E-Middelburg, e-Mpumalanga

I-Middelburg yidorobha elikhulu elisesifundeni se-Mpumalanga eSewula Afrika .

Umlando

Kokuthoma indawo le yasungulwa njengesitetjhi esiphakathi kwendawo ye-Lydenburg ne-Pitori yi- Republic of Lydenburg ngo-1860. . Iriphabliki leyo yahlangana neRiphabhliki yeSewula Afrika (i-ZAR) ngemva kwesikhathi esingasi side. ^[1] : 30 Idorobha elahlongozwako lasungulwa hlangana namamaplasi amabili, i-Klipfontein ne -Keerom. Kodwana ke, lokha iBandla le-Dutch Reformed nalisungula isondo eliseduze neplasi le -Sterkfontein, idorobha leli lathuthelwa lapho. Ekuthomeni, khabe libizwa njenge-Nasareth ngo -1864, libizwa ma-Voortrekkers emahlangothini womlambo i-Klein Olifants.^[1] Ngomnyaka ka-1872 yatjhugululwa ibizo yaba yi-Middelburg ekulibizo elitshwaya bona indawo namkha idorobha leli lihlangana nedorobha elikhulu le- Transvaal i-Pretoria, kunye nedorobha le- Lydenburg ekungelamamayini wegolide . ^[1]isondo le bandla le-Dutch Reformed lakhiwa ngo-1890. ^[1] AmaNgisi akha ikampa ekulu yokubeka iimbotjhwa e-Middelburg ngesikhathi sePi yesiBili yamaBhunu . ^[1] Imyuziyamu yeSikhumbuzo yakhiwe endaweni eduze kwamathuna ali-1,381 wabantu abasikazi nabantwana abahlongakala ekampeni leli leembotjhwa. ^[1].

I-Geography

Imiphakathi

I-Aerorand - Idorojana elitjha eMiddleburg
I-CBD - ingcenye encani khulu yedrobhena
I-Groenkol - izindlu ezilungisiweko ezisezingeni eliphezulu
I-Dennesig - ebizwa ngemithi ye-conifer esakazeke edorojaneni
I-Golfsig - idorojana elisezingeni eliphezulu elinekundla yomdlalo i-golf
I-Clubville - idorojana elizele amakari elinamabala amanengi we golf
Indawo yamabubulo - amabhizinisi ahlukahlukeneko wamabubulo
I-Kanonkop - Indawo lapha kunamathuna wabantu ebebabekwe ekampeni leembotjhwa le-Britain.
Mhluzi - Ngaphambilini bekuyindawo yama- Afrikha ngesikhathi sombuso webandlululo
I-Mineralia - idorojana elithiywe ngemva kwamadiphozithi wamaminerali
I-Nasareth - Idorobha ebegade lingelama Colored elisepumalanga yedorobha
I-Eastdene - Ngaphambilini bekuyidorojana lama-Indian
I-Rockdale - indawo yokuhlala emaphethelweni weplasi i-Rockdale 442 JS
Hlalamnandi- Ngelinye lamadorojana atholakala eMiddleburg.

Iinbalo zabantu

Amakhulu wabantu abasuka eenarheni zangaphandle nemindeni yabobathuthela edorobheni leli ngeminyaka yabo-1950, 1960 kunye neyabo 1970. Ngobunengi khabe bavela e-United Kingdom nakwezinye iindawo ze-Europe. Ukuza kwabo kwaba ngebanga lokugwema ukuwohloka kwemikhakha yamabubulo neyokukhiqiza ekwabangelwa yiPi yesi-II yePhasi emazweni lawo. Imindeni le beyikhangwa sidingo sobucwephetjhe kwezebubulo eentjalweni, begodu kanengi bathokozwa ngezindlu ezixhaswe ziinkampani begodu abanye behliselwa imali eemfundweni zabo.

Abantwana bemindeni yabafuduki labo bathuthela emadorobheni amakhulu aseduze we-Witbank, i-Pitori kunye ne-Johannesburg, ukuyokufuna umsebenzi, nofana basale baba yingcenye yemisebenzi yezomnotho ekhulako endaweni leyo.

Namhlanjesi, idorobha liqalene neendaba ezinengi ezijayelekileko emadorojaneni weSewula Afrika. Lokhu kufaka iintjhijilo ezifana nokukhuluma ngokungalingani kwabantu nasiza ekuletheni insiza ebantwini nemakhiweni khulukhulu emalokitjhini nemadorojaneni aseduze, ebekenzelwe imihlobo yabantu abanzima kunye neyamandiya, ngaphasi kombuso webandlululo. Amasiko wedorobha ahlukile, ukusuka emindenini ekhuluma iAfrikaans, kuya kweminye imihlobo yabantu abanzima. Godu kuphinde kube namasiko wabafuduki abavela e- United Kingdom ne -Europe. Esinye isitjhijilo esikhona kumumukghwa wokufuduka okurhabako kwabantu bedorobheli basuka emadorobheni amancani batjhinge emadorobheni amakhulu ukufuna amathuba kwezomnotho.

Ngo-2016, abantu ababaliweko abahlala endaweni le khabe bayi -278,000 begodu izinga lokukhula elingama-4.9%.umnyango wezeembalo kamasipala uveze isilinaniso sokobana inani labantu lizakuba yi-500,000 ngo-2030. Idorobheli linamabutho wamapholisa amakhulu khulu esifundeni, isibhedlela kunye nomtholampilo. kanye neembhedlela ezizijameleko. Godu iinkolo zomphakathi ezinengi.

Ikolo

I-Middelburg inevelaphi yobuKrestu, ngombana isondo le-Dutch Reformed elidala khulu ngelo elikhulunywe ngalo ngehla elaziwa ngcono nge-"Die Witkerk."

Amabandla edorobheni:

I-Dutch Reformed (NG Kerk)
I-Nederduitsch Hervormde Kerk van Afrika (i-Nederduits Reformed Church of Africa) kusukela mhlazi-01.04.1864 - amapharishi amabili, i-Middelburg ne-Middelburg-Noord mhlana ama-28.08.1977
I-AFM-AGS Apostolic Faith Mission (Lighuis Gemeente, Corpus Christi, AGS Sentraal)
Ibandla lePentekoste lamaProthestani (i-Lofdal Gesinskerk, e-Woord-en-Kruis Gemeente.)
I-Baptist
I-Baptist etja ezijameleko ye-Fundamentalist
I-Methodist
I-African Methodist Episcopal Church (Nazareth Chapel)
amaKatolika
I-Full Gospel Church (i-VEK Presence Church)
Isonto lamaKrestu leZiyoni
Ibandla le-Holy Trinity Anglican
Amasonto azijameleko
Ibandla le-Evangelical Lutheran
Ibandla le-Lutheran Bapedi
Isonto le-St Peter's Confessional Lutheran of South Africa
I-Presbyterian
I-ECF (Eastdene Christian Fellowship) 1988
Isonto lamaKrestu le-Shalom
Ibandla le-Solid Ground

.

Zomnotho

Amabhizinisi amakhulu atholakala edorobheni leli yi-Columbus Stainless, ifemu ekulu yeensimbi eyakhiwa ngo-1965, kunye ne-Thos Begbie & Co, ekuyikampani eyathonywa ngo-1887 ngu-Thomas Begbie.

Amasiko nepilo yesimanjemanje

Ivakatjhobukela

Ezinye iindawo ezikhona hlangana nedorobheli kuyimyuziyamu yesitetjhi se-Botshabelo [1] ekuyindawo egwalwe sitjhaba sama-Ndebele.

Abantu Abaziwako.

U-Jele othabileko - umdlali webholo. Wake waba ngukaputeni we -Orlando Pirates, begodu omunye wabadlali abadlale isikhathi eside khulu be-Orlando Pirates.
Esther Mahlangu - isikghwari esivela esitjhabeni samaNdebele . Waziwa ngemigwalo yakhe.
U- Vincent Mahlangu - umlingisi nomvumi
U-Gerhardus Pienaar - umphosi we-javelin
U- Nothando Vilakazi - umdlali wesiqhema sebholo sesitjhaba se -Spain Primera Division neSewula Afrika

↑ ^1.0 ^1.1 ^1.2 ^1.3 ^1.4 ^1.5 Cite error: Invalid <ref> tag; no text was provided for refs named Pan743

[Pan743-1] 1.0 ^1.1 ^1.2 ^1.3 ^1.4 ^1.5 Cite error: Invalid <ref> tag; no text was provided for refs named Pan743

[1]