IMapungubwe
IMapungubwe yindawo yokuthoma eSewula Africa. Indawo le isesiphandeni seLimpopo eduze nomlambo weshashe. Bekuyindawo ezele iindlovu ezinengi abantu bebasuka la bahlala khona beze bazokuzingela iindlovu bafuna iimpondo zeendlovu ezibizwa bona yi-ivory ngelimi lesiNgisi. Bazithathe bayozithengisa kwamanye amazwe begodu bebahlala emaplasini ahlukahlukeneko begodu asemaduzelana.[1]
Isikopilo leMapungubwe
[edit | hlela umthombo]Ikosi yakhona beyihlala phezulu kwesicongolwana esibizwa bona yiMapungubwe hill ngombana lapho bekuhlala imimoya yabaphasi begodu beyikghona ukukhuluma nabo. Amadoda bekanamandla ukudlula abafazi begodu umuntu omncani bekangaphathwa njengomuntu omkhulu. Bekunabantu abafunda ilikade ababizwa bona Archeologist bebakhamba baya eMapungubwe bayokugubha bathola bona le bekuyindawo yabantu abanothileko ngombana kwatholakala khona ubuhlalo begolide, izitja zobumba namathambo weenlwana.[2]Izinto ezitholakala eMapungubwe kwabe kuziimpoto zakade nomncamo werhalasi. Bebathatha izinto lezi bese bakhambe nazo bayozithengisa. Intaba yeMapungubwe bewuyikhwelwa uqale emuva, bewuthi nawuyicalako uyicala Kanye bese ucala emuva. Bekungayiwa ebusuku entabeni le.Bekungakhanjiwa kiyo ngombana kunomoya wabaphasi. Intaba yakhona bekuyindawo yobukhosi nendawo lapho kubekwa khona ezinye izinto eziqakathekileko.[3]
Imithombo lwazi
[edit | hlela umthombo]- ↑ Meskell, L., 2016. Mapungubwe Cultural Landscape. World Heritage on the Ground: Ethnographic Perspectives, 28, p.273.
- ↑ Ashley, C. and Antonites, A., 2020. Art and the everyday: gold, ceramics and meaning in thirteenth-century Mapungubwe.
- ↑ Ramji, H., 2020. Producing the Precolonial: Professional and Popular Lives of Mapungubwe, 1937-2017.