Ilutjha le Sewula Afrika ngefetjhini nedizayini
Ilutjha leSewula Afrika lidlala indima ekulu ekubumbeni ubujamo befetjhini nokutlama.Bamukela amagugu wabo,baveza ubuntu babo begodu bakhuthaza ukusimama ngokusebenzisa imitlamo yabo ngesikhathi baqhuba imikhuba ezwakala ebantwini bephasi loke.Ilutjha leSewula Afrika lifaka hlangana amaphrinti wesintu we-Afrika,amatjhila kunye nezinto zokusebenza emiklameni yazo lisuka emikhubeni yefetjhini yesetjhingalanga kwaphela.
Ukutjheja amagugu lokhu kuyingcenye yomnyakazo omkhulu wokuqeda ubukoloni befetjhini ukugidinga imiklamo yendawo nokhutjhijilela umthelela wamakoloni.
Ukulwela ifetjhini kunye nomthelela emphakathini
[edit | hlela umthombo]Abatlami abatjha basebenzisa ifetjhini ukutjheja iindaba zehlala kuhle nezepolotiki bafaka imilayezo engabonakaliko kodwana enamandla emitlameni yabo.Abatlami abanengi abasebatjha babeka phambili imikghwa esimemeko emsebenzini wabo,badzimelele ekutholeni izinto ezihle,izinto eziphathelene nemvelo kunye nemikghwa yokusebenza efaneleko.Ifetjhini nayo isentjenziselwa ukukhuthaza ukufaka woke umuntu nokhutjhijilela imithetho yobulili,lapho abatlami benza izembatho ezigubha imizimba ehlukileko kunye nobunjalo.
Amahlelo athuthukisa ilutjha keze fetjhini nedizayini
[edit | hlela umthombo]Mhlana ama-23 kuSewula 2024,i-Inhlanyelo hub yethula ihlelo lokuthoma lokutlama i-fetjhini le-Bosadi elihlanganisa ukutlanywa kwefetjheni nokuthoma amabhizinisi.Ihlelo lokuthoma lokutlama ifetjhini le-Bosadi lenzelwe ukuqalana nesidingo lesi ngokuhlanganisa ifundo epheleleko yokutlama ifetjhini nokhubandulwa kubosomabhizinisi,okwenza bona abahlanganyeli bangakhi izambatho ezihlukileko zefetjheni kwaphela kodwana bakhe namabhizinisi asimemeko.
Nnanyana ihlelo leli lifaka hlangana abahlanganyeli beengubo nebe mbaji,liqale khulu abafundi abasesebatjha abamnyama abasikazi befetjheni,abatlami abafisako kunye nabantu abanelwazi eliyisisekelo abafisa ukwandisa amakghono wabo ekwakheni izambatho nokusungula.Isiqhema sokuthoma sehlelo lokuthoma lokhutlanywa kwefetjheni ye-Bosadi libunjwa babantu abali-15 abakhethwe ngokuveza imibono yabo yamabhizinisi ephanelini yokukhetha yebubulo le-fetjhini.
Abatlami beSewula Afrika abenza kuhle ekwakheni amabhrendi wabo
[edit | hlela umthombo]
1.GUGU BY GUGU.
Ephethwe ngu-Gugu Peteni we-Eastern Cape,i-GUGU BY GUGU mhlobo ozikhakhazisa ngemitlamo eyenziwe ngamunye.Umtlami owathoma umhlobo lo ngo-2020 wathoma ikhambo lakhe lefetjheni nakaneminyaka ebunane.
Njengewele bekafuna okuthileko okuzomsiza bona athole ubuntu bakhe begodu lokho lokha nakufika ifetjhini.
2.Fikile Sokhulu
Ephethwe ngu-Fikile Sokhulu umhlobo obizwa ngebizo elifanako wangena ekukhanyeni ngo-2018 ngemva kokukhethwa njengomunye wabantu abafika emaphethelweni wokufunwa kwamathalenta amatjha.
3.The Bam Collective
Yasungulwa ngu-Jacquaes Bam obegade atlama kusukela aneminyaka eli-9,isiqhema se-Bam sidzimelele ethandweni elijulileko lokhuphila kwe-Sewula Afrika nokhuthaba kwabantu bayo.
4.Mekhukhu
lisuselwa egameni lesi-Sotho elitjho bona imithlathlana Mekhukhu iphethwe ngu-Botshabelo Molete owaziwa ngemitlamo yokuphrinta engakajayeleki kunye nethando lakhe ngamaphrojekthi we-DIY afana nokusebenzisa amatjhila alahliweko ukwenza imininingwana ekhethekileko emitlameni yakhe.
Inkhombo
[edit | hlela umthombo]https://www.timeslive.co.za/sunday-times/lifestyle/fashion-and-beauty/2023-05-24-native-gennext-talks-how-the-youth-have-shaped-sas-fashion-evolution/ https://www.unisa.ac.za/sites/myunisa/default/News/Articles/Inhlanyelo-Hub-launches-fashion-design-startup-programme https://iol.co.za/sunday-tribune/lifestyle/2024-06-05-these-16-young-designers-are-sewing-their-success-in-mzansi-with-their-fashion-labels/ https://www.thefashiondesigninstitute.com/za/en/