Igezi
Igezi.
[edit | hlela umthombo]Isingeniso
[edit | hlela umthombo]Ngokuya kwe-Learn Sparkfun (2024)[1] igezi mamandla nanyana umlilo loyo okghonwa ukusetjenziswa yithekhnoloji efana nabafunjwathwako, imitjhiningqondo, amalerhe, iimphehlimoya kanye nezinye izinto. Esihlokweni esilandelako sizokutjheja bonyana kuyini igezi
Kuyini igezi?
[edit | hlela umthombo]
I-Learn Sparkfun (2024)[1], ithi kubudisana ukuhlathulula bonyana igezi iyini; kodwana, igezi yinto yemvelo begodu imamandla nomlilo lawo asetjenziswa ngemihlobo eyahlukeneko yezinto, khulukhulu zethekhnoloji. I-Wikipedia (2024)[2] ingezelele yathi igezi kukugeleza nanyana ukuphuma kwamatjhaji wegezi lawo afike asetjenziwe njengamandla wokwenza bonyana izinto ezinengi zethekhnoloji zisebenze. Ukuphuma nanyana ukugeleza kwamatjhaji wegezi la, kuhlukaniswe kabili. Kukhona amatjhaji wegezi angezelelako (+) namatjhaji wegezi aphungululako (-) US Energy Information Adminstartion 2024[3]].
Igezi le esetjenziswa endlini nanyana babantu emtjhinini yabo, kumamadla nanyana kumlilo wesibili (US Energy Information Adminstartion 2024)[3]. Lokhu kusibikela bonyana kukhona umhlobo wokuthoma wamandla nanyana womlilo wegezi loyo onamandla khulu engekhe sakghona ukuwusebenzisa eendlini nanyana emitjhinini yethu eminengi. Iphuzu leli lisekelwe yi-US Energy Information Administration (2024) nayithi, igezi esetjenziswa endlini imamandla nanyana umlilo wesibili ngombana ikhiqhizwe ngokutjhugulula imithombo yokuthoma yamandla nanyana yomlilo efaka hlangana amalahle, umsebe yelanga nanyana amandla welangana nomoya ukuze ibe yigezi le esikghona ukuyisebenzisa. Baragele phambili, be-US Energy Information Adminstartion (2024)[3] bathi, umthombo wokuthoma wegezi kumlilo nanyana amandla asetjenziswa ngokubuyelelwa nasetjenziswa ngokungabuyelelwa. Esohlokwaneni esilandelako sizokutjheja imisebenzi yegezi.
Imisebenzi yegezi
[edit | hlela umthombo]Igezi idlala indima ekulu tle eempilweni zethu njengoba sazi ukuthi siphila esikhathi sethekhnoloji nesoburhatjharhatjha besine. Igezi isebenzi ukunikela amandla nomlilo eenthuthini, izinto zokupheka, izinto zokufunda njengemitjhiningqondo nethungelwano, ukukhulisa iintjalo nefuyo (Wikipedia 2024)[2]. Ngakho-ke, igezi isekabeni yipilo yethu begodu abanye abantu bangabhalelwa kuphila ngaphande kwayo njengombana vane kube budisi khulu nakunokuqintelwa kwegezi nanyana ukutlhayela kwegezi.
Isiphetho
[edit | hlela umthombo]Igezi ngenye yezinto eziqakathekileko kodwana ebudisi tle ukuyihlathulula nanyana sisebenza ngayo mihla namalanga. Igezi sele idosa phambili ekusirholeni epilweni esiyiphilako ngombana ngaphandle kwayo sele sinobudisi bokungakghoni ezinye zezinto. Nanyana kunjalo, kuqakathekile bonyana siyisebenzise kuhle begodi sizifundise nezinye iindlela zokwenza izinto ngaphandle kwayo.
Umthombolwazi
[edit | hlela umthombo]- ↑ 1.0 1.1 Learn Sparkfun. 2024. What is electricity? Litholakala ku:< https://learn.sparkfun.com/tutorials/what-is-electricity/all>. Ifunyenwe [ngomhlaka 18 kuNobayeni 2024].
- ↑ 2.0 2.1 Wikipedia. 2024. Electricity. Litholakala ku:< https://en.wikipedia.org/wiki/Electricity>. Ifunyenwe [ngomhlaka 18 kuNobayeni 2024]
- ↑ 3.0 3.1 3.2 US Energy Information Administration. 2024. Electricity. Litholaka ku:< https://www.eia.gov/energyexplained/electricity/> . >. Ifunyenwe [ngomhlaka 18 kuNobayeni 2024].