Isikhwama sabantwana saka-Nelson Mandela
I-Nelson Mandela Children's Fund( NMCF)yihlangano yokusiza abatlhagako eyasungulwa ngu-Nelson Mandela, eseSewula Afrika.Umnqopho wayo kusiza abantu kusukela ekubelethweni ukuya eminyakeni ema-22.
Umlando
[edit | hlela umthombo]Ngo-1995,u-Mandela wajama wakhuluma nabantwana be ndeleni e-Cape Town,begodu waphefumulelwa bona asungule ihlangano. Wathi:
"Besitjhayela sibuyela emva e-Cape Town ngobunye ubusuku obumakhaza bebusika, lokha nangibona isiqhema sabantwana bendleleni begodu ngajama ngakhuluma nabo ecadi kwendlela "Abantwana bangibuza bona kubayini ngibathanda.Lokhu kwangimangalisa,ngababuza bona kubayini babuza lokhu, bathi ngombana ngasosoke isikhathi nangithola imali evela ngaphetjheya,ngiyabelana nabo."
Lokha nakasungula ihlangano,wathembisa ukunikela ngengcenye eyodwa kwezintathu yomrholo wakhe ku-NMCF, begodu wathoma ukubuthelela imali.
I-Nelson Mandela Children's Fund ilwela ukutjhugulula indlela umphakathi ophatha ngayo abantwana nelutjha.Umbono wesikhathi eside lo uthatha indima eqakathekileko edlalwa mphakathi ekubumbeni amaphilo wabantwana begodu umnqopho kukunikela ilizwi nesithunzi emntwaneni we-Afrika ngokwakha ihlangano esekelwe emalungelweni.
Amahlelo
[edit | hlela umthombo]Isibhedlela sabantwana saka-Nelson Mandela
[edit | hlela umthombo]I-Nelson Mandela Children's Hospital yiphrojekthi ephambili ye-Nelson Mandela Children's Fund.Isibhedlela sabantwana se-Nelson Mandela sisibhedlela sezinga eliphezulu, esinemibhede ema-200 esinikela ngendawo etlhogomelako, edzimelele ebantwaneni nemindeni ukwelapha nokusekela abantwana abagula khulu.I-Nelson Mandela Children's Hospital Trust yasungulwa begodu yanikelwa umsebenzi wokubuthelela i-R1bhiliyoni ukuvuselela isibhedlela sabantwana esikhethekileko.
Ukuphepha nokuVikelwa kwabantwana
[edit | hlela umthombo]Ihlangano yokuPhepha nokuVikelwa kwaBantwana (i-CSP) ihlose ukwenza indawo ephephileko yabantwana nelutjha eenkolweni nemiphakathini.Umnqopho omkhulu wehlelo leli kukwehlisa ukujeziswa ngemizimba eenkolweni,ukwehlisa ukuhlukunyezwa ngokomseme nangobulili hlangana nabantu abasikazi nabantazana kanye nokuqeda ukutlhoriswa ngaphakathi kweenkolo.Ihlelo njenganje lisebenza eemfundeni ezilandelako i-Limpopo, i-Gauteng, i-Kwa-Zulu Natal, i-Eastern Cape kunye ne-Western Cape.
Ukuphila kwabantwana, ukuthuthuka nokuphumelela
[edit | hlela umthombo]Njengombana ukuhlongakala kwabantwana kubizwa njengendaba eqakathekileko yezamaphilo ngebanga lokungondleki kuhle,ukutlhogeka kokugoma nokufikelela kwabomma nabantwana eenkonzweni zezokwelapha nokutlhogonyelwa kwezamaphilo,amalanga wokuthoma ayi-1000 wokuphila aba yindawo eqakathekileko isikhwama ekufuze itjheje kiyo.Ipendulo yesikhwama itholwa ngokuhlaziywa kobukhulu bomraro,iinsombululo ezikhona kunye namagebe angakapheleli.
Umnqopho wokungenelela lokhu kukwenza isiqiniseko sokuthi ihlelo lokutlhogomela liphendula iindingo zabantwana abangaphasi kweminyaka emithathu ukuqinisekisa ngcono ukuphila kwabo,ukuthuthuka nokuphumelela.Umsebenzi wesikhwama kukwenza ngokutjheja okukhulu ekuvaleni iinkhala ngokusebenzisa ukugonywa,ukwelatjhwa kwe-HIV/AIDS nofana ukuvimbela kunye nokulwisana nokungadli kuhle.
Indlela yesikhwama imayelana nokuthuthukisa ihlelo lokuphumelelisa elisekelwe emsebenzini ngokucabangela iinkhala ezikhona kulelo zinga ngebanga lokuncipha kwemithombo.Ihlelo leli lenziwe ziingcenye ezintathu ezihlobeneko ukurarulula inengi lezikhala ezifundeni ezihlanu ezithinteke khulu ze-OR Tambo, u-Alfred Nzo no-Joe Gqabi e-Eastern Cape, i-Zululand kwa-Kwazulu Natal kunye ne-John Taolo e-Northern Cape.
Ihlelo loburholi lelutjha
[edit | hlela umthombo]Ihlelo loburholi lelutjha belidzimelele ekukhuthazeni nokukhuthaza,ngokugandelela ekuhlanganiseni abantwana nelutjha ekuthuthukiseni amatjhuguluko amahle emphakathini.Ngaphasi kwehlelo loburholi lelutjha kunamaphrojekthi amane asebenzako.Amaphrojekthi la ngu-Efeng Bacha, i-Children's Parliament, i-Legacy Academy kunye ne-YLP Alumni.
Efeng Bacha
[edit | hlela umthombo]Iminqopho yeHlelo leLutjha le-NMCF Efeng Bacha kukunikela amathuba,amakghono nokufundisa ilutjha.Iklabhu ikhuthaza ukuzibandakanya komphakathi begodu isekela ukuhlonipha ukuhlukahluka kanye nehlelo lamagugu elisekelwe ekukholweni.Imisebenzi ifakahlangana amasemina afana nesemina yokuphepha kweenkolo eyaba yingcenye yamalanga ali-16 wokulwa ngokudzimelela ekuhlukunyezweni kwabomma ngo-2006.NgoNtaka 2007 u-Efeng Bacha ne-NMCF benza isemina yokuzithwala kwabatjha njengesithomo sephrojekthi yokurhubhulula ngomnqopho wokugcina wokurarulula isitjhijilo sokhu khulelwa kwabatjha. I-Efeng Bacha Youth Club nayo ibandakanyeka nge-Reading Initiative kunye ne-Youth Parliament.
Iphalamende yabantwana ka-Nelson Mandela
Ihlelo le-Nelson Mandela Children's Parliament (i-NMCP) lasungulwa ukugidinga amagugu,iinkambisolawulo nokuzibophelela kwaka- Nelson Mandela ebantwaneni beSewula Afrika,ngokunikela abantwana amathuba aqakathekileko wokubamba iqhaza,ukunqophisa nokuthonya iinqunto ezenziwa egameni labo namkha ezizuzisa bona. Eminyakeni elitjhumi edlulileko, ukusingathwa kwe-NMCP bekutjhuguluka kizo zoke iimfunda ukwenza ithuba lokuthi abantwana beSewula Afrika bahlanganyele ngokulinganako.
Iindlela zokuziphilisa ezisimemeko
[edit | hlela umthombo]Iphrojekthi yeendlela zokuziphilisa ezisimemeko zesikhwama (i-SLP)yethulwa ngo-2009 ukuqalana nobuphofu obuhlangabezana nayo imindeni,khulukhulu eendaweni ezikhonjwe ngurhulumende njengeendawo eziqakathekileko. Lezi ziindawo ezinezinga eliphezulu lokutlhogeka kwemisebenzi,ukukhiqiza okuphasi ngebanga lezizathu ezihlukahlukeneko begodu kesinye isikhathi zihlukaniswe malungana nokuthola iinkonzo ezisisekelo.I -SLP ihlose ukuqinisa imindeni nemiphakathi ukujamelana nobujamo bokuba sengozini ngesikhathi kudala ipilo engcono nengomuso elihle labantwana.
I-SLP yenzelwe ukusiza imiphakathi bona iphume ebuphofini ngokukhuthaza amalunga womphakathi bona akhe iinqhema zokuzisiza (ama-SHG).Ama-SHG abandakanyeka emahlelweni wokulondoloza imali nemisebenzi yokwenza imali,godu enza imihlangano ejayelekileko ukuqalana neentjhijilo abaqalene nazo emakhaya nemiphakathini yabo.
Iinkomba
[edit | hlela umthombo]http://www.southafrica.info/mandela/mandelachildrensfund.htm
http://www.sowetogospelfans.com/2009/07/14/sgc-to-perform-at-mandela-day-gala-dinner-and-auction-in-nyc/http://www.sabc.co.za/news/a1/eee8755de5631310VgnVCM10000077d4ea9bRCRD/Mandela-legacy-canvas-auctioned-off-for-R2.5-million-20110717http://fab.sa-people.com/2010/08/19/nelson-mandela-childrens-fund-uk-annual-gala-dinner/http://thephoenix.com/boston/events/85735-nelson-mandela-childrens-fun-benefit/