David Mabuza

U-David Dabede Mabuza wabelethwa mhlazana amalanga ali 25 kuRhoboyi 1960 e Phola eduze ne Hazyview endaweni eyaba sifundazwe se-Mpumalanga. Ababelethi bakhe bebabalimi. Beka ngowesithandathu ebantwaneni abalitjhumi nambili,abentazana ababunane nabesana abane.Wafunda e-Khumbula High School nayo ise Mpumalanga. Wathola idiploma yokufundisa, ekhethekileko yesifundo seembalo, e Mgwenya College of Education ngo-1985.ubenguNobhala we-Black Consciousness-aligned Azania Student Organization (AZASO) kusukela ngo-1984 ukuya ku-1985. Lokha nakafunda eYunivesithi yeSewula Afrika ukuze athole i-Bachelor of Arts ku-psychology ayifumana ngo-1989, wathoma ukusebenza njengotitjhere wesikolo. Wafundisa eMnyangweni wezeFundo we-KaNgwane kusukela ngo-1986 ukuya ku-1988 begodu waba nguHlokokulu we-Lungisani Secondary School, nayo Ese Mpumalanga kusukela ngo-1989 ukuya ku-1993.

U-David Dabede Mabuza bekangu sopolotiki weSewula Afrika owasebenza njengesekela likaMongameli weSewula Afrika kusukela ngoMhlolanja 2018 ukuya kuMhlolanja 2023. Bekayisekela likaMongameli we-African National Congress (ANC) kusukela ngoNobayeni 2017 ukuya kuNobayeni 2020 kanti ke ngaphambilini ubenguNdunakulu we-Mpumalanga ukusukela ngo-2009 ukuya ku-2018, kikho ukuphathwa bomlingani wakhe wezepolotiki u-Jacob Zuma. U-Mabuza wasebenza njengeLunga lePalamende ukusukela ngo-2018 bekwaba kulapho atjhiya khona umsebenzi ngo-2023.

ukuzibandakanya kwakaMabuza kwezepolotiki kokuthoma kwaba ngomnyakazo we-Black Consciousness ngesikhathi asesemfundi. Bese kuthi nge yuniyoni zabotitjhere bekangumgcinisihlalo we-South African Democratic Teachers Union, ehlangene ne-Congress of South African Trade Unions ukusuka ngo-1988 ukuya ku-1991. Ngemva kokuphela kwebandlululo ngo-1994 wangenela isiBethamthetho sesiFunda se-Mpumalanga njengommeleli we-ANC begodu wathatha iinkhundla ezinengi zobuNgqongqotjhe eKhanseleni le-Executive le-Mpumalanga. Wakhethwa eKomidini ye-ANC National Executive Committee kokuthoma ngo-2007 begodu waba ngusihlalo we-ANC wesifundazwe e-Mpumalanga kusukela ngo-2008 ukuya ku-2017, ngesikhathi sakhe sokuba nguNdunakulu.

Ipolotiki ka-Mabuza ngesikhathi somsebenzi wakhe beyihlathululwa njengeyabantu abathanda abantu. wakhuphula ubukhulu nomthelela wesiqhema se-ANC e -Mpumalanga no-Ace Magashule no-Supra Mahumapelo. waba yingcenye ye-Premier League eyasiza ukwakha umphumela we-ANC's 54th National Conference. Emhlanganweni lo owabanjwa ngoNobayeni ku-2017, u-Mabuza wakhethwa njengoSekela likaMongameli we-ANC asebenza ngaphasi kuka-Cyril Ramaphosa. Lokha u-Ramaphosa nakakhuphukela esikhundleni sikamongameli weentjhabatjhaba ngemva kokutjhiya kwaka-Zuma ngoMhlolanja 2018, wabeka u-Mabuza bona athathe isikhundla sakhe njengeSekela likaMongameli weentjhabatjhaba.