ikholera, kanye namanye angakabalwa.[1]
I-Covid 19
[edit | hlela umthombo]
i-Covid 19 mkhuhlani onamandla othelelanako, ngomnyaka we-2020 ngoTjhirhweni ubulwelobu barhatjheka ephasini mazombe, laba ebegade batheleleke ngobulwelobu abanye babo bahlongakala kanti abanye babo basinda, bekunemigomo nemibandela abantu ebekufuze bayilandele ukuze bavikeleke begodu namathuba wokuthi batheleleke ngengogwana abe manqani imigomo nemibandela le beyifaka ukugeza izandla njalo ngaphambi kwemizuzu emihlanu, uhlale ugcoke isifonyo, nawuzizwa ungakaphili kuhle uye emtholapilo nanyana esibhedlela esiseduze uyokutjhegwa bona awukatheleleki nge Covid-19 koke lokhu kwasiza abantu abanengi.[2]
Ikholera
[edit | hlela umthombo]Ikholera ibangwa kungahlanzeki kwamanzi aselwa babantu, ubulwelwe lobu burhatjheka khulu ngamanzi nokudla esikudlako, Lokha nayingenako emzimbeni, ibhaktheriya inamathela emabodeni wamathumbu amancani okurholela ekurhudeni okukhulu nokuphelelwa mamanzi emzimbeni, abantu abatheleleke ngekholera bangalatjhwa ngesisombululo sokubuyisela amanzi emlonyeni, Amacala amakhulu atlhoga ukufakwa amanzi ngemithambo, ekusisombululo sokubuyisela amanzi emlonyeni kanye nokusetjhenziswa kwama-anthibhayothikhi. [3]
Ikholera eSewula Afrika
[edit | hlela umthombo]ISewula Afrika sele ihlangabezana nokuqubuka kwekholera kusukela ngezi 01 kuMhlolanja 2023, begodu kubikwe inani elikhulu labantu abafako eendaweni ezihlukahlukeneko, Ukuqubuka lokhu kukholelwa bona kwavela ebantwini ebegade bavela enarheni yange-Malawi, lapho bekuvamise khona ukutholakala abantu abanekholera.[4]