Amazinyo
Amazinyo amhlophe, ahlala ngaphakathi komlomo ngiwo enza bona umuntu akghone ukuluma izinto. Amazinyo womuntu nakapheleleko ama-32.[1]Amazinyo abangaphasi nangaphezulu ngaphakathi komlomo. Umlomo ukghona ukwamukela ukudla bese amazinyo agaye ukudla lokho kughone ukwehla emphinjeni umuntu angarhameki. Amazinyo zizinto eziqinileko ngemlomeni ezenziwe nge calcium.[2] Amazinyo ayingcenye yerherho lokugaya Ukudla. Anamathele phezulu kwensini begodu ayahluka ngokubumbeka, nangokusebenza. Kuna manzinyo wangaphambili asebenza ukuluma nokurathula, bese kube namazinyo wehlangothini ahlabako wowna ngewokudabula Ukudla, kwalowo bese kube namazinyo wemhlathinini adage wokugaya Ukudla.
Ukwakheka kwamazinyo
[edit | hlela umthombo]Amazinyo akhiwa yi- enameli ekulilarha elimhlophe eliqinileko elanza bona amazinyo angaboli nofana amotjheke. Bese kube ne-Dentin ekulilarha elithambileko elingaphakathi elakha izinyo ngokupheleleko. I-cementum yona lilarha elivala umrabho wezinyo bese lirhelebhe ukulisekela ethambeni elimbane nala. Kube ne-pulp ekungiyo engaphakathi khulu ezinyweni.Yona iphethe amanevu nemithambo yeengazi.[3]
Umsebenzi wamazinyo
[edit | hlela umthombo]Amazinyo umuntu uwasebenzisela ukuluma nokuhlafunya izinto lezo azidlako. Amazinyo enza lokho ukuze umuntu akghone ukugwinya nokuthi ukudla kukhone ukugayeka emathumbini. Okhunye godu kukuthi amazinyo enza bona umuntu akghone ukukhuluma lokha nakunento afuna ukuyikhuluma. Amanye amagama akaphimiseki lula lokha nawunganawo amazinyo, nofana angeze wazwakala bona uthini nawuwakhulumako. Amazinyo enza bona ukghone ukuba muhle lokha nawuhlekako begodu uhleke ngokuzithemba.[4]
Ukutlhogomela amazinyo
[edit | hlela umthombo]Kuqakathekile ukutlhogomela amazinyo ngombana lokho kuzokuvikela bona amazinyo angabi nomgodi ngaphakathi nokuthi amazinyo angaboli[5]. Kufanale umuntu ahlanze amazinyo cobe lokha nakaceda Ukudla ukuze ahlale ahlanzekile. Umuntu lokha nakabona bonyana unomraro wamazinyo kufuze bona avakatjhele kudorhodere wamazinyo bona amrhelebhe ukuze akwazi ukuthi abe nazinyo anepilo. Amazinyo kuyinto kufanele anakelelwe ngombana arhelebha umuntu bona akghone ukudla, ukuhlafunyana kade nokuzithemba. Umuntu kufuze ahlale atlhogomela amazinyo wakhe ngokuthi awa bhrashe, begodu atlubhe nangezinto zokuhlalnza amazinyo khona azokuhlala ahlanzekile.
Iinkomba
[edit | hlela umthombo]- ↑ TOOTH | English meaning - Cambridge Dictionary
- ↑ Ungar, P., 2020. The Trouble with Teeth. Scientific American, 322(4), pp.44-9.
- ↑ Zimmerman, B., Shumway, K.R. and Jenzer, A.C., 2019. Physiology, tooth.
- ↑ Teeth - Structure, Anatomy, Function, Diagram, Significance
- ↑ Heng, C.C., 2016. Tooth decay is the most prevalent disease. Federal Practitioner, 33(10), p.31.