Imiklomelo kaDakamela
IMITLOMELO KADAKAMELA
[edit | hlela umthombo]Imiklomelo kaDakamela mnyanya ogidinga isintu namasiko wamaNguni begodu ubuye unikele abantu imitlomelo wokubathokozisa emisebenzini emihle abayenzako emphakathini. Umnyanya lo wathoma ukwenzeka ngomnyaka wee-2023 eNkayi eZimbabwe, wenziwa yiKosi uMbusi Bekithemba Dakamela ngendlini yobuKhosi bakwaDakamela. Umnyaka lo wenzeke mhlana amalanga ama-5 kuSinyikhaba kiwo wona umnyaka lo begodu wenzeke amalanga amabili woke ukusukela mhlana amalanga ama-4 ukuya nakama-5. [1] Nanoma kumnyanya osezweni leZimbabwe, akusibabantu beZimbabwe kwaphela abawukhambelako, ukhanjelwa babantu ababuya kwezinye iinarha njengeSewula Afrika, Tanzaniya, neZambiya. Akupheleli lapho, ezinye zeenkhambeli lezi zibuya ebuKhosini ngokwahlahlahlukana. Ekutlonyelisweni, akukaqalwa abantu beZimbabwe kwaphela, akhona amanye amalunga wemindeni wobuKhosi wezinye iinarha kanye nabanye abantu abenza kuhle emiphakathini abatlonyelisiweko. [2]
Umnyanya lo nanoma usungulwe buKhosi bakwaDakamela usuke wasekelwa nanguRhulumende wesifundeni seMatebeleland North. URhulumende ube wenza nesithembiso bona umnyanya lo uzowubeka phambili begodu noNgqongqotjhe wakhona uNicholas Moyo ubize boke abathintekako nabasebenzisani bona basebenzisane ekukhuphuleni umnyanya lo nokuqinisekisa ukunzinza kwawo esikhathini eside nesizako. [3] Iinkhambeli zomnyanya ziwuthabela umnyanya lo ngamabanga amanengi, elinye lakhona kukuthi umnyanya lo usekela abakghwari bendawo ngokubanikela ithuba lokuthi baveze tjhatjhalazi amakghono wabo kanye nokuvezwa kwevunulo yesintu, liyatjho nelunga lepalamende uDesire Moyo bona uthatjiswe yivunulo yesintu kanye namakghono wabantu aveziweko. [4]
Kanti-ke, koke lokhu njengombana kusungulwa yiKosi uDakamela, okuvelako kukuthi ulililutjha ngokwakhe. UMbusi Dakamela wabelethwa mhlana amalanga ama-3 kuNtaka ngomnyaka we-1995 bese wahlaliswa esihlalweni sobuKhosi ngomnyaka wee-2019. Uhlaliswa nje uthatha iintambo kuKghari yakhe uHleziphi Dlodlo obekamjaphethe nakuzakuqima ilanga elinguyise likaMbusi. Umnqopho weKosi uDakamela kubuyisa nokuvuselela isintu namasiko, kuthi nakunjalo kwasungulwa nekulumo ethi #ubuntuyisintusethu enamethele umnyanya lo obizwa ngmiklomelo kaDakamela. [5]
IMITHOMBO YELWAZI
[edit | hlela umthombo]- ↑ "LIVE - Chief Dakamela host Imiklomelo KaDakamela". Bulawayo24 News. Retrieved 2025-05-30.
- ↑ Mrewa, Tanaka; Mrewa, Tanaka (2025-04-05). "Chief Dakamela's Nkayi Achievers' Awards continue to win praise - CITEZW" (in British English). Retrieved 2025-05-30.
- ↑ Ncube, Senzeni (2025-04-07). "Imiklomelo kaDakamela gets government backing - CITEZW" (in British English). Retrieved 2025-05-30.
- ↑ Mrewa, Tanaka; Mrewa, Tanaka (2025-04-05). "Chief Dakamela's Nkayi Achievers' Awards continue to win praise - CITEZW" (in British English). Retrieved 2025-05-30.
- ↑ "24 year old installed as Chief Dakamela of Nkayi". Bulawayo24 News. Retrieved 2025-05-30.