Rebecca Malope
Rebecca Malope mvumi enarheni yeSewula Afrika owabelethwa ngenyanga ka Mngwengweni ngonyaka we-1968 endaweni ye Likazi eduze neNelspruit esiphandeni seMpumalanga.[1] Ikhambo lakhe lathoma yena nodadwabo bafuna ukuya e-Johannesburg bayokuzuma umsebenzi nethuba lokulandela ithando lokhe lokubamvumi. Ipilo yakhe yakade ihlangana neentjhijilo ezifaka hlangana nokuthi abodorhodere bakhe bakholwa bona angekhe asakghona ukukhamba ngesibanga sokugula ekwakhe kwambamba. Nanyana kunjalo kunjalo umndeni wakhe wakholwa bonyana uzokuphila.
Ukuthoma kwebizelo lakhe emvumeni
[edit | hlela umthombo]Wathola indawo kwezomvumo wathoma ukuvuma esontweni lakhe, lokho kwenza bona akghone ukuba lilunga kekhwaya. Ithalente lakhe lokuvuma lathoma nguSizwe Zakwe owamlekelela ukuthi akghone ukugadangisa umvumo wakhe. Wathoma ukuphumelela ekuvumeni ngonyaka we -1987 lapho athumba khona iphaliswano le” Road shell to fame” ngengoma yakhe eyabe ithi “shine on”. Ukuthumba kwakhe lokho kwamlekelela bonyana naye abe ngomunye wabavumi abaziwako enarheni yeSewula Afrika.[2] Uyivumile imihlobo eminengi yomvumo kodwana ubonakele bonyana uzinikele ekuvumeni umvumo wevangeli.
Umthelelala abe nawo ngokuba mvumi
[edit | hlela umthombo]U-Rebeca Malope uneminyaka engaphezulukwama-30 emvumeni wevangeli begodu sele akhiphe ama- albhamu angaphezulu kwama-20. I-albhamu yakhe yokuthoma yabe ineshloko esithi “umoya wami” kwalandela I ”shwele baba” namanye ama-albhamu alandela ngemva kwalawa. Umthelela ka Rebecca Malope wabonakala ekubulungeni amasikweni womvumo weSewula Afrika. Wahlonitjhwa ngeziqu zobudorhedere esikhngweni samaziko aphakemeko Kwazulu Natal ne-Califonia ngesibanga sokwenza umvumo. Phezulu wakhe wathoma ihlelo lakhe kumabona kude elabe labizwa bona yi “its gospel time” elabe lidlala ku SABC 2.[3] Begodu waphinda bawa lijaji ku “clash of the Choirs South Africa” . Ukuvela kwkahe kumabonwa kude kwenza bona akghone ukukhuthaza iinzukulwana ezisakhulako zabavumi bonyana bomvumo wevangeli. U-Rebecca uzakhele igama ngokuthi azimisele ukuthi amamezele umlayezo wokuletha ithemba ngomvumo wakhe begodu ama-albhamu wakhe athengwa khuli.