Ipetroli nedizili.
Isingeniso
[edit | hlela umthombo]Ipetroli nedizili kuziinkhiqizi zamandla nanyana umlilo lezo ezidlala indima ekulu ngehlangothini leenthuthi, ukupheka kanye nekusebenziseni imitjhini. Nanyana kunjalo, ipetroli nedizili kuziinkhiqizi zamandla nanyana umlilo ongafaniko begodu kwesinye isikhathi kunala zisetjenziswa ngokuhlukileko nanyana imitjhini nezinto ezizisebenzisako ziyahluka. Esihlokwaneni esilandelako sizokutjheja bonyana kuyini ipetroli nedizili.
Kuyini ipetroli nedizili na?
[edit | hlela umthombo]Ipetroli nedizili kuziimbaseli zobujamo besibili nanyana bomhlobo wobujamo besibili loyo okhuqhiza amandla nanyana umlilo ngokutjhiswa nanyana ngokusetjenziswa (Acea Auto 2024[1]). Ukungezelela, ipetroli nedizili ziiimbaseli lezo ezihluzwe e-oyilini ehlaza. Nanyana kunjalo, kufanele siyelela bonyana azihluzwa kokufana.
Ipetroli ihluzwa e-oyilini ehlaza lula njengombana ihluzwa ezingeni lokutjhisa elingaba kulangabi lama-40 ukuya kuma-250 (Bulkfuel 202[2]4).nanyana kunjalo, ipetroli ineensilaphazo zebhudululo zezinga eliphezulu ukudlula idizili (Acea Auto 2024[1]). Lokhu kutjho bonyana, lokha ipetroli nayisetjenziswa mtjhini nanyana sithuthi esithize ikhiqiza umvango wekhabhoni omnengi ukudlula idizili.
Ngakwelinye ihlangothi idizili yona ihlizwa e-oyilini ehlaza elangabeni lezinga lama-250 ukuya phezulu(Bulkfuel 2024[2]). Ukungezelela, idizili ikhiqiza iinsilaphazo zebhodoluko ezincani nakumadaniswa nepetroli (Bulk Fuel 2024[2]). Ngamanye amagama, idizili lokha nayisetjenziswako mtjhini nanyana sithuthi esithize ikhiqiza umvango wekhabhoni omncani kunalo okhiqizwa yipetroli. Ukuragela phambili, idizili ikhiqiza amandla nanyana umtjhiso omnengi begodu ihlala isikhathi nanyana isebenziseka isikhathi eside nayimadaniswa nepetroli (Acea Auto 2024[1]; Energy Education 2024[3]).
Kokugcina umtjhini nanyana isithuthi esisebenzisa ipetroli asisebenzisi idizili (Wikipedia 2024[4]). Ngokufanako, umtjhini nanyana isithuthi esisebenzisa idizili naso asisebenzisi ipetroli (Wikipedia 2024[4]). Lokhu kusibikela bonyana, izinto ezinengi azikwazi ukusebenzisa ipetroli nedizili ngesikhathi sinye nanyana kokubili, kufanele zikhethe kunye.
Isiphetho
[edit | hlela umthombo]Ipetroli nedizili kuziimbaseli lezo ezisetjenziswa khulu njengomthombo wokukhiqiza amandla nanyana umlilo ephasini. Nanyana kunjalo, kufanele siyelele bonyana azifani ngokwenziwa nokusetjenziswa begodu kuzizinto ekufanele zisetjenziswe ngomnanko omkhulu njengoba zitjha nanyana zibanga umlilo msinyana.
Umthombolwazi
[edit | hlela umthombo]- ↑ 1.0 1.1 1.2 Acea Auto. 2024. Differences between diesel and Petrol. Litholakala ku:< https://www.acea.auto/fact/differences-between-diesel-and-petrol/>. Ifunyenwe [ngomhlaka 24 kuNobayeni 2024].
- ↑ 2.0 2.1 2.2 Bulk Fuel. 2024. Whats the difference between diesel and Petrol. Litholakala ku:< https://bulkfuel.com.au/news/whats-the-difference-between-diesel-and-petrol>. Ifunyenwe [ngomhlaka 24 kuNobayeni 2024].
- ↑ Energy Education. 2024. Fuel. Litholakala ku:< https://energyeducation.ca/encyclopedia/Fuel>. Ifunyenwe [ngomhlaka 24 kuNobayeni 2024].
- ↑ 4.0 4.1 Wikipedia. 2024. Fuel. Litholakala ku:< https://en.wikipedia.org/wiki/Fuel>. Ifunyenwe [ngomhlaka 24 kuNobayeni 2024].