Ubuhle nobumbi bokuthi abantwana babe nabomaliledinini

Umaliledinini kuyinto esentjenziswa ukuthintana. Umaliledinini esikhathini sanke uyinto eqakatheke khulu ngombana usetjenziswa ukwenza izinto ezinengi ngapnandle kokudoselana umrhala nokuthumelana imilayezo. Absntu bakhona ukwenza thumelana imali basebenzisa umaliledinini, bakhona ukubamba imihlangan yabo yomsebenzi basebenzisa umaliledini. Esikhathini sanje ababelethi sele bthengela abantwana babo abomaliledii ngesibangasokobana bafuna ukhona ukuthintana nabo begodu bakghone nokudlala imidlalo ngebomaliledinini.Umaliledinini uyafana nomtjhiningcondo^[1].

Ubuhle

Ikghono lokusebenzisa izinto zebutheknikghe

Kuyinto ehle bonyana abantwana babe nabomaliledinini ngesibanga sokobana bafanele bazijwayeze ukuphila ephasini letjhuguluko lesine lezamabubulo bajwayele ukusebenza ngezinto zedijithali. Abantwana lokha basebenzisa abomaliledinini bakghona nokuthola ilwazi lokusebenzisa ama-AI, lokhu kungenza bona bathole umphumela omuhle esikolweni^[2]

Ukubulungeka

Umntwana okghona ukusebenzisa umaliledinini ukhona ukubulungeka ngombana lokho nakungenzeka bona avelelwe mraro uzokghona ukudosela ababelethi bakhe umrhala nofana adosele iinomboro zesizo eliphambili, amapholisa Kanye neencimamlilo.

Ubumbi

Ilwazi elingaphezulu kwabo

Nanyana ukusebenzisa umaliledinini komntwana kuyinto ehle kodwana bukhona nobumbi obuveleleko engekhe babethiswa ngommoya. Ubumbi bakhona kukuthi abantwana bangagcina basebenzisa iinkundla zokuthintana bese kube kulapho bapthola khona ilwazi lepilo elingaphazulu kwabo libalimaze umkhumbulo^[3].

Ukungalali

Okhunye kukuthi lokha nasele bajwayele ukusebenzisa umaliledinini bangagcina sele bangasalawuleki badlale ngawo bekube sebusuku, bagcine baphathwa buthongo esikolweni ngesibanga sokuthi abalali ubuthongo obulingeneko. Isenzo esifana nalesi singabonomthelela omumbi phezu kweemfundo zomntwana agcine sele athola imiphumela emimbi^[4].

Isiphetho

Umaliledinini kuyinto qakathekileko esikhathini sanamhlanje ngombana izinto ezinengi zenziwa ngawo. Abantu bakghona ukubamba imihlangano yabo ngayo, bathumelelane nemali, benze nerhubhululo ngayo. Ababelethi kuyinto ehlel bona bathengele abantwana abomaliledinini ngombana lokho kuzobenza bona bebenelwazi lokusebenzisa izinto se thekinoloji. Nalokha babathengelile kufuze bona batjheje bona abantwana babo aphumili elawulweni njengokokuthi basebenzise abamaliledinini ngesikhathi sokulala.

Isithasiselo

↑ Prensky, M., 2005. What can you learn from a cell phone? Almost anything!. Innovate: Journal of Online Education, 1(5).
↑ Valk, J.H., Rashid, A.T. and Elder, L., 2010. Using mobile phones to improve educational outcomes: An analysis of evidence from Asia. International Review of Research in Open and Distributed Learning, 11(1), pp.117-140.
↑ O'Keeffe, G.S., Clarke-Pearson, K. and Council on Communications and Media, 2011. The impact of social media on children, adolescents, and families. Pediatrics, 127(4), pp.800-804.
↑ Hale, L. and Guan, S., 2015. Screen time and sleep among school-aged children and adolescents: a systematic literature review. Sleep medicine reviews, 21, pp.50-58.

[1] Prensky, M., 2005. What can you learn from a cell phone? Almost anything!. Innovate: Journal of Online Education, 1(5).

[2] Valk, J.H., Rashid, A.T. and Elder, L., 2010. Using mobile phones to improve educational outcomes: An analysis of evidence from Asia. International Review of Research in Open and Distributed Learning, 11(1), pp.117-140.

[3] O'Keeffe, G.S., Clarke-Pearson, K. and Council on Communications and Media, 2011. The impact of social media on children, adolescents, and families. Pediatrics, 127(4), pp.800-804.

[4] Hale, L. and Guan, S., 2015. Screen time and sleep among school-aged children and adolescents: a systematic literature review. Sleep medicine reviews, 21, pp.50-58.

[1]

[2]

[3]

[4]