Iincwadi ZesiNdebele Ezitlolwe Babantu Abatjha
IsiNdebele seSewula Afrika sinabantu abatjha abanetalende lokutlola. Abatjhaba sele kuneencwadi abazikhuphileko abantu abangathabela ukuzifunda. Indima yokutlola edlalwa babantu abatjha ithuthukisa ilimi. Nakunabantu abatlolako nabafunda iincwadi ezitloliweko, nesiNdebele naso siyathuthuka.Ngikho nje urhulumende weSewula Afrika ufuna abantu abatjha bakuthande ukutlola nokufunda iincwadi ezitloliweko. Yeke iincwadi ezilandelako ngezitlolwe babantu abatjha ngelimi lesiNdebele.
Vukani Kusile!
[edit | hlela umthombo]
Incwadi: Vukani Kusile!
Abatloli: Ntando Mtshweni, Dr Lungile Mabhena, Thobile Skhosana, Given Lungile
Okumunyethwe yincwadi le: Incwadi-le libuthelelo leenkondlo, eziveza ubudisi esizithola siqalana nabo sima-Sewula Afrika. Khumbula bona ukuhlunguphazwa kwabantu bengubo kudlange komlilo wesikhotha lapha enarheni yekhethu, kanti abobaba nabo bavela barhabile bathi nathi silila sona leso isililo sokuhlunguphazwa bomma. Nanyana kunjalo, incwadi le imumethe umlayezo wokubuyisana, ithando nokuzwelana ubuhlungu. Iimbongi nofana abatloli bencwadi le, benze okusemandleni wabo bona umamukelilwazi osebujameni nanyana ngabe ngibuphi azithole sele athobekile nofana akhandeleka. Khulu khulu incwadi le, ithoba nofana ikhandela laba abalandelako: Ababhujelweko, abalahle ithemba, abagulako, abasebenzisa iindakamizwa ngokweqileko.[1]
Ongathandwa Ngunina
[edit | hlela umthombo]
Incwadi: Thabi Mahamba
Abatloli: Ongathandwa Ngunina
Okumunyethwe yincwadi le: Inoveli Ongathandwa Ngunina ikhuluma ngomntazanyana onganabudlelwano obuhle nababelethi bakhe ngebanga lemali ebhadelele iimfundo zakhe esikolweni samaziko aphakamileko esingakatloliswa emnyangweni wezefundo. Unina umkatelela bona athole umsebenzi abuyise imali enyamalele nesikolo sakhe esingasi semthethweni. Kwafika lapha umraro ukhwela intaba nababelethi bakhe nakangafumani umsebenzi.[1]
Ukuqothwa ekhabo kwasusa igodo elihlweni wafunda ukuzijamela ngezakhe zombili ngaphandle kokusunduzwa mumuntu ngamandla namkha amenzise angakufuniko. Kwafika lapha ikghono lakhe aliphiwe nguSomnini lokutlola incwadi likhanyisa umkhanyo orhelebhileko wabuyisana nomndeni wakhe khulu unina, ozange amsekele ekuthomeni bona abhadelelwe esikolweni sefundo ephakamileko.[1]
Aziyokujama Elitjeni
[edit | hlela umthombo]
Incwadi: Aziyokujama Elitjeni
Abatloli: Nomajoni O Mahlangu
Okumunyethwe yincwadi le: Inovela le isivezela ipilo ngemva kwebanga letjhumi nambili. Kusetjenziswe umlingiswa onguThuba, umntazanyana ohlakaniphileko. Akhange aphumelele kuhle ebangeni lakhe letjhumi nambili. Wazifumana angaphasi kwegandelelo lokuya ekholiji njengombana boke abangani bakhe baphumelele kuhle begodu baya emayunivesithi ahlukileko. Uzifumene afunda iimfundo angazithandiko ngombana begade angafuni ukubuyela esikolweni ayokubuyekeza ibanga letjhumi nambili. Okubuhlungu kukobana uzithole sele azifake emrarweni wokubhema iindakamizwa, athengisa umzimba, bewazithwala. Walinga ukurarulula umraro loyo ngokurhulula umbungu kanti ubeka ipilo yakhe engozini.[1]
Unjengabo
[edit | hlela umthombo]
Incwadi: Unjengabo
Abatloli: Sabelo Mthombeni
Okumunyethwe yincwadi le: Incwadi le, iqaliswe ebantwini abakhulu nelutjha. Nawumumuntu omkhulu, ngokufunda inwadi le, uzokuthola isifundo sokobana ufanele ubayelelise njani abasakhulako ngendlela yokuziphatha. Uthi bewunelemuko lokobana sifanele siphilisane njani nabantu abaphila nobujamo be-Albinism? Athini amalungelo wabo? Ingabe abantu abavela eenarheni zangaphandle beze lapha enarheni yeSewula Afrika bezele ukuzosakhisa nofana bezele ukutjala umonyani? Koke kumumethwe yincwadi le. Inabela ilutjha ngobungozi elingahlangabezana nabo lokha nalisemazikweni wefundo ephakemeko kanye nokukhetha abangani. Ngikuphi okuqakathekileko phakathi kwendlela kaZimu, iindakamizwa? Namalungelo? Naku umthombo welwazi ziselele mfundi.[1]