Hlomisa umntwanakho
Kuqakathekile ukuhlomisa umntwanakho epilweni ngombana lokho kuzomenza umuntu onesimilo begodu okwaziko ukuphilisana nabanye abantu. Kazi umhlomisa ngani umntwanakho? Ngemikhwa? Ngeenkhala ezibulalako? Awa, akukhulunywa ngeenkhali zokubulala nofana zokulelesa. Umntwana umhlomisa ngeenkhali zepilo ewanikelwa zona nawe, unikelwa babelethi bakho usakhula. Iinkhali lezi ziyahlukahlukana epilweni ngonobangela wokobana asikakhuliswa babantu banye begodu iimfundiso ziyahluka emindenini.[1] Njengomzali, udade, umalume, umzala, ukghari njll. kukuwe ukobana udlulisele ifundiso ewayifumama kugogo nofana emndenini wakho kilabo ebeza ngemva kwakho. Izinto ezilandelako zifaka hlangana iinkhali lezo ongazidlulisela komunye.
Ukuhlwengisa
[edit | hlela umthombo]
Ugogo uthanda ukuthi indawo ohlala kiyo ifana nehliziyo yakho, akusikuhle umuntu nakahlala endaweni esilaphezekileko ngombana lokho kutjho ukobana ihliziyo yakho nayo ayikahlanzeki. Njengomuntu omkhulu kukuwe ukuthi ufundise ukubaluleka kokuhlala endaweni ehlwengekileko. Izinto ongazifundisa kukuthi umuntu kufuze ahlambe izandla zakhe nakaqeda ukudlala, nakabuya endlwaneni encani, nakaqeda ukufinya, nakaqeda ukuba nomuntu ogulako. Izandla zihlanjwa ngalendlela elandelako:
- Uthoma ngokuthambisa izandla ngamanzi ahlwengekileko
- Ulandelele ngokuzela isibha ezandleni zombili
- Hlikihla izandla zakho okuncani kube mizuzwana ematjhumi amabili
- Hlakihla hlangana nemino nangemuva kwesandla
- Nawuqeda ukuhlikihla izandla zipule ngamanzi ahlwengekileko.[2]
Okungehla sibonelo sokuthi ungamfundisa bunjani umntwana ukobana ahlwengise izandla zakhe okuyifundiso ehle. Ifundiso yesibili ongayidlulisela ebantwaneni kuqakatheka kokuhlamba amazinyo, umuntu kufuze ahlambe amazinyo kabili ngelanga.[2] Ezinye zezinto eziqakathekileko kukobana kufuze uhlwengise ibhoduluko ohlala kilo, ngombana likuphatha kuhle nawe liphathe kuhle.[3] Ekuphatheni ibhoduluko kuhle umuntu kufuze athanyele ngendlini mihla ngamalanga, begodu ukuze akorobhe ukuze kuhlwenge. Zinengi iindlela umuntu angazifundisa abentwana ezizobasiza ekukhuleni kwabo, Ezinye zazo ngokurhunyeziweko ngelezi ezingehla.