Isiqwi seenlwana

Isiqwi Seenlwana.

Isengeniso

Kukhona indawo lezo ezenzelwe ukubulunga, ukugcina kanye nokuvikela ubuphilo nobujamo bezinto ethize lokho okukhambisana nokunikela izinto lezo ibhoduluko elizijwaleyeleko. Indawo lezo kungenzeka bonyana zifake iinlwana, amahlathi, amanzi, iintjano nemithi. Ngaphasi kwalesi sihloko sizokunqopha khulu kusiqwi seenlwana.

Kuyini isiqwi seenlwana na?

Ngokuya kuka-Nekolny no-Fiavona (2018^[1]) isiqwi seenlwana yindawo lapho kubekwa, kugcinwe begodu kutjengiswa iinlwana. Nasiqala ihlathululo le inzinze khulu mayelana nokuvikeleko nendawo la kutholakala khona iinlwana lezi. U-Rose, u-Brereton, u-Rowden, u-De Figuiredo, no-Riley (2019)^[2] baveze bona isiqwi seenlwana yindawo leyo evelelwe umphakathi bonyana uzokubona iinlwana zemakhaya nezehlathi kanye nemanzini bonyana ziphila njani nokuthi bazuze ilwazi ngazo. Ihlathululo le ilinge ukufaka hlangana imihlobo yeenlwana leyo etholaka esiqwini seenlwana kanti nepilo yazi nelwazi lelo umphakathi ongalizuza. U-Zareva-Simeonova, u-Zlatanova, u-Racheva, u-Angelov no-Asenova (2009)^[3] ithi yona, isiqwi seenlwana yindawo lapho kubekwa khona iinlwani, zivikelwe ngaphasi kwabasabenzi bamafundwakghono. Iinlwani lezi kungaka ngezemanzini nanyana zehlabathini.

Ingabe kutholaka ziphi iinlwana esiqwini seenlwana?

Iinlwani ezitholakala esiqwini seenlwana kutholaka zoke iinlwana (Wikipedia 2024^[4]). Iinlwazi lezi zihlukaniswe ngokweendawo ezihlala kizo, lezo ezifaka amanzi nehlabathini. Iinlwani zehlabathini zifaka iinkomo iimbuduma, iimpunzi, iimbuzi, inyoka neenyoni. Iinlwana zemanzi zona zifaka iimfesi, imikhombo nabotjhaka.

Isiqwi seenlwana lesi sinakekelwa bobani?

Isiqwi seenlwana sinakekela babantu abanengi labo abanamafundwakghona ahlukeneko. Amafundwakghona la afaka, abosoonlwana, abantu abasebenza ngeentjalo nemithi, nalabo abasebenzi ngamahlathi, abantu abasebenza ngamanzi neenlwana zemanzini kanye nabosobhoduluko kanye nabarhubhululi abahlukeneko (Wikipedia 2024^[4]). Boke basebenza ngomnqopho munye wokusisa, ukusekela nokubulunga isiqwi seenlwana ngokupheleleko.

Isiphetho.

Isiqwi seenlwana siqakathekile khulu ekubulungeni nokuphephiseni iinlwana zoke eziphila emanzini nehlabathini. Begodu, siqinisekisa bonyana iinzukulwani ezizako ziba nethuba lokuzibona iinlwana lezi.

Isilululwazi

↑ Nekolny, L., & Fialova, D. 2018. Zoo Tourism: What Actually Is a Zoo? Czech Journal of Tourism, 7(2): 153–166.
↑ Rose, P. E., Brereton, J. E., Rowden, L. J., De Figuiredo, R. L. & Riley, L. M. 2019. What’s new from the zoo? An analysis of ten years of zoo-themed research output. Palgrave Communications, :1-9
↑ Zareva-Simeonova, K., Zlatanova, D., Racheva, V. Angelov, V. & Asenova, I. 2009. The zoos and their role in the formal and informal environmental education. Biotechnol & Biotechnol. EQ.
↑ ^4.0 ^4.1 Wikipedia. 2024. Zoo. Litholakala ku:<https://en.wikipedia.org/wiki/Zoo>. Ifunyenwe ngomhlaka [07 kuRhoboyi 2024].

[1] Nekolny, L., & Fialova, D. 2018. Zoo Tourism: What Actually Is a Zoo? Czech Journal of Tourism, 7(2): 153–166.

[2] Rose, P. E., Brereton, J. E., Rowden, L. J., De Figuiredo, R. L. & Riley, L. M. 2019. What’s new from the zoo? An analysis of ten years of zoo-themed research output. Palgrave Communications, :1-9

[3] Zareva-Simeonova, K., Zlatanova, D., Racheva, V. Angelov, V. & Asenova, I. 2009. The zoos and their role in the formal and informal environmental education. Biotechnol & Biotechnol. EQ.

[:0-4] 4.0 ^4.1 Wikipedia. 2024. Zoo. Litholakala ku:<https://en.wikipedia.org/wiki/Zoo>. Ifunyenwe ngomhlaka [07 kuRhoboyi 2024].

[1]

[2]

[3]

[4]