Ubuhle besivande ngethwasahlobo
Kusikhathi somyaka lapho amathuthumbo kanye neentjalo zikhula bezihluma khona. Ngemva kwelothe nobusika esibuya kibo sithola imibala eyahlukahlukeneko. Engafaka hlangana imibala esarulani, ehlaza satjani, kanye neminye imibala eminengi. Abantu bayathaba ngethwasahlobo khulukhulu labo abatjalileko, ngombana bayazi bona bazokuvuna. Sithola imirorho ihlaza satjani begodu ibonakala bona sele ilungele ukudliwa. Sithola nomuthi wamaperegisi sele ukhipha wawo amathuthumbo amahle nakarisako. Iinyanga lapho sithola khona ithwasahlobo kuba yinyanga kaKhukhulamungu, kaSewula, kanye nenyanga kaSinyikhaba.
Iintjalo ezitholakala ethwasahlobo
[edit | hlela umthombo]Zikhona ke iintjalo lezo esithola bona ziba khona ethwasahlobo ,ezifaka hlangana umrorho, ama-habhula nokhunye okunengi. Abantu abatjalileko akutlhogi bonyana bathenge, bavele batjhinge ngesivandeni. Kuqakathekile bonyana sidle imirorho ukuze imizimba yethu ihlale iphilile ngaso soke isikhathi.[1] Kungalokho ke kufanele sizifundise ukutjala imirorho yethu, senzele bona songe imali begodu sakhe namathuba wemisebenzi. Kuyinto ehle bona sizikhakhazise ngeentjalo zethu, lokho singakwenza ngokuqinisekisa bona ngaso soke isikhathi sitlhogomela iintjalo zethu, sithelelele besihlwengise lapho sitjale khona.[2] Abanye abantu bakholelwa ekutheni ithwasahlobo liletha ipilo etja, okutjho bona liletha umkhanyo emaphilweni wethu. Amakari atjhugulula imibala yayo isibonelo ngingatjho umrorho wona ubahlaza satjani.Ukubona amakari wemirorho akhula kusikhumbuza ngobuhle benarha nemvelo okutjengisa ukuthula.