Isimunyisi

Iimunyisi kusiqhema seenlwana esinegazi elitjhisako. Iinlwana lezi zihlala endaweni zazo zemvelo ezahlukahlukeneko ngombana nazo zihlukile ngokwakheka^[1]. Iimunyisi kuzimbandana ezibahlakaniphileko ngombana zikghona ukuhlla eendaweni ezihlukahlukeneko ezifana nelwandle, entabeni,nalapho kumakhaza khona khulu, zikghona ukuhlala ngeenqhema nangokuphilisana. Ezinye zazo ziyazingelwa ukuze zithole ukudla begodu ezinye ngokuhlukileko zid;a utjani. Iimunyisi ziyasetjenziswa ukwenza ukudla, izambatho nokhunye abantu abakusebenzisa mihla namalanga ukuphila.

Sibinakala njani isimunyisi?

Zoke iimunyisi zinoboya nofana iinhluthu emzibeni wazo. Uboya lobu benza bona inlwana lezi zivikele ezintweni ezingazilimaza. Begodu zikghona nokuthi zingangenwa makhaza. Igazi lesimunyisi lihlala litjhisa nanyana isimo sezulu singaba njani^[2].Iimunyisi zoke zikghone ukwenza ibisi emzimbeni wazo lokha nazizithweleko^[3]. Lokhu zikwenzela ukuthi ngesikhathi isimunyisi siceda ukuba nomtwana sikghone ukumunyisa umntwana waso ibisi. Umtwana waso uthoma ukukhula akhuliswa yibisi bese agcine adla Ukudla lokhu akudliwa ngunina nasele akhulileko. Isimunyisi sinamthambo amathathu endlebeni ephakathi^[4].Isimunyisi asibekeli abamaqanda ukuthi sikghone ukuba nabantwana. Isimunyisi siyamthwala Umntwana waso emzimbeni waso bese nakufika iskhathi siyamubeletha. Iinkhathi zokuthwala abantwana zeemunyisi azifani esibonelo iindlovu ithwala Umntwana waso imiyaka emibili, umuntu uthwala umntwana iinyanga ezilithoba.

Ukuqakatheka kwesimunyisi

Iimunyisi zidlala indima eqakathekileko ephasini ngombana ziimthombo wokudla ebantwini, isibonelo iinkomo zikhipha ibisi elidliwa babantu. Iinyama yeemunyisi ezinye iyadliwa, begodu nesikhumba sazo abantu bakghone ukuwenza izambatho ngazo. Ziphila nabantu iimunyisi ziyakghona ukuthi zibe yifuyo sithandwa yabantu, ezinye ziyakghona ukuthi abantu bazi sebenzise njenge nthuthi zabe zibase lapho bafuna ukuya khona. Isibonelo: inja nomqasa ziyakghona ukuba yifuyo sithandwa, ipera iyasebenza njenge njengesithuthi.Isimunyisi siyasetjenziswa lokha abasosayensi naba rhubhulula ngemithi engasetjenziswa ukuthi ilaphe abantu amagulo abangaba nawo.Iimunyisi ezinye ziyadla inyama ekutjho bona ziphila ngokuthi zizingele ezinye inlwana. Ezinye zakhona ziphila ngokudla utjani. Ezinye zilahla imbewu. Iinlwana lezi ngokwenza njalo zinza bona kube nokudzimelela kwerherho yepilo yeenlwana^[5].isimunyisi siqakathekile ngombana senza abantu bona bakghone ukuphila. Abasosayensi bakghone ukwenza amarhubhululo wabo. Isimunyisi sibonakala ngokuthi sibe noboya mezimbeni, sithwale abantwana emzibeni begodu nalokha sele bavelile abantwana sibamunyise ibisi ukuze bakghone ukukhula.

Iinkomba

↑ MAMMAL | English meaning - Cambridge Dictionary
↑ Sokolov, V.E., 2023. Mammal skin. Univ of California Press.
↑ Skibiel, A.L., Downing, L.M., Orr, T.J. and Hood, W.R., 2013. The evolution of the nutrient composition of mammalian milks. Journal of Animal Ecology, pp.1254-1264.
↑ Fleischer, G., 2013. Evolutionary principles of the mammalian middle ear (Vol. 55). Springer Science & Business Media.
↑ Lacher Jr, T.E., Davidson, A.D., Fleming, T.H., Gómez-Ruiz, E.P., McCracken, G.F., Owen-Smith, N., Peres, C.A. and Vander Wall, S.B., 2019. The functional roles of mammals in ecosystems. Journal of Mammalogy, 100(3), pp.942-964.

[1] MAMMAL | English meaning - Cambridge Dictionary

[2] Sokolov, V.E., 2023. Mammal skin. Univ of California Press.

[3] Skibiel, A.L., Downing, L.M., Orr, T.J. and Hood, W.R., 2013. The evolution of the nutrient composition of mammalian milks. Journal of Animal Ecology, pp.1254-1264.

[4] Fleischer, G., 2013. Evolutionary principles of the mammalian middle ear (Vol. 55). Springer Science & Business Media.

[5] Lacher Jr, T.E., Davidson, A.D., Fleming, T.H., Gómez-Ruiz, E.P., McCracken, G.F., Owen-Smith, N., Peres, C.A. and Vander Wall, S.B., 2019. The functional roles of mammals in ecosystems. Journal of Mammalogy, 100(3), pp.942-964.

[1]

[2]

[3]

[4]

[5]