UMoya nomoya.
UMoya nomoya.
[edit | hlela umthombo]Isingeniso.
[edit | hlela umthombo]Ephasini esiphila kilo kukhona ezinye zezinto ezipheze zafana poro kodwana umehluko wazo kumisebenzi nanyana ukuhlonipheka kwazo. UMoya nomoya ngezinye zezinto lezo nasiqala ilimi nesiko lesiNdebele ezipheze zafana poro kodwana zihlukaniswa misebenzi nokuhlonipheka kwazo. Eenhlokwaneni ezilandelako sizokutjheja bonyana kuyini uMoya nomoya begodu zihlukana njani.
UMoya nomoya
[edit | hlela umthombo]
UMoya kumuMoya oCwengileko loyo okhamba noSomnini. I-Biblword (2024)[1] ifakazela iphuzu leli lokha nayiveza bonyana uMoya oCwengileko ubizwa ngamagama amanengi anjenge uMoya kaSomnini, uMoya weQiniso, uMoya kaJesu noMoya oCwengileko. I-Wikipedia (2024) [2]ingezelele yathi, UMoya oCwengileko mumoya wokukholelwa kuSomnini kanye neemfundiso zakhe. Ngamanye amagama uMoya oCwengileko kumuMoya kaSomnini begodu ukhambisana nayo yoke into ekhambelana noSomnini.
Kodwana, umoya kumumoya ojwayelekileko novunguzako ephasini nanyana hlangana nathi (Climate Kids 2024[3]). I-Climate Kids (2024)[4] ne-National Geographic (2024)[5] bangezelele bathi umoya kumivango yamarhasi lawo angasiyingosi begodu athi nakahlangene enze umoya lo esiwuthola ngaphandle nanyana esiwuphefumulako. Umoya lo esiwuphefumulako nanyana ovunguza ngaphandle uba nemivango yamamazinga amancani afana nekhabhoni dayi-osayidi, iniyoni nehayidrogeni (Climate Kids 2024[3]; ne-National Geographic 2024[5]).
Kungani imimoya embili le itlolwa ngokungafani na?
[edit | hlela umthombo]
Elinye nelinye ilimi linemithetho leyo elawulwa ukutlolwa nokupeledwa kwelimi lelo begodu kube nebhodo yelimi esiza ukwenza amarhubhululo ngokusebenzisana nomphakathi welimi lelo ukuze kuthathwe iinqunto ezinqophileko. ImiThteho yokuTlola nokuPeleda isiNdebele (2022) [6]yathatha isiqunto bonyana ukuze kwaziwe ukuthi nawukhuluma ngomoya ukukhuluma ngamuphi begodu kuhlonitjhwe noMoya okhambelana noSomnini kufanele kuhlukaniswe ngendlela imimoya le itlolwa ngayo. UMoya oCwengileko kwathatha isiqunto bonyana uzokutlolwa ngegabadlela iledere lawo lokuthoma lesiqu njengolokha nasitlola ibizombala. Lokhu kukukhimbisa ihlonipho kuSomnini. Bese kwathi umoya ejwayelekileko nanyana ovunguza ngaphandle utlolwe ngaphandle kwegabhadlela ukukhombisa ukujwayeleka. Ngendlela le abantu bakghona ukuhlukanisa msinya bonyana nawukhuluma ngomoya okukhuluma ngamuphi.
Isiphetho
[edit | hlela umthombo]Ukutlolwa ngokuhluka koMoya nomoya kulitshwayo elitjengisa bona isitjhaba samaNdebele naso siyamhlonipha uSomnini begodu siyakholelwa kuye. Ukudlulela, ukuhlukwaniswa lokhu kunciphisa ihlangahlangano netjhayisano eba khona hlangana kwamagama amabili afanako begodu aphinyiswa kokufana kodwana anehlathululo nommongo ohlukileko
Umthombolwazi
[edit | hlela umthombo]- ↑ Biblword. 2024. Who is the Holy Spirit?. Litholakala ku:< https://www.biblword.net/who-is-the-holy-spirit/?gad_source=1&gclid=CjwKCAiAgoq7BhBxEiwAVcW0LLq3jTeWsZwA04TPxJ-WJWdi4CEtJtRn2R1sa3EIl-gTrrIruxihzxoC1RwQAvD_BwE>. >. lifunyenwe [Ngomhlaka 19 kuNobayeni 2024].
- ↑ Wikipedia. 2024. Holy Spirit in Christianity. Litholakala ku:< https://en.wikipedia.org/wiki/Holy_Spirit_in_Christianity>. lifunyenwe [Ngomhlaka 19 kuNobayeni 2024].
- ↑ 3.0 3.1 Climate Kids. 2024. Air is mostly gas. Litholakala ku:< https://climatekids.nasa.gov/10-things-air/>. lifunyenwe [Ngomhlaka 19 kuNobayeni 2024].
- ↑ Climate Kids. 2024. Air is mostly gas. Litholakala ku:< https://climatekids.nasa.gov/10-things-air/>. lifunyenwe [Ngomhlaka 19 kuNobayeni 2024].
- ↑ 5.0 5.1 National Geographic. 2024. Air. Litholakala ku:< https://education.nationalgeographic.org/resource/air/> . lifunyenwe [Ngomhlaka 19 kuNobayeni 2024].
- ↑ PanSALB (Pan South African Language Board). IBhodo yamaLimi wOke weSewula Afrika. 2022. ImiThetho yokuPeleda nokuTlola IsiNdebele. Pretoria: PanSALB.