Ubumbi bokusebenzisa i AI

I-AI ziinkambiso zemitjhini ngqondo ezikghona ukwenza imisebenzi enzima efaka hlangana nokulungisa iimphoso, umsebenzi wesikolo, ukwenza iinqumo kanye nokusekela izinto. Emalangeni wanamhlanje abantu abanengi basebenzisa i-AI ukwenza izinto ezinengi khulu kokuthi abasakghoni ukuzenzela bona ngokwabo nanoma izinto lezo abazenzako zingatlhogi bona umuntu loyo asebenzise i-AI. Izinto abantu abazisebenzisela i -AI abangakghona ukuzenza ngaphandle kwe AI zifaka hlangana nokuthi abantu bangasafuni ukuya kibodorhodere bomkhumbulo kodwana batlolele i-AI imirarwabo.

Ubumbi bayo

Ukusetjenziswa kwe-AI emelangeni la kurhagele khulu ephasini mazombe. Abantu abanengi abasakghoni ukwenza izinto ngaphambi kobana babuze i-AI, khulukhulu abafundi. Bathi nabanikelwa umsebenzi wesikolo into yokuthoma kube kuthatha umsebenzi loyo ngendlela ungakho bawufake ku-AI bese ibaphundelele, abanye bona abasaqali nokobana i-AI leyo ibanikele iimpendulo zamambala nanyana ezingakalungi abanandaba ngombana bayayithemba. Kuyinto embi khulu le ngombana yenza abafundi bangasakghoni ukuziqabangela bona ezintweni ezinengi. Lokhu kwenza abafundi baqabange bona nanoma bakghona ukwenza umsebenzi wesikolo bazibone kwangathi angeze bakghone ukuwenza babodwa.

Abanye abantu abanganabo abantu abangakhuluma nabo emaphilwenabo nanyana abanganayo imali yokuya kibodorhodere bomkhumbulo bayisebenzisela ukucoca nayo ngemiraro nanyana iintjhijilo abanazo kunokuthi baye kibodorhodere bomkhumbulo nanoma ibasiza njalo kodwana lokho akusiyinto elungileko ngombana kokuthoma i-AI ayisimumuntu begodu ayinamizwa