Bongiwe Msomi

U Bongiwe Msomi wabelethwa mhla amalanga ali-19 kuTjhirhweni ngomnyaka we-1988 bekangumdlali we-netball weentjhabatjhaba zeSewula Afrika begodu angumbanduli webholo lezandla. Hlangana nomnyaka ka-2011 ukuya ku-2023, u-Msomi wenze imidlalo eli-171 yeSewula Afrika. Ujamele iSewula Afrika emidlalweni ye-Netball World Cups yango-2011, 2015, 2019 kanye ne-2023 kanye naku -2014, 2018 kanye ne -2022 ye-Commonwealth Games. Bekalilunga lamaqembu weSewula Afrika aphumelele iindondo ku -2012 World University Netball Championship kanye ne -2012 Fast5 Netball World Series. Phakathi kuka-2016 ukuya ku-2023 waba ngukaputeni weSewula Afrika. Lokha nakathatha umhlalaphasi bekangumdlali weentjhabatjhaba we-netball odlale khulu eSewula Afrika. U-Msomi gade alilunga lamaqembu amabili we-Netball Superleague athumbe iphaliswano le-Netball Superleague ne Surrey Storm ngo 2015 begodu ngo 2017 ne Wasps Netball. Ngo-2022 waba ngukaputeni we-Gauteng Golden Fireballs lokha nabathumba isicoco se -Telkom Netball League. Kusukela ngo-2019 u-Msomi wasebenza njengomqeqetjhi omkhulu we-netball e- University of Johannesburg.

UMsomi wabelethwa begodu wakhulela elokitjhiini le Hammarsdale eduze ne-Durban, e-KwaZulu-Natal. Ngowesihlanu ebantwaneni ababunane. Unina begade asebenza emafemini. Ngomnyaka ka-2008 uyise, umdosiphambili womphakathi wahlongakala. Wafunda e-Chief Luthayi High School. Ngomnyaka ka-2012, uMsomi wathola iziqu e -Durban University of Technology zediploma yesitjhaba yokuPhathwa kwezeMidlalo. Udadwabo omncani ka-Msomi, u-Sinenhlanhla Msomi bekadlala ibholo lesandla ku Gauteng Golden Fireballs. UMsomi wakhula akhuluma isiZulu begodu wafunda isiKhuwa ngemva kokudlala ibholo lesandla waba ngukaputeni wesiqhema

Umsebenzi wokudlala

Umsebenzi wokuthoma

Ngo-2004, uMsomi wathoma ukudlala ibholo yezandla aneminyaka eli-16 ngesikhathi asesikolweni samabanga aphezulu i-Chief Luthayi. Bekabukela abangani bakhe bahlanganyela lokha nabazilulako nakamenywa bona ahlanganyele ukwenza amanani. Umqeqetjhi wambawa bonyana abuye azokudlala ngesigaba esilandelako. UMsomi uthokoza uSthembiso G. Mncwabe umrhelebhi wakhe wokuthoma webholo yezandla ngokuthoma nokusekela umsebenzi wakhe webholo. UMsomi ukhumbula ukuthi uMncwabe wasebenzisa imali yakhe ukuthenga amabholo, amakhoni kanye neenyathelo ukuze abentazana ebagade abaqeqetjha bakwazi ukudlala. Ngomnyaka ka-2005 uMsomi wakhethwa bona azokujamela i-eThekwini eemphaliswaneni zangekhaya.

Kingdom Stars

Phakathi komnyaka wee-2014 ne-2016 uMsomi wadlalela i Kingdom Stars ku Brutal Fruit Netball Cup. Ngomnyaka ka-2014 uStars wathumba indawo yesibili ku Division Two Shield begodu uMsomi wakhethwa njengomdlali odlale kuhle khulu ukudlula boke abadlali. Ngomnyaka ka-2015 waba ngukaputeni we-Stars njengombana athumba i-Shield begodu wakhethwa njengomvikeli odlale kuhle khulu wephaliswano. Ngomnyaka wee-2016 waba ngukaputeni we-Stars ukuya endaweni yesihlanu isikhundla sabo esihle khulu kuligi. Abalingani bakhe be-Stars bafaka hlangana uPrecious Mthembu. Lokha nakadlalela i-Stars uMsomi wasebenza njengotitjhere nomqeqetjhi webholo lezandla e-Northlands Primary School eDurban North.

Surrey Storm

Ngomnyaka wee- 2015 uMsomi watlikitla ne Surrey Storm ye Netball Superleague . UTamsin Greenway ongumbanduli omkhulu we-Surrey Storm wathoma ukubona uMsomi adlala kumdlalo we Commonwealth ngomnyaka ka 2014. Ngemva kwalokho wathintana naye nge Facebook begodu wammema bona adlalele i-Storm. Mhla amalanga ali-17 kuNtaka 2015 wenza ukuthoma kwakhe kokuthoma ekunqobeni kwe Team Bath ngo-61-39 begodu wakhethwa njengomdlali ophuma phambili kibo boke. Igalelo lakaMsomi lisize isiqhema se Surrey Storm ngomnyaka wee-2015 bona siphumelele eemphaliswaneni. Emdlalweni wokugcina omkhulu bahlula i-Hertfordshire Mavericks ngo-56-39.

Wasps

Ngenyanga kaKhukhulamungu 2016, uMsomi watlikitla i Wasps Netball ye -Netball Superleague wahlangana godu no Tamsin Greenway. Ngemva kwalokho waba lilunga lesiqhema se-Wasps esathumba ku Netball Superleague yango 2017 begodu emdlalweni omkhulu wakhethwa njengomdlali womdlalo. Ngemva kokuphetha isizini ka-2018 ne Adelaide Thunderbirds uMsomi wabuyela ku Wasps ngesizini ye-2019 Netball Superleague begodu bekalilunga lesiqhema sabo esaqeda njengesesibili.

I-Adelaide Thunderbirds

U-Msomi wajoyina i-Adelaide Thunderbirds ngesikhathi se-2018 Suncorp Super Netball. Ngemva kwalokho wenza ukuvela kwe-11 kwabadala kodwana bekungasi yisizini ebaphumelela kiyo. I-Thunderbirds iqede isizini ka-2018 ingathumbi. Lokha nakadlalela i-Thunderbirds waphinda waqeda isikhathi sokubandula e Contax Netball Club.

Ngomnyaka wee-2020 UMsomi wabalilunga lesiqhema se Gauteng Golden Fireballs esaqeda endaweni yesithathu ku Telkom Netball League. Abalingani bakhe bangomnyaka ka 2020 eFireballs bafaka hlangana udadwabo omncani uSinenhlanhla Msomi. Ngo-2022,uMsomi waba ngukaputeni wesiqhema se Fireballs lokha nabathumba isicoco se-TNL. Emdlalweni wokugcina bahlula i-Gauteng Jaguars ngo-35-32.

ISewula Afrika

Hlangana nomnyaka ka-2011 no 2023, uMsomi wenze imidlalo eli-171 yeSewula Afrika. Phakathi kuka-2016 ukuya ku-2023 waba ngukaputeni weSewula Afrika. Lokha nakathatha umhlalaphasi bekangumdlali weentjhabatjhaba webholo lezandla odlale kuhle khulu eSewula Afrika. Wenza umdlalo wakhe wokuthoma weSewula Afrika edlala ne Jamaica ku 2011 World Netball Championships. Bekalilunga lamaqembu weSewula Afrika aphumelele iindondo ku- 2012 World University Netball Championship kanye ne -2012 Fast5 Netball World Series. Ngomnyaka ka 2013 waba ngusekela kakaputeni uMaryka Holtzhausen begodu waba ngukaputeni wesiqhema seSewula Afrika esathumba i 2013 Diamond Challenge. Ngemva kwalokho wajamela iSewula Afrika emidlalweni ye-Commonwealth ka-2014 kanye neNdebe yePhasi ye Netball ka-2015. Ngenyanga kaRhoboyi wee-2016, uMsomi wamenyezelwa njengokaputeni weSewula Afrika we -2016 Netball Quad Series athatha isikhundla se-Holtzhausen unomphela. Mhla amalanga ama-3 kuNobayeni 2017 waba ngukaputeni weSewula Afrika ekunqobeni kwabo kokuthoma kwe Netball Quad Series lokha nabahlula i-England ngo-54-51.

Ngaphambi kwemidlalo ye-Commonwealth yango-2022, i Netball South Africa yanikela abadlali iinomboro zabadlala ababoqhephetjhe kokuthoma. UMsomi ubengomunye wabadlali abama 24 abathola isivumelwano. Emdlalweni we Commonwealth Games Parade of Nations wangomnyaka wee-2022.uMsomi wakhethwa njengomunye wabathwali beflegi yeSewula Afrika. Ngenyanga kaRhoboyi ngomyaka ka 2022 waba mdlali weentjhabatjhaba webholo lezandla odlale khulu eSewula Afrika lokha nakadlalako umdlalo we-151 ngesikhathi sephaliswano se Netball World Cup ngomnyaka wee-2023. Ngo 2023, uMsomi wenza ukubonakala kwakhe kwesine eNdebeni yePhasi yebholo lezandla.

Tournaments	Place
2011 World Netball Championships	5th
2011 World Netball Series	5th
2012 World University Netball Championship
2012 Diamond Challenge	1st
2012 Netball Quad Series	4th
2012 Fast5 Netball World Series
2013 African Netball Championship	1st
2013 Diamond Challenge	1st
2013 Fast5 Netball World Series	6th
2014 Commonwealth Games^[1]^[2]	6th
2015 Diamond Challenge	1st
2015 Taini Jamison Trophy Series	2nd
2015 Netball World Cup^[1]^[2]	5th
2016 Netball Quad Series^[3]	4th
2016 Diamond Challenge	1st
2017 Netball Quad Series (January/February)	4th
2017 Netball Quad Series (August/September)	4th
2018 Netball Quad Series (January)	4th
2018 Commonwealth Games	5th
2018 Netball Quad Series (September)	4th
2018 Diamond Challenge	1st
2019 Netball Quad Series	4th
2019 Netball World Cup	4th
2019 Africa Netball Cup^[4]	1st
2019 South Africa England netball series	2nd
2020 Netball Nations Cup	4th
2020 South Africa Malawi netball series	1st
2021 SPAR Challenge Series	1st
2021 Africa Netball Cup	1st
2022 Netball Quad Series	4th
2022 Commonwealth Games	6th
2023 Netball World Cup qualification – Africa	1st
2022 SPAR Diamond Challenge	1st
2023 Netball Quad Series	4th
2023 Netball World Cup	6th

Umsebenzi wokubandula

I-UJ Netball

Ngenyanga kaRhoboyi ngomnyaka wee-2019 uMsomi wakhethwa njengombanduli omkhulu we University of Johannesburg Netball Club.Ngo 2023 wadosela i-UJ Netball emdlalweni wabo wokuthoma we-Varsity Netball. Kodwana baqeda njengabalandeli ngemva kokuhlulwa yi UP Tuks ngo-63-61 emdlalweni wokugcina. Ngo-2024, u-Msomi wahola i-UJ Netball ukuya kuma-final ngomnyaka wesibili ngokulandelana. Kodwana, baphinda baqeda njengababili, kulokhu bahlulwa 58-55 ku -UFS Kovsies .

Ukuhlonitjhwa

Umdlali

INdebe yebholo ye-Afrika
- Abaphumeleleko : 2013, 2019, 2021
Inselelo yedayimani
- Abaphumeleleko : 2012, 2013, 2015, 2016, 2018, 2021, 2022
Umqhudelwano webholo ye-World University
- Abathatha indawo yesibili : 2012

Isiqhema se Surrey Storm

I-Netball Superleague
- Abaphumeleleko : 2015

I-Wasps Netball

I-Superleague ye-Netball
- Abaphumeleleko : 2017
- Abathatha indawo yesibili : 2019

I-Gauteng Golden Fireballs

I-Telkom Netball League
- Abaphumeleleko : 2022

Kingdom Stars

Isihlangu seSigaba sesibili
- Abaphumeleleko : 2015

Ukubandula

I-UJ Netball

I-Varsity Netball
- Abathatha indawo yesibili : 2023, 2024

↑ ^1.0 ^1.1 Cite error: Invalid <ref> tag; no text was provided for refs named en230916
↑ ^2.0 ^2.1 Cite error: Invalid <ref> tag; no text was provided for refs named skysports230916
↑ Cite error: Invalid <ref> tag; no text was provided for refs named nsa190816
↑ Cite error: Invalid <ref> tag; no text was provided for refs named nsa210520

[en230916-1] 1.0 ^1.1 Cite error: Invalid <ref> tag; no text was provided for refs named en230916

[skysports230916-2] 2.0 ^2.1 Cite error: Invalid <ref> tag; no text was provided for refs named skysports230916

[nsa190816-3] Cite error: Invalid <ref> tag; no text was provided for refs named nsa190816

[nsa210520-4] Cite error: Invalid <ref> tag; no text was provided for refs named nsa210520

[1]

[2]

[3]

[4]