Ifundo yokuzibandula
[1]Ifundo yokuzibandula (eyaziwa nangokuthi yi-PE) yifundo yemazingeni aphezulu efundiswa eenkolweni ephasini loke, efaka hlangana ifundo yamabanga aphasi, yamabanga aphezulu, begodu kwesinye isikhathi amabanga aphakamileko. Ivamise ukubizwa ngokuthi yi-Phys. Ed. nofana i-PE, begodu e-United States ibizwa ngokuthi yi -gym class nofana i-gym. Ifundo yokuzibandula ngokuvamileko iqalele ekuthuthukiseni ukuqina komzimba, amakghono wokusebenzisa umzimba, ukutjheja ipilo, nokuthintana nomphakathi ngemisebenzi efana nezemidlalo, ukuzithabulula, kanye nefundo yokunyakaza. Nanyana ikharikhyulamu ihluka ngokuya ngezwe, i-PE ngokuvamileko ihlose ukuthuthukisa ukuzibandula nokuphila kuhle. Ngokungafani nezinye iimfundo zefundo, ifundo yokuzibandula ihlukile ngombana ihlanganisa abafundi kizo zoke iindawo zokufunda zemikhumbula, zemizwa, zehlalakuhle, nezamasiko . [2] Okuqukethwe yifundo yokuzibandula kuyahluka emazweni ngamazwe, njengoba imisebenzi yokuzibandula ivame ukubonisa ubujamo bendawo, amasiko, kanye nendawo yesifunda ngasinye. Nanyana umnqopho wemfundo yokuzibandula uphikiswa, enye yemigomo yayo eqakathekileko ithathwa njengokuhlanganisa nokunikela abantu abatjha amandla wokuthi baqakathekise begodu bahlanganyele emasikweni ahlukahlukeneko wokunyakaza nokuzibandula. [3]