Mbombela
I-Mbombela, ebegade ibizwa nge Nelspruit, kulidorobha elinzinze eTlhagwini Pumalanga yeSewula Afrika Kulidorobha elikhulu lesifunda seMpumalanga. Idorobheli pheze likude ngamakhilomitha ali-110 nomkhawulo wenarha iMozambique, amakhilomitha ama-330 nomkhawulo wedorobha le-Jwanasbhege. Liphinde godu libe kude ngamakhilomitha ama-82 nomkhawulo wenarha yeSwazini. I-Mbombela bekungelinye lamadorobha ebelineemvakatjhi ngesikhathi se 2010 FIFA World Cup. Lokhu kungombana iMbombela Stadium bekungenye yeenkundla lapha bekudlalelwa khona ibholo yebhigiri yephasi ngomnyaka wee-2010.
Ukutjhuguluka kwebizo
[edit | hlela umthombo]Ngenyanga kaSewula ngomnyaka wee-2009, urhulumende weSewula Afrika watjhugulula igama likamasipala wendawo le yathiywa nge Mbombela. IKruger Lowveld Chamber of Business and Tourisim batjhinga eKhoto ePhakemeko yeSewula Afrika ukuyokufaka isibawo sokuphikisana nesiqunto esathathwako, bebaveza neenzathu zokobanyana akhange kwaziswe inengi labantu begodu azikho neemali ezilingeneko edorobheni bonyana kungabhadalelwa ukutjhugulula amatshwayo wendlela kunye namakhasi wezethungelelwano. Kanti ke, Igama leli lagcina litjhugululwe ngomnyaka wee-2014 yiKhotho Ekulu YeTlhagwini ye Gauteng. Ibizo elithi 'Mbombela' kulibizo lelimi lesiSwazi elitjho ukuthi "Abantu abanengi bahlanganyelene endaweni encani".
Zokuthutha
[edit | hlela umthombo]Idorobha leMbombela lineenthuthi ezijwayelekileko zama Taxi. Ezithutha abantu kusuka eendaweni ezisemalokitjhini aseduze zibase edorobheni, emisebenzini kunye neendaweni lapha bafunyana iinsiza. Kanti godu, Indawo ye Nelspruit izele ngokunengi ngamabhesi weKampani i Buscor, ekungezinye zeenthuthi eziveleleko eendaweni zedorobha leli namaphethelo.
Zemidlalo
[edit | hlela umthombo]
I Stadium seMbombela
[edit | hlela umthombo]Ikundla yezemidlalo ye-Mbombela yakhiwa njengekundla yebholo kamakhakhulararhwe. Yacedwa ukwakhiwa ngenyanga kaSinyikhaba ngomnyaka wee-2009. Bekungenye yeenkundla zemidlalo ebeyibambe imidlalo yebhigiri yephasi yomnyaka ka 2010.