U-Hastings Ndlovu
U-Hastings Ndlovu (2 kuMhlolanja 1961 - 16 kuMgwengweni 1976) bekamfundi wesikolo samabanga aphezulu weSewula Afrika owabulawa mapholisa emtjhagalweni we-Soweto Uprising ngebanga lokujamelana nombuso webandlululo eSewula Afrika.
Ukuhlongakala Kwakhe
[edit | hlela umthombo]UNdlovu wabulawa ngomhlaka-16 kuMgwengweni 1976 ngesikhathi somtjhagalo we-Soweto lokha amapholisa we-Orlando nakadumuza abafundi ebegade batjhagalela indaba yokukatelelwa kokusetjenziswa kwesiBhuru eenkolweni zabo. Ukuhlongakala kwakhe akhenge kuvezwe khulu njengaye u-Hector Pieterson ngombana akunamuntu owamthwebula isithombe. Umlawuli wamapholisa u-Colonel Kleingeld utjele i-Cillié Commission ukuthi u-Ndlovu nguye "obekaphehla isiqubuthu bona sibhenyoge."[1]
UNdlovu bekanabodadwabo abathathu nomfowabo. Odadewabo batjhiya inarha msinyana ngemva komhlaka-16 kuMgwengweni, kodwana babuyela e-Johannesburg ngemva kweminyaka embalwa.[2]
Ithuna Lakhe
[edit | hlela umthombo]UNdlovu wangcwatjwa noPieterson emathuneni we-Avalon e-Johannesburg. Indlu yekhabo e-Soweto beyinanyathiselwe iphosta ehlaza satjani ngomhlaka-16 kuMgwengweni 2012 njengesikhumbuzo sokuhlongakala kwakhe.
Iinkomba
[edit | hlela umthombo]- ↑ Blue Plaques of South Africa (2013), Home of Hastings Ndlovu (2012), Wayback Machine Internet Archive (2024). Retrieved from: https://web.archive.org/web/20160407230442/http://blueplaques.co.za/content/home-hastings-ndlovu Retrieved on 26-06-2025.
- ↑ South African.Info (18 November 2016), Hastings: forgotten hero of 1976, Web Archive (2016). Retrieved from: https://web.archive.org/web/20161118053520if_/http://www.southafrica.info/about/history/hastings-ndlovu-150605.htm#.WC6TI-j7Q2w Retrieved on 26-06-2025.