SWIP
SWiP
[edit | hlela umthombo]I-SWiP yiphrojekthi ehloselwe ukuthuthukisa amalimi wendabuko weSewula Afrika ebuthelelwenilwazi, khulu khulu ilimi lesiNdebele ku-Wikipedia. Ilimi lesiNdebele lisetjenziswa njengelimi lokuhlola ngebanga lokuthi alikajanyelwa khulu ku-Wikipedia njengamanye amalimi weSewul Afrika begodu iphrojekthi le ihlose ukunikela abantu abakhuluma IsiNdebele amandla nomdlandla wokutlola ama-athikili ku-wikipedia simahla. Kanti-ke, i-SWiP yi-akhronimu ejamele iinhlangano ezintathu ekungizo ezakhe iphrojekthi le, iinhlangano lezo yi: SADiLaR begodu ngokuzeleko yi-South African Centre for for Digital Language Resources, ne-Wikipedia kanye nehlangano ye-PanSALB ekuyi-Pan South African Language Board ngokuzeleko.
I-SADiLaR yatlanywa ngomnyaka wee-2016 begodu kuligadango lokwakha nokuphatha iintlabagelo zebuthelelolwazi nemitjhini yokurhubhulula edijithali kanye nokuthuthukisa iintlabagelo zamalimi adijithali eSewula Afrika. Igadango leli linikelwa isekele mNyango weSayentsi nokwakha eSewula Afrika. I-Wikipedia yatlanywa ngomnyaka we-2001 begodu yi-ensatlophidiya yasimahla etholakala ebuthelelwenilwazi, itlolwa beyibuye iphathwe mphakathi wabantu abazinikela simahla. [1] Kanti-ke, i-PanSALB yihlangano yeSewula Afrika eyakhwa ngesizathu sokukhuthaza ubuliminengi ukuze ithuthukise beyinzinzise amalimi woke weSewula Afrika alitjhumi nambili ngenani begodu ivikele amalungelo wamalimi eSewula Afrika, le ihlangano yatlanywa ngomnyaka we-1995. I-SWiP yona yatlanywa ngomnyaka wee-2023. [2]
Iminqopho ye-SWiP kukhulisa ubukhona bebuthelelolwazi bamalimi we-Sewula Afrika, ngokutjheja amalimi wendabuko, ngokukghonakalisa imiphakathi yendawo bona yenze begodu yabelane ngelwazi le-Wikipedia emalimini wabo. Iphrojekthi le ihlose ukuvikela amalimi wendabuko ngokukhuthaza ukusetjenziswa kwawo, ukubulunga amagugu wawo, nokukhuthaza ukusebenzisana hlangana nabathintekako bamalimi. Igadango leli lifuna ukuvuselela nokuvikela amalimi wendabuko, ukuqinisekisa ukuphila kwawo nokukhuthaza ukuzibandakanya okuhlukahlukeneko wokulondolozwa kwelimi. Iphrojekthi le ikhuthaza ukulondolozwa nokugidingwa kwamalimi wendabuko, isebenzela ukukhandela ukuwohloka kwawo begodu ikhuthaze ukuzibandakanya okusebenzako kwabasebenzi bamalimi nemiphakathi. [3]
Iphrojekthi ye-SWiP yenze amagadango soloko yasangulwa, yaqeda ngepumelelo isigaba sayo sokuthoma, esakha umfutho wokujanyelwa kwelimi le-Afrika ku-Wikipedia begodu yakhulisa umphakathi wabafaki-galelo abanekghono. Ipumelelo eqakathekileko ifaka hlangana ukusingatha imihlangano yokuqoqisana ngokutlola emalangeni amabili eendaweni ezisithandathu, ukubandula abahlanganyeli abama-483 abavela emayunivesithi ali-10, nokuhlela umnyanya oseqadi e-Sayensi Forum South Africa 2024, owakhuthaza ilwazi elivulekileko nelifinyelelekako kibo boke abantu. Iphaliswano lokutlola nalo lihlanganyelwe nabahleli abama-56, baqakathekisa abafaki-galelo abaphezulu nabaphumeleleko ngelimi ngalinye elitloliweko leSewula Afrika. Ukwakha phezu kwesisekelo lesi, iSigaba sesibili sathoma ngoSinyikhaba 2024 begodu sizokuragela phambili bekube nguMgwengweni 2027, sizokwethula amagadango amatjha wokuthuthukisa imiphakathi yamalimi nokuthuthukisa amalimi weSewula Afrika. [4]
UMTHOMBO WELWAZI
[edit | hlela umthombo]- ↑ "Wikipedia | Definition, Encyclopedia, History, & Facts | Britannica". www.britannica.com (in English). 2025-05-13. Retrieved 2025-05-22.
- ↑ "SADiLaR-Wikipedia-PanSALB (SWiP) – SADiLaR". sadilar.org. Retrieved 2025-05-22.
- ↑ "Wayback Machine". www.dst.gov.za. Ithethwe ku the original ngomhlaka 2024-02-12. Retrieved 2025-05-22.
- ↑ "SADiLaR-Wikipedia-PanSALB (SWiP) – SADiLaR". sadilar.org. Retrieved 2025-05-22.