Ngalokho-ke Mbedu

 

U-Thuso Nokwanda Mbedu (owabelethwa mhla amalanga abunane ku-Velabahlinze ngonyaka we-1991) ungomunye wabadlali bakumabonwakude be-Sewula Afrika. Waduma khulu ngendima ayidlalako emdlalweni we-Sewula Afrika wabantu abatjha obizwa ngokobana yi-Sthunzi, lapho akhethwa khona ngokulandelana ukuthi athathe unongorwana wangaphetjheya obizwa nge- International Emmy ngonyaka wee-2017 kanye no-2018. U-Mbedu ekukhambeni kwesikhathi wavela ehlanganweni ebizwa ngokuthi yi- Forbes Africa 30 ngaphasi kwabantu abangaphasi kweminyaka ematjhumi amathathu ubudala ngonyaka wee-2018.

Ngonyaka wee-2021, wadlala ehlelweni elibizwa nge-Underground Railroad elitholakala kuAmazon Video, lapho kunamahlelo amanengi nekungilo elamenza bona abemdlali wokuthoma we-Sewula Afrika okhamba phambili kwezamahlelo adlala kumabonwakude we-America. Lokhu kwamenza bona athumbe unongorwana obizwa bona yi-Independent Spirit Award etholwa mumuntu wengubo okhamba phambili ngokuba mdlali wakumabonwakude ehlelweni elitjha. Waragela phambili waba ngomunye wabalingisi ehlelweni elimlando wangaphetjheya e-America obizwa ngokobana yi- The Woman King (2022) lapho adlala khona iskhundla saka Nawi.

Ipilo yebuncanini nefundo

U-Mbedu wabelethelwa e-Midlands Medical Centre endaweni ye-Pietermaritzburg, KwaZulu-Natal. Ubelethwa ngumma okhuluma isiZulu kanye noyise okhuluma isiSotho nesiXhosa. Wakhuliswa e-Pelham ngugogo wakhe , owabamumuntu omtlhogomelako ngemva kokuhlongakalelwa babelethi bakhe bobabili asesemncani.

U-Mbedu wafunda e-Pelham Primary School bese waya e- Pietermaritzburg Girls' High School . Waragela phambili nokufunda i-Physical Theatre kanye ne-Performing Arts Management e- University of the Witwatersrand (Wits), waphothula ngo-2013 ngama-honor, ngemva kokuthatha ikhosi e- Stella Adler Studio of Acting e-New York City ngo-2012.

Ibizelo

Ekupheleni konyaka wee-2014, u-Mbedu waba nendima encani kusizini yesibili ye- Mzansi Magic soapie Isibaya, ngaphambi kokuthi athole indima yakhe njengomfundi wezobuntatheli nomntwana u-Kitso ku -Scandal! . [ ​ kanye nendima ephambili njengo-Boni Khumalo emdlalweni kamabonakude bbizwa kobana yi- Saints and Sinners.

Ngemva kokungasebenzi iinyanga ezisithandathu, u-Mbedu wathola indima yakhe yokuthoma kumabonakude emdlalweni we -Mzansi Magic welutjha -Is'Thunzi, owathoma ngoMgwengweni enyakeni wee-2016. Emdlalweni lo, wadlala indima ka-Winnie, umdlali othanda ukuzikhakhazisa, ofuna ukutjhada nomdlali we-rugby onjingileko nodumileko kodwana ibhudango lakhe liyatjhabalala lokha nakufanele akhambe ayokuhlala nokgharakhe obukhali e-Bergville. Lokha nakalingisa isiqephu sokudlwengulwa emdlalweni, wahlaselwa livalo. NgoNobayeni 2017, waphakanyiswa enongorwaneni we -International Emmy Award esigabeni sokudlala okuhle khulu komlingisi ngendima yakhe njengo-Winnie ku -Is'Thunzi begodu bekunguye kwaphela umuntu we Sewula-Afrika owaphakanyiswa ngalowo mnyaka.

U-Mbedu wenza ukudlala kwakhe kokuthoma njengo-Cora kubemlando ngonyaka wee-2021 we-Amazon Video i-The Underground Railroad, esekelwe enovelini enegama elifanako ka -Colson Whitehead begodu iqondiswe beyakhiqizwa ngomunye owathumba i -Academy Award u-Barry Jenkins . UMbedu wathola i -Hollywood Critics Association Award, i- Independent Spirit Award, kanye ne -Gotham Award yomdlalo.

Ngenyanga kaMrhayili 2021, kwamenyezelwa bona uMbedu uzokwenza ifilimu yakhe yokuthoma njengo-Nawi aqalene no -Viola Davis ku- The Woman King, ifilimu yomlando ephefumulelwe ngezehlakalo zamambala ezenzeka eMbusweni we-Dahomey, omunye wemibuso enamandla khulu ye-Afrika ngekhulu le-18 nele-19. Ifilimu le beyiqondiswe ngu -Gina Prince-Bythewood, ukusuka emtlolweni womtloli we- Fatherhood u-Dana Stevens .

Ngo-2023, u-Mbedu waba yinxusa nomkhulumeli we -L'Oréal we-Sub-Saharan Africa. NgoTjhirhweni 2025 <i id="mw3w">i-Deadline</i> yabika bona u-Mbedu ukhethwe indima ephambili kufilimu ezako ye-Paramount i- Children of Blood and Bone njengo-Zélie hlangana no -Viola Davis, u-Cynthia Erivo, u-Damson Idris, u-Amandla Stenberg, u- Idris Elba no- Tosin Cole .