Thabo Bester

UThabo Bester (wabelethwa mhlana ali-13 kuMgwengweni ngonyaka ka-1986)^[1] mkati begodu mbulali weSewula Afrikha owaphunyuka eMangaung Correctional Center eSewula Afrikha ngemva kokuleya amala wokobana wahlongakala emlilweni ngeseleni lakhe lejele ngoMrhayili 2022.^[2]^[3] Bekaphila ngokubaleka pheze unyaka woke ngaphambi kobana abanjwe eTanzania ngenyanga kaRhoboyi 8 2023.^[4] Wabotjhwa kanye nomlingani wakhe, udorhodere ongusaziwako uNandipha Magudumana.^[5] UBester waziwa ngokuthi "mkati we-Facebook" ngombana bekasebenzisa iinkhundla zokuthintana ukuheha amamodeli ngamathuba womsebenzi amamanga.^[6] Wavuma icala lokukata kabili nokubulala kanye begodu wagwetjwa isigwebo sepilo ejele.

Ipilo yokuthoma

UThabo Bester wabelethwa esibhedlela se-Chris Hani Baragwanath eSoweto, eSewula Afrikha mhlana ali-13 kuMgwengweni ngonyaka ka-1986. UNgqongqotjhe WezeHlalo u-Aaron Motsoaledi watjela abantu beendaba ngonyaka ka-2023, bona uMaria Mabaso, unina kaThabo, akhenge akghone ukutlolisa indodanakhe ngemva kokuyibeletha.^[7] UMabaso bekangakatloliswa ngokwakhe, ngebanga lokuthi unina bekasebenza emaplasini, ngonobangela loyo akhange atlolise ukubelethwa kwakhe.^[8] UNgqongqotjhe WezeHlalo wathi uThabo Bester wathoma ukugwetjwa nakaneminyaka eli-17, ngemva kobana afumane umazisi.^[7] UBester sele adume khulu ngezenzo zakhe zobulelesi nokuleya amala.^[8] Usebenzise amabizo amanengi wamala kiyo yoke imisebenzi yakhe yobulelesi. Nakaneminyaka eli-19, wahlala iminyaka emibili ejele ngebanga lokukhwabanisa ngaphambi kokwephula iparoli nokudlwengula amamodeli amabili nokubulala intombi yakhe, uNomfundo Tiyhulu. Wavuma icala lokukata ngo-2011 nokubulala ngo-2012. Wathola isigwebo sepilo.

Isilululwazi

[1] ttps://www.citizen.co.za/news/south-africa/thabo-bester-not-registered-with-home-affairs-april-2023/

[2] ttps://www.bbc.com/news/world-africa-65260508

[3] ttps://briefly.co.za/facts-lifehacks/celebrities-biographies/157081-who-thabo-bester-everything-south-african-fugitive/

[4] ttps://www.bbc.com/news/world-africa-65194147

[5] ttps://www.ewn.co.za/2023/04/13/thabo-bester-a-timeline-of-what-you-need-to-know-from-escape-to-re-arrest

[6] ttps://groundup.org.za/article/many-mysteries-surround-death-facebook-rapist-thabo-bester/

[:0-7] 7.0 ^7.1 https://web.archive.org/web/20230414133435/https://www.ewn.co.za/2023/04/14/thabo-bester-never-registered-as-an-sa-citizen-with-home-affairs-motsoaledi

[:1-8] 8.0 ^8.1 https://www.timeslive.co.za/news/south-africa/2023-04-14-born-at-bara-to-mom-of-4-but-thabo-bester-was-never-registered-with-home-affairs/

[1]

[2]

[3]

[4]

[5]

[6]

[7]

[8]