USteffans Mahlangu
USteffans Mahlangu njenganje sele ayikosi etjha ye Charl Cilliers.
uBafana Mahlangu obegade kunguye omdosi phambili webutho elithunyelwe yiNgwenyama yama Ndzundza uMabhoko III,unikele ngokusemthethweni incwadi yesitifiketi ku Mahlangu Steffans.[1]
Ubaba u Steffans Mahlangu nje sele ayikosi ye Charl Cilliers ngemva komnyanya wokubekwa kwakhe mhlana amalanga alitjhumi nekhomba kuRhoboyi 2024.
Uthweswe isikhundla lesi endaweni ye Charl Cilliers multi purpose centre ngebe Ndzundza Mabhoko Traditional Council.Nakakhuluma nababiki beendaba uBafana Mahlangu uthe ikosi etja ekungu Steffans Mahlangu uvumelekile bonyana akhalime eendabeni ezifaka hlangana zomphakathi ngokubambisana nesipholisa kunye neendabeni ezifaka isigodlo sakhe.Ubuyele watjho bonyana unelungelo lokungenelela abuye abonelele zesintu kunye neminyanya ekhona njengokutjho komthetho wezokubusa namasiko.
UMahlangu Bafana ubuye wayelelisa ikosi etja bonyana ingathathi hlangothi lokha nayithatha iinqundo eziphathelene nokutjhutjhiswa kwabantu abatholakala bamlandu.
"Kufuze bonyana uphathe boke abantu ngendlela elinganako ungathi hlangothi.Usebenze ngokuthembeka kunye nomphakathi ukusize."
"Kufuze bonyana utjheje khulu amasiko wethu angathathelwa phasi.Usebenze namanye amakhosi nabanye abantu abasemphakathini njengombana siphila emphakathini onabantu abanamasiko ahlukeneko.Wenze isiciniseko sokobana isithuzi sobukhosi bethu namasiko wethu akathathelwa phasi begodu ayahlonitjhwa."
Ikosi uMahlangu uthembisile bonyana uzokulandela yoke imithetho kunye nemigomo begodu wathembisa bonyana uzokusebenza nabo boke abantu be Charl Cilliers ngokuthembeka nangeqiniso.