Charlize Theron
U-Charlize Theron umumuntu weSewula Afrika begodu omlingisi, nomenzi wamafilimu e-America. Umuntu okhona kwezokuzithabisa. Wabelethwa mhlana amalanga ama-7 kuRhoboyi ngonyaka we-1975. Wabelethelwa endaweni ye Benoni, eSewula Afrika. U-Theron wathoma ikhambo lakhe le-Sterdom lathoma asesemcancani. Wakhulela eplasini elingaphandle kwe Johannesburg, ekukulapho athoma khona ukuba nethando lokudansa bewagcina sele afunda isikolweni senarha sobukghwari.[1]Ipilo ka Charlize Theron yabonakala ngokuthi ahluke begodu abe mumuntu akghona ukuza nemibono ehle.
Uyise ka-Charlize Theron wabe asogola ngokulisa utjwala, begodu unina, uGerda wadlala indima eqakathekileko yokubumba Amandla nokubekezela.[2] Ubuhlungu bamehlela ngesikhathi aneminyaka eli-13, uyise wabulawa ngokuhlasela okufaka unina, owabe alinga ukuzivikela. Isehlakalo lesi saba nomthelela omkhulu epilweni yakhe senza bona agcine sele azinikele ekuthandeni ukudansa nokuthenii abe mlingisi.Ibizelo lakhe lathoma ngokuthi abe yi modeli ekukulapho wathoma khona wathumba iphaliswano lekhaya elamenza wathola ithuba lokuba yimodeli e-Italy.
Ngemva kwesikhathi wasuka waya e-United States of America ukuthi ayokukwenza I ballet kodwana ngemva kokulimala idolo. Ukuphumelela kwakhe kwavela ngonyaka we1997 ngefilimu I”devil’s Advocates” phambi kwe Keanu reeves ne-AI Pacini, kodwana into eyamenza bona adume khulu kukuthi wakhe wadlala njongomlingisi ombulali wabantu abanengi angu Aileen Wuornos ku “monster” ngonyaka we 2003.[3] Sele athumbe abonongorwana abanengi abafaka hlangana unongorwana we-A academy award otholwa babantu bengubo.Ukuzimisela kwaka Theron kuyabonakala ngombana uyazilungiselela lokha nakayokuba mlingisi othileko. Unekghono lokuthi abe adlale indima yabalingisi abahlukeneko begodu ayidlalel ngendlela ezokuthabisa abantu.
Lokho kwamenza bona abe mumuntu ohloniphekako ku-Hollywood. Amanye amafilimu wakhe aziwako afaka “north country”, “Mad Max”, “Fury Road”, Atomic Bomb nezinye. Ukghona ukuba mlingisi wayo yoke imihlobo yemafillimi, ukghona ukuba ngusomahlaya nofana womdlalo nokhunye.Ipilo ka-Theron yazeka ngokuthi ukuzinikele ebantwaneni bakhe ababibili azikhethela bona ukungu-Jackson no- August. Njongomuntu onganaye umlingani akafihli ngeentjhijilo ahlangabezana begodu uyakuthabela ukudlala indima yokuba mbelethi. Izinto ahlangabezene nazo sele angumama ngizo ezamkhuthaza bona acale ipilo ngenye indlela begodu akhuthaze nabanye abantu.
Iinkomba
[edit | hlela umthombo]- ↑ https://www.biography.com/actors/charlize-theron
- ↑ Prenter, T., van Niekerk, R. and Fouché, P.J., 2019. The amazing life of Charlize Theron. In New trends in psychobiography (pp. 463-479). Cham: Springer International Publishing.
- ↑ Theron, C., 2012. Charlize Theron. Fotogramas & DVD: La primera revista de cine, (2026), pp.72-75.