Iindlela ezinengi zokuhlakanipha
Iindlela ezinengi zokuhlakanipha kuyitiyori ka Howard Gardner lapho ahlathulula khona bona ukuhlanipha kwabantu ngekhe kwaba ngendlela eyodwa kodwana kungeendlela ezinengi ezihlukileko[1].Itiyori le iveza bona ukuthi umuntu uhlakaniphile ngekhe sabombona ngokuthi aphumelele kuhle eemfundweni zakhe zeskolo kodwana zikhona nezinye izinto angabonakala ngazo bonyana uhlakaniphile.Woke umuntu uhlakaniphe ngeyakhe indlela ngokuya kwendlela yemvelo adaleke ngayo. Iindlela lezi kuvezwa bona zibunane nazipheleleko.
Iindlela ezibunane zokuhlanipha
[edit | hlela umthombo]1. Ukuhlakanipha ngokweenomboro
[edit | hlela umthombo]Umuntu lokha nakahlakaniphe ngokweenomboro kutjho bona uba nekghono elikhulu lokwenza iimbalo. Umuntu loyo ukghona ukubala iimbalo ezibudisi ezibhalela abantu abanengi, kodwana yena akghone ukuzenza ngendlela elula. Umuntu ohlakaniphe ngokweembalo ukghona ukurarulula imiraro ephathelene nokubala ngendlela etjengisa obukhulu ubuhlakani.
2. Ukuhlakanipha ngokwelimi/ngokwamalimi
[edit | hlela umthombo]Umuntu ohlakaniphe ngokwelimi kumumuntu onekghono elikhulu lokukhuluma amalumi nanyana ilimi elithileko. umunntu lo uthi nakakhuluma amalimi nanyana atlole into ethileko ukhombisa ilwazi lalelo limi.Umuntu ohlakaniphe ngokwelimi ukghona ukuthi akhethe amagama ekungiwo ukuze ikulumo yakhe izwakale. Eskhathini esinengi abantu laba bakghona ukuthi bakhulume nabanye abantu begodu bangaphikiswa ngambana bayakwazi ukuhlela ikulumo yabo ngendlea ezokuzwiwa babantu boke.
3.Ukuhlakanipha ngokugwala
[edit | hlela umthombo]
Ukuhlakanipha ngokugwala kukulokha umuntu akghona ukugwala imigwalo emihle nofana iinthombe. Okhunye godu abantu abahlakiniphe ngokugwala bakghona ukuthula imilayezo ngokungabhali amagama kodwana ngokugwala iinthombe ezithula umlayezo, bakhona nokuveza imizwa yabo ngokugwala. Abantu laba bangalandela amabizelo wobukghwari.
4. Ukuhlakanipha ngokwabantu
[edit | hlela umthombo]Umumtu lokha nakahlaniphe ngokwabantu kukulokha umuntu abanekghono elikhulu lokusebenza nabantu ngaphandle kokuthi kube nerarano phakathi kwabo. Umuntu onalokhu kuhlanipha ukghona ukuhlanisa abantu begodu ukghona ukuzwisisa ubunjalo babantu aphilisana nabo.
5. Ukuhlakanipha ngokuzwisisa imvelo
[edit | hlela umthombo]Abantu abahlakaniphe ngokuzwisisa imvelo kungilabo bantu abakghona ukufunda ngokusebenzisa imvelo nofana izinto zemvelo. Umuntu lakhona ubanekghono eliphezulu lokuzwisisa imvelo begodu ikghono lakhona litjengisa ukuhlanipha emuntwini loyo. bathanda izinto zemvelo ezifana neentaba, amahlathi, iimbandana nokhunye okuyizinto zemvelo.[2]
6.Ukuhlakanipha ngokusebenzisa umzimba
[edit | hlela umthombo]Umuntu ohlakaniphe ngokusenzisa umzimba uba nekghona elikhuli lokwenza izinto ezifana nokudansa ukugida nokhunye okuphathelene nokunyakazisa umzimba[3].
7. Ukuhlakanipha ngokukhona ukuvuma
[edit | hlela umthombo]Umuntu ohlakaniphe ngokukghona ukuvuma kumumuntu onekghono lokwenza umvumo omnandi ongathabelwa babantu abanengi. Abantu laba bakghona ukuthi bezwe ukuduma namaphimbo amnandi.
8. Ukuhlakanipha ngokwakho
[edit | hlela umthombo]Umuntu ohlakaniphe ngokwakhe kumumuntu ohlakaniphe ngokuthi ukghona ukusebenza begodu nokwenza izinto ezihle ngokwakhe ngaphandle kokusebenzisana nabanye abantu. Esikhathini esinengi lomhlobo wabantu awukhoni ukusebenza nesiqhema.bakghona ukuthi bazwisise imizwa yabantu,nezinto abazihlosileko nanyana abantu labo bangakazikhulumi.
Iinkomba
[edit | hlela umthombo]- ↑ Derakhshan, A. and Faribi, M., 2015. Multiple intelligences: Language learning and teaching. International Journal of English Linguistics, 5(4), p.63
- ↑ Gardner's Theory Of Multiple Intelligences
- ↑ Nolen, J.L., 2003. MULTIPLE INTELLIGENCES IN THE CLASSROOM. Education, 124(1). traumlex