Amathambo
Amathambo kuyinto ethekgha umzimba bona ukghone ukujama begodu ubenejamo.Amathambo womzimba nakapheleleko ama-206. Amathambo la woke anikela umzimba isekelo lokujama begodu nevikeleko[1]. ayinto eqinileko begodi enziwe maphrotheyini,i- collagen kanye nama minerali khulu i calcuim.
Imihlobo yamathambo
[edit | hlela umthombo]Amathambo amade, lawa mathambo amade atholakala ezandleni neenyaweni[2].Amathambo amafitjhani kumathambo abumbeke njengebhoksi atholakala endololwaneni nasemkantjeni. Amathambo apataleleko abonakala ngokuthi amhlobo owondileko begodu opatalele. Atholakala ehloko, ethambeni elihlukanisa imbambo, Kanye nakizo imbambo[3].Amathambo angakabumbeki, kumathambo angaweli ndawo kweminye imihlobo yamathambo kodwana nawo kumathambo womzimba. Isibonelo ithambo lomgogodhla, lehlolo neledinini.Amathambo wesesamoid wona mathambo amancani ahlangana nemisipha. Isibonelo lithambo elihlanganisa idolo.
Umsebenzi wamathambo
[edit | hlela umthombo]Amathambo asebenza ukunikela umzimba isekelo, akwenza bona ukghone ukujama njengomuntu begodu ukghone nokukhamba.Amathambo avikela izitho zomzimba eziqakathekileko zanga phakathi ezifana nehliziyo, amaphaphu. Amathambo avalela izitho lezi ukuze zingalimamali lula[4]. Amathambo enza bona sikghone ukukhamba ngombana abambene nemisipha bese kube lula ukuthi umuntu asuke endawen yinye aye kwenye ngaphandle kobudisi. Amathambo ngiwo enza amaseli amhlophe nabovu weengazi kanye amaplatelets. Amathambo afaka amaminerali afana ne-Calcium,phosphorus ekungiwo enza bona amathambo ahlale aqinile.Kuqakathekile bona umuntu anakelele amathambo wakhe bona ahle anepilo ukuze azokukghona ukubalekela amalwele wamathambo afana ne arthritis, nofana i-osteoporosis[5].
Amathambo adlala indima ekulu emzimbeni womuntu ngomba aletha ivikeleko ezithweni zangaphakathi zomzimba. Enza bona umuntu akghone ukukhamba begodu enza umzimba ubumbeke. Kuqakathekile bona siwanakekele amathambo ukubalekela izifo eziphathelene nemathambo emzimbeni.
Iinkomba
[edit | hlela umthombo]- ↑ Bone | Definition, Anatomy, & Composition | Britannica
- ↑ Long Bones – Anatomy, Examples, Function, & Labeled Diagram
- ↑ Long Bones – Anatomy, Examples, Function, & Labeled Diagram
- ↑ Florencio-Silva, R., Sasso, G.R.D.S., Sasso-Cerri, E., Simões, M.J. and Cerri, P.S., 2015. Biology of bone tissue: structure, function, and factors that influence bone cells. BioMed research international, 2015(1), p.421746.
- ↑ Weatherholt, A.M., Fuchs, R.K. and Warden, S.J., 2012. Specialized connective tissue: bone, the structural framework of the upper extremity. Journal of Hand Therapy, 25(2), pp.123-132.