Ibulungelo leencwadi
Ibulungelo leencwadi kuyindawo yomphakathi lapho kubekwa khona iincwadi ngokwahlukahlukana kwazo ukuthi abantu bakghone ukuzifunda begodu bathole ilwazi ngeenhloko ezahlukahlukeneko abazithandako. Ibulungelo leencwadi lenza bona abantu bakghone ukuthola ilwazi lezinto zakade nezakhathesu. Lithuthukisa izinga lefundo yabantu ngombana bakghona ukuthola imithombo yelwazi eminengi efaka hlangana neencwadi, amajenali, ne inthaneti lapho bazokufuna khona ilwazi.[1]
Amabulungelo weencwadi ahluke khulu ngobukhulu, itlhogonyelwa yihlangano yomphakathi efana norhulumende, isikolo, nofana umuntu ozijameleko. Ibulungelo leli linikela ngamahlelo wabasebenzi belungelo leencwadi ekutholeni, ukukhetha, nokuhlela ilwazi lokha nabahlathulula abakufunako ngelwazi basebenzisa iinsetjenziswa ezahlukahlukeneko. Indawo le yaziwa ngokuthi iyi iyisayensi yebulungelo leenwadi nelwazi nofana iimfundo.[2]
Umlando
[edit | hlela umthombo]Umlando webulungelo leencwadi wathoma ngemizamo yokuthoma yokuhlela amaphepha abalulekileko. Iinhloko ezidosa amehlo ezifaka hlangana ukurhweba kweencwadi, ukusabalaliswa kwelimi, indima emfundweni, izakhiwo, amazinga wokufunda nokutlola, ukusebenziswa kwamabulungelo weencwadi zamagugu wamasiko wesitjhaba, kanye nendima karhulumende, isondo nofana ukusejelwa kwangesese. Ukusetjenziswa kwamakhomphyutha nokudijithali kwavela ngeminyaka yabo-1960, begodu kwatjhugulula izinto ezinengi zamabulungelo weencwadi.[3]
Iinkomba
[edit | hlela umthombo]- ↑ Searing, Susan E.; Greenlee, Alison M. (2011). "Faculty Responses to Library Service Innovations: A Case Study". Journal of Education for Library and Information Science,https://www.jstor.org/stable/41308904
- ↑ Fleming-May, Rachel A. (2011)The Library Quarterly: Information, Community, Policy. 81 (3): 297–320.,https://www.jstor.org/stable/10.1086/660133
- ↑ Wikipedia, 2025-06-20, retrieved 2025-07-09,https://en.wikipedia.org/w/index.php?title=History_of_libraries&oldid=1296583094