Ubukghwari
Ubugkhwari kuyinto eyenziwako iphasi loke begodu abantu bakghona ukuthi baveze imicabango, imizwa nalokho abadlula kikho ngobukghwari. [1]Kusela kade ubukghwari kuyinto eyabe ikhona ngombana abantu kade gade batlola basebenzisa ubukghwari ematjeni ukuveza ikghono ebanalo nofana ukukhulumisana. Ubukghwari buphethe imihlobo ehlukilelo yeentayela, amabumbeko evumela bona abantu abenza ubukghwari bakwazi ukuthi baveze imizwa yabo nalokho abahlangabezana nakho.Imihlobo yobukghwari ifaka hlangana ubukghwari bokuba, ubukghwari bokwenza, ubukghwari bokutlola nokufunda, ubukghwari bedijithali kanye nobukghwari obenziweko.[2]
Imihlobo yobukghwari
[edit | hlela umthombo]Ubukghwari obubonwako
[edit | hlela umthombo]Lobu kubukghwarii obenziwa ngokuthi abantu bapende, babaze iingodo, batjhude. Phakathi kwazo zoke ukupenda yindlela edala yokwenza ubukghwari obubonwako. Ukupenda bekusetjenziswaa ukuthi ukuveza izehlakalo zekadeni, ihlekalo zingasilo iqninso nesiko pilo. Ukupenda ukuses ngenye indlela enamandla yokwenza ubukghwari nesikhathi sanje ngombana basesekhona abantu abependa kuhle njengo Frida Kahlo no Pablo Picasso.Ukupenda kuyaraga ngokuthi kube yinto eyenziwakho ukukhombisa ikghono lobukghwari.
Ubukghwari bokwenza
[edit | hlela umthombo]Lobu bukghwari ebenza bona kubenokukarisa kwemisikinyeko ethileko okufana nolkudansa, nokwenza umvumo.[3] Okhunye nokhunye kunendlela ehlukileko yokucoca iindaba, ukuveza imizwa Yabantu. Ithiyetha ngenye yeendawo ezidala lapho abantu khona ubukghwari bokwenza nokudlala imidlalo yesteji nofana ukudansa. Ubukghwari lobu buyayidla indima emasikweni wabantu, anikela abantu ithuba lokucoca indaba.
Ubukghwari bokutlola nokufunda
[edit | hlela umthombo]Ubukghwari lobu buphethe iinkondlo, ukucocwa kwendaba, umdlalo, ukubufakazi bamandla welimi nokwakha iinthombe ngokhumbulo. Ngokusebenzisa ukutlola abatloli bakghona ukwakha iphasi, bakhulume ngeenhloko ezibudisi, bathinthe iinhliziyo neengcondo zabantu. Iinkondlo ngelimi elisetjenziswa lokha nazitlolwa zingakghona ukuvusa imizwa yomuntu, nokhipha amaqiniso ngamagama ambalwa akhethwe kuhle. Ngendatjana ezifaka Phakathi amanoveli, indatjana kuvumela abafundi bonyana bakghone ukuthi bathole ilwazi ngamaphilo ahlukahlukeneko, namahlangothi ahlukahlukeneko akhuthaza bone umuntu abenezwelo begodu nokuzwisisa.
Ubukghwari bedijithali
[edit | hlela umthombo]
Yindlela etja yokwenza ubukghwari lapha kusetjenziswa ilwazi le-theknoloji ukwenza ubukghwari. Kilomkhakha wobukghwari kufakwa imidlalo yama vidiyo, ukutjhuda iinthombe, ukwenza abopopayi nokhunye.[4] Ubukghwari bedijithali sele buvule eminye imimnyango yokuveza ubukghwari ivumela abantu abenza ubukghwari bona balinge iindlela ezitja zobukghwari.
Ubukghwari bokurhabisa
[edit | hlela umthombo]Benzeka lokha umuntu nakafuna ukwenza indawo ibonakale iyihle begodu idose abantu.[5]Ubukghwari lobu bufaka ifetjheni, uhlela ngaphakathi, nokwakha izinto. Kungaba mitlamo yekadeni bekuyokufika emitlameni yesimanje manje. Ngokusebenzisa ukubukghwari lobu abantu bakghona ukuthi bathethe izinto ezijwayelekileko bazitjhugulule basebenzisa ithalente lobukghwari bese kuphume into ehle ekarisa woke umuntu. Ubukghwari bokurhabisa bungathola eendaweni ezifana nemitjhadweni, emaphathini nakwezinye indawo lapho kubanjwe khona imigidi.[6]
Iinkomba
[edit | hlela umthombo]- ↑ https://www.vocabulary.com/dictionary/art
- ↑ https://dictionary.cambridge.org/dictionary/english/arts
- ↑ Simamora, R.M., 2020. The Challenges of online learning during the COVID-19 pandemic: An essay analysis of performing arts education students. Studies in Learning and Teaching, 1(2), pp.86-103.
- ↑ Bramantyo, T., 2021. Digital art and the future of traditional arts. Journal of Music Scholarship, 42(1), pp.96-110.
- ↑ https://www.appliedarts.com/
- ↑ https://www.appliedarts.com/