Hlengiwe Mhlaba
U-Hlengiwe Mhlaba wabelethwa mhlana amalanga ali-7 kuMgwengweni ngonyaka we-1973.[1]Wabelethelwa endaweni yaKwaMashu esiphandeni seKwaZulu Natal. Umvumi nomtloli womvumo enarheni yeSewula Afrika,yena uvuma umvumo wevangeli.Ikhambo lakhe kwezomvumo lathoma asese mncani nakathoma ukulandela ubukresite. Wathoma ukuthanda ukuvuma asakhula, ithando lakhe lovuma lakhuliswa makhreste bewagcina alandela ibizelo lokuba mvumi. Ngaphambi kobana abemvumi obandululiweko u-Hlengiwe Mhlaba wabe angutitjhere afundisa isifundo seembalo nesayensi esikolweni esisemakhaya.
Ngemva kwalokho nasele isikhathi sikhambile wathola iziqu zokumhlonipha zokuba ngudorhodere ku-theology azithola ku-Immanuel University of Theology, lokho bakwenza baboba ikghono lakhe lokuvuma umvumo wevangeli. Isitayela sakhe sokuvuma sihlukile simenze bonyana abe nabalandeli abangaphezulu kwe-22 000 ku Instagram ngombana wabela abantu ngokukhuthala umvumo wakhe begodu utlola imilayezo ekhuthazako nokubalandeli bakhe.Akanabo abantwana ukungebakhe U-Hlengiwe begodu umumuntu wengubo ongakhange atjhade epilweni.Uyakhuluma ngesiqunto sakhe sokuthi agcoke indandatho emunweni, Uyigcokela bonyana abantu bembaji bangamsomi, kodwana baphazamiseke babone ngathi utjhadile.[2] Wenza lokho ngombana begade bangamfuni lokha nakasese ngutitjhere kodwana nakathoma ukuba mvumi sele bamfuna uthi lokho kutjengisa bona bafuna imali yakhe ingasi yena.
Umsebenzi wakhe kwezokuvuma
[edit | hlela umthombo]Ikghono lakhe lokuvuma latholwa ngomunye wabavumi bomvumo wevangeli u-Sipho Makhabane ekunguye owamfaka ku-Manxusa productions ekukulapho athoma khona ibizelo lakhe lokuvuma.[3]Ibizelo lakaHlengiwe Mhlaba lathoma ngonyaka we-2005 nakakhipha i-albhamu yakhe yesihloko esithi “dwala lami”ekungiyo eyamenzelabona aziwe njengomvumi womvumo wesonto.”UJesu uyalalela” yi-albhamu yakhe alandela ngayo eyabe ikatelela bona umthandazo ngiwo oyipendulo. Wakhupha enye godu i-albhamu ngo-2007 yona eyabe imumethe ifihlo yokobana umvumo wesonto kufanele uzwakale bunjani, uphethe ukulotjha uzimu, ukudansa Kanye nokubonga.Sele akhiphe ama-albhamu aphezulu kwalikhomba.
Ipilo yakhe neentjhijilo
[edit | hlela umthombo]Uhlengiwe Mhlaba akhange afihle okwenzeke epilweni yakhe waveza kobana ukhe walinga ukuzikhunga ngesibanga sokugandelelwa mndeni begodu nangesinga sokuba nobudisi kwezemali. Nanyana kunjalo wasebenzisa izinto akhe aqalana nazo ukuthi abasele umvumo wakhe akwazi ukuthi alekelele abanye abanobududisi abacalene nabo epilweni ngomvumo wakhe.Umumuntu ofundisa ngokuthi abantu kufanele bazigcine baphilile emkhumbulweni wabo babalekele ukugandeleleka ngombana ukugandeleleka kungenza umuntu binyana abe nomcabango wokuzikhunga.Ngalokho wagcina azibandakanya ku-“Ungazibulali depression and Suicide Campaign”.[4]Uthanda ukhuluma nesitjhaba anikele abantu ithemba epilweni.