SADiLaR

SADiLaR

non-governmental organization

Inception	2016
Country	Isewula Afrika
Headquarters location	IYunivesithi ye-North-West
Official website	https://sadilar.org/en/

I-South African Centre for Digital Language Resources (SADiLaR) liziko elisekelwe ngeemali yi-Department of Science and Innovation (DSI). Izikweli lisungula, lenze belinakekele amathulusi wedijithali, lisekele nerhubhululo esekelwa mahlelo womtjhiningqondo athuthukisa woke amalimi asemthethweni weSewula Afrika khulukhulu emkhakheni omutjha wedijithali yobuntu.

Ukusungulwa kwe-SADiLaR

I-SADiLaR yasungulwa ngomnyaka wee-2016, begodu kuliziko elinzinze e-North-West University. Umnqopho we-SADiLaR kuqinisekisa bona kuneziko elenza, elinakekele nelisabalalisa iinsetjeniswa zomtjhiningqondo ezisekela irhubhululo yedijithali ngawo woke amalimi asemthethweni weSewula Afrika. I-SADiLaR isebenza kokubili njengendawo neziko lerhubhululo yedijithali esebenziswa ma-nodes ambalwa afaka hlangana amayunivesithi, amanye amaziko werhubhululo kanye nama-archives womphakathi.

Ama-nodes we-SADiLaR

Ama-nodes we-SADiLaR afaka hlangana naka alandelako;

·        CSIR (HLT Research Group)

·        Inter-institutional Centre for Language Development and Assessment (ICELDA)

·        North-West University

·        University of South Africa (Department of African Languages)

Imisebenzi eyenziwa kwa-SADiLaR

I-SADiLaR iraga amahlelo amabili:

Ihlelo ledijithali, elifaka hlangana ukwakhiwa okuhlelekileko kwemitlolo yedijithali efaneleko, ukukhuluma kanye nemithombo yeendlela ezinengi ezihlobene nawo woke amalimi asemthethweni weSewula Afrika. Ukuthuthukiswa kwamathulusi wesofthiwe wokurhubhulula amalimi wemvelo afaneleko ngenhloso yokurhubhulula nokuthuthukisa kufakwe njengengcenye yehlelo lokwenza idijithali.

Ihlelo le-Digithali yoBuntu, lenza kube lula ukwakhiwa kwamandla wokwenza irhubhululo ngokukhuthaza nokusekela ukusetjenziswa kwedatha yedijithali kanye neendlela ezitjha zokusebenza ngaphakathi komkhakha wezoBuntu newezeHlalo.