Ihloko
Ihloko sisitho somzimba esinamehlo, iindlebe, ipumulo,umlomo, ubucopho Kanye nokhunye. Ihloko idlala indima ekulu ekutheni umuntu akghone ukucabanga, afunde, akhulume nabanye abantu begodu akghone ukuphila kubhoduluko yakhe[1].
Ukwakheka kwehloko
[edit | hlela umthombo]Ihloko yakheke ngethambo elibizwa bona yikhakhayi. Ithambo leli lihlukaniseke kabili nge-Cranium. I-cranium le ngiyo evalela ubucopho nobuso.[2] Ihloko iphethe nezinye izakhiwo.Amehlo ngiwo enza bona umuntu kghone ukubona abantu, ibhoduluko nokhunye okusephasini. Amehlo athatha isithombe salokhu umuntu akubona bese akuse engcondweni ukuthi ingcondo ikghone ukuhlathulula ukuthi yini le umuntu ayibonako.Ilekelela umuntu akghone ukuzwa umdumo begodu udlulise imininingwana uyise engcondweni. Indlebe iyarhelebha umuntu bona akghone ukudzimelela.Ipumulo sisitho esenza bona umuntu akghone ukudosa begodu akiphe nommoya wokuphefumula. Umuntu ngepumulo ukghona ukurhogela iphunga elihle nelimnandi.Umlomo-Kuyisitho somzimba esenza bona umuntu akghone Ukudla nokusela amanzi ukuze asuthe begodu angomi.
Umsebenzi wehloko
[edit | hlela umthombo]Ihloko ngengcondo isebenza ukulawula ukunyakaza komuntu, begodu yehlisa nofana ilawula imisebenzi eyenziwamzimba. Emehlweni, endlebeni, epumulweni nemlomeni isebenza ukuthatha lokha umuntu akuzwako ezithweni lezi bese ikuse engcondweni bona ingcondo ikghone ukuhlathulula bona Khuyini, nofana kunjani.[3]Ihloko isebenza ukwenza umuntu akghone ukhuluma nabanye abanye abantu akhulume ngamagama nangokubukeka kwabuso bakhe ngombana nobuso buyakhuluma ngaphandle kwamagama. Ubuso bukghona ukuveza bona umuntu uzizwa ngesikhathi leso umbona.Ihloko kufuze inakekelwe ngombana lokha umuntu nangakangalimala kumbi ihloko angagcina sele abanjwa magulo angalaphekiko afana nesifo sokuwa nofana aphathwa yihloko ebuhlungu engalaphekiko.[4]Ihloko kusisitho smzimba esiqakathekileko esenza bona umuntu akgho ukukhuluma nokuthintana nabantu.
Iinkomba
[edit | hlela umthombo]- ↑ Head - Overview, Function and Examples | Biology Dictionary
- ↑ What Does the Cranium (Skull) Do? Anatomy, Function, Conditions
- ↑ Head - Overview, Function and Examples | Biology Dictionary
- ↑ Schacter, D.L. and Crovitz, H.F., 1977. Memory function after closed head injury: A review of the quantitative research. Cortex, 13(2), pp.150-176.