Ukubandlulula ngobuhlanga
Ukubandlulula ngobuhlalanga kukulokha umuntu akholwa bona ubuhlanga bakhe nofana isiqhema sobutjhaba bakhe sikhulu kunezinye, bese lokho kumdosele ekutheni agcine sele akhombisa umkhuba wokubandlulula, nokungaphathi abantu ngokulingana.[1] Ukubandlululana ngokubuhlanga kungavela ngendlela ezinengi ezenza bonyana kube nokungalingani kwamathuba,nemiphumela ebuhlangeni babantu. ukubandlulula ngobuhlanga kuyinto eyenzekako ephasini abantu ebafanele bazifundise ngayo.
Imihlobo yokubandlulula ngobuhlanga
[edit | hlela umthombo]Ukubandlulula ngobuhlanga bomuntu
[edit | hlela umthombo]Kukulokha umuntu aziphatha nofana anekolelo yokuthi ubuhlanga bakhe buncono nofana buphezulu kunaboboke ubuhlanga obukhona ephasini nofana enarheni ahlala kiyo.[2] Umuntu wakhon ukhuluma imibono engakalungi ngobunye ubuhlanga, akhombise ukubandlula ubunye ubuhlanga. Umuntu angabonakala angaphathi kuhle abantu abuthileko ngombana ngombana banobuhlanga angabuthandiko. Angabakhulumisa nofana akhulume ngabo kumbi akhombise ukungabafuni nokubanyaza. Nakusemsebenzini nofana emphakathini angakhombisa ukungaphathi abantu bobuhlanga angabuthandiko ngendlela ebandlululako.
Ukubandlulula ngobuhlaanga usebenzisa umgomo wesikhungo
[edit | hlela umthombo]Kwezinye iinkhungo bangakhombisa ukubandlulula ngokobuhlanga ngokuthi benze imigomo nendlela zokuraga ngaphakathi kwesikhungo lezi ezenza bona kungabi nokulingani okwenza bona abantu bobunye ubuhlanga abangaphakathi kwaleso sikhungo bagcine sele bagandelelekile nofana bangakaphatheki kuhle.[3] Kungabonakala bantu bobuhlanga obungafunwako bangakajameleki eenhlalweni zokudosa phambili nofana kilezo lapho kuthathwa kizo khona iinqunto. Kuthokale bonyana ubuhlanga obungathandwako sele bungasatholi amathuba alingana newabanye nofana lingasaphathwa kuhle ngoba linganamjameli.
Ukubandlulula ngobuhlanga usebenzisa irherho
[edit | hlela umthombo]Le yindlela yokubandlula ngobuhlanga enabileko etholakala emphakathini abantu abaphila kiwo. Iphethe ngaphakathi umlando, isiko namaphethe ni weenkhungo lawa andisa ukubandlula ngobuhlanga nokuphathwa ngokungalingani kwabantu.[4] Ngokomlando ungathola ukubandlulula ngobuhlanga obubangelwa zizinto ezenzeka kade njengokugcizwa kwabantu ekwenzeka kade, umbuso wegandelelo nokhuye. Okhunye ukubandlululana ngokwerherho kungavela ezintweni ezikhulunywako zamasiko nemibono engakalungi ekungiyo ekhulisa ukubandlululana ngokobuhlanga.
Iindlela ezingabonakalisa ukubandlululana ngobuhlanga.
[edit | hlela umthombo]Ukubandlulula ngokobuhlanga kungabanakla lokha umuntu akhuluma izinto ezingakalungi ngobuhlanga obuthileko begodu izinto azikhulumako lezo kutholakale bonyana kuzuzinto ezingakaqinisekiswa bonyana ziliqiniso. Omunye angakhuluma into embi eyenziwa mumuntu munye wobuhlanga obuthileko bese eyenze ngathi yenziwa ngiwo woke umuntuwobuhlanga lobo. Abanye abantu bangabonakala ngokuthi ngokuthi bangaphathi abantu bobuhlanga obuthileko kuhle.[5] Uthole ubuhlanga obubandlulwako lobu bunganikelwa amathuba afana newabanye nofana ungaphathwa ngendlela efana neyabanye. Ilimi nalo niyakuveza ukubandlula ngokobuhlanga ngombana abanye abantu nabangathandi ubuhlanga obuthileko bbangakhuluma amagama abuhlungu ngobuhlanga lobo. Bangakhuluma ngendlela eyenza bona umuntu angakghoni ukuzizwa amakelekile phakathi kwabantu bobunye ubuhlanga. Nezenzo ngoba nazo kungenye yendlela yokukhuluma bese zikhombise bona kunokubandlululana ngokobuhlanga.
Iinkomba
[edit | hlela umthombo]Categories:Ukubandlulula ngobuhlanga Categories: Ukubandlulula
- ↑ West, K., Greenland, K. and van Laar, C., 2021. Implicit racism, colour blindness, and narrow definitions of discrimination: Why some White people prefer ‘All Lives Matter’to ‘Black Lives Matter’. British Journal of Social Psychology, 60(4), pp.1136-1153.
- ↑ Merolla, D.M. and Jackson, O., 2019. Structural racism as the fundamental cause of the academic achievement gap. Sociology Compass, 13(6), p.e12696.
- ↑ Macdonald, L., 2018. Silencing and institutional racism in settler-colonial education (Doctoral dissertation, Open Access Te Herenga Waka-Victoria University of Wellington).
- ↑ Merolla, D.M. and Jackson, O., 2019. Structural racism as the fundamental cause of the academic achievement gap. Sociology Compass, 13(6), p.e12696.
- ↑ Salter, P.S., Adams, G. and Perez, M.J., 2018. Racism in the structure of everyday worlds: A cultural-psychological perspective. Current Directions in Psychological Science, 27(3), pp.150-155.