Ilanga lekululeko (iSewula Afrika)
Ilanga lekululeko lilanga lokuphumula eSewula Afrika eligidingwa mhlazi-27 kuSihlabantangana.Ikhumbula ikhetho lokuthoma ngemva kwebandlululo olwenziwa mhlokho ngo-1994 kunye nelanga lapho umthethosisekelo omutjha wethulwa khona.Amakhetho bekumakhetho wokuthoma weentjhabatjhaba lapho woke umuntu oneminyaka yokuvowuda engaphezu kwe-18 ukusuka nanyana ngibuphi ubuzwe bekavunyelwe ukuvowuda.
Ngelinye lamalanga wokuphumula alitjhumi nambili anqunywe mThetho wamaholideyi womphakathi (Nomboro 36 ka-1994) .
Emnyanyeni wokuthoma wokukhumbula iholideyi, uMengameli uNelson Mandela wakhuluma nePalamende wathi:
Njengoba ukusa okutjha kwaletha ilanga leli, mhlazi-27 kuSihlabantangana 1994,bambalwa kithi ebebangakghona ukugandelela imizwa, njengombana besikhunjuzwa ngesikhathi esidlulileko esimbi esivela kiso njengesitjhaba; amathuba amakhulu esinawo nje;kunye nengomuso elikhanyako elisibizako.Njeke sihlangana lapha namhlanjesi,nakwezinye iindawo zelizwe,ukutshwaya ilanga eliqakathekileko epilweni yesitjhaba sekhethu.Nanyana kukuphi lapho amaSewula Afrika akhona ephasini loke, iinhliziyo zethu zishaya njengenye,njengombana sivuselela ukuthembeka kwethu okufanako enarheni yekhethu nokuzibophelela kwethu esikhathini esizako.
Ilanga lekululeko mnyanya owenziwa qobe mnyaka mhlazi-27 kuSihlabantangana eSewula Afrika .Ilanga leli likhumbuza abantu beSewula Afrika ngokuzinikela okukhulu okwenziwe babantu neentjhaba ukuze baphule emaketangeni wokuhlukaniswa okungakalungi ngabantu abambalwa abakhethiweko.Ibakhumbuza ngemizamo yamaqhawe wabo wesitjhaba,khulukhulu u-Nelson Mandela .Uthathwa njengomlweli wekululeko,ingasi eSewula Afrika kwaphela kodwana ephasini loke.Lilanga elingaphawuli ukutjhaphuluka kwabantu beSewula Afrika ebandlululweni kwaphela kodwana libuyisela amalungelo wabo wobuntu aqakathekileko ngo-1994.
Iinkomba
[edit | hlela umthombo]1.https://clintonwhitehouse4.archives.gov/Africa/south.html 2.https://kids.britannica.com/students/article/Freedom-Day/607290 3.https://www.gov.za/news/events/commemorative-events/freedom-day-2014 4.https://www.remitly.com/blog/lifestyle-culture/south-africa-freedom-day-history-and-celebrations/ 5.https://sahistory.org.za/article/freedom-day-27-april