Ukubhabhadiswa
Ukubhabhadiswa kisesenzo esiqakathekileko ekolweni yama khrestu. Kukhombisa ukuzalwa kabutjha nokuhlanzwa.[1] Kukulokha umuntu akhamba nabafundisi baye endaweni lapho kunamanzi khona akhambako nofana edamini bese afakwe khona ngokuthandazelwa mfundisi. Ukungena emanzini kukhombisa ukuzinikela kukhrestu ikosi.Umbhabhadiso kuyinto eyathoma esikweni nofana ekolweni yaba juda. Wa ngoUmbhabhadiso lo bewubizwa ngombhabhadisa ka Johana. Ngeskikhathi siskajohana umbhabhadisi, ukubhabhadiswa kwabe kutjho ukuphenduka ezonweni uphile ipilo ecwengileko.[2]
Imihlobo yombhabhadiso
[edit | hlela umthombo]1. umbhabhadiso womntwana
[edit | hlela umthombo]Umbhabhadiso lo wezelwa abatwana njengetshwayo lababelethi ukukhombisa ukuthi bayathembisa ukukhulisa umntwana wabo ngaphasi kwekolo nomthetho wamakhrestu.[3]Umbhabhadiso lo wenziwa lokha umntwana nakasesemcani ukwenzela bonya umntwana akhulele ngapbhasi kwesandla saka Zimu. Ibhayibhili iyavulwa kufundwe ivesi ngaphambi kobana umntwana athome abhabhadiswe.
2. umbhabhadiso wekholwa
[edit | hlela umthombo]Lo wenzelwa abantu esele bathethe isiqunto ngamaphilo wabo ukuthi sele balandela ukhrestu bahlala kuye ngako koke kwabo. Lombhabhadiso wenzelwa umuntu osathoma ukusonta egade engasondi ngaphambilini.Lapha umuntu ufakwa emanzini ngomzimba wakhe woke ngombana lokhu kulitshwayo lokuthi sel afile ezonweni begodu sele avukele epilweni etjha yokusindiswa[4]. eskhathini esinengi wenziwa lokha nakukhathi sephasika mihla namalanga ngombana abantu abanengi vane baye emasontweni ukuyokulotjha uZimu.
3. umbhabhadiso kaMoya ocwengileko
[edit | hlela umthombo]Lo mbhabhadiso owabakhona lokha uJesu nakasuka ephasini abuyela ezulwini. Kilo mbhabhadiso awungeni emanzini kodwana wenzeka lokha nawuthandazako bese wehlelwe mamandla kaZimu ngommoya uzizwe ukhuluma ngamanye amalimi ongawaziko begodu ongawazwisisi kodwana uZimu akuphe ukuphimisela.[5][6]Lombhabhadisa owathoma ukwenzeka encwadini yezenzo yebhayibhili lapho gade kulilanga lephenthekoste khona kwehla amandla lapho gade abantu bakaZimu gade bahlangene khona. Umbhabhadiso uqakathekile ngombana ulitshwayo lokuthi umuntu sele amukele uJesu bona abe yikosi nomsindisi wepilo yakhe. Ukhombisa bona umuntu sele ahlukene nezono begodu sele aphila ipilo ocwengileko. Umbhabhadiso yinto yamakkhrestu eveza ukuzinikela kuzimu nokutjhuguluka ezonweni uphile ipilo ehle begodu enomthetho kaZimu. Abantu babhabhadiswa ngeenzathu ezihlukileko. Le kuyinto engathomi ngesikhathi sanje kodwana yathoma ekadeni ngaphambi kobana kufike uJesu Khreste.
Iinkomba
[edit | hlela umthombo]- ↑ Whitaker, E.C. and Johnson, M.E., 2017. Documents of the baptismal liturgy. Liturgical Press.
- ↑ Reynolds, H., 2023. John the Baptist. BoD–Books on Demand.
- ↑ van Beelen, J., 2012. One Lord, One Faith, One Baptism. Baptism of Children in the Letter to the Ephesians. In Strangers and Pilgrims on Earth (pp. 471-482). Brill.
- ↑ Mantey, J.R., 2019. Repentance and conversion. Basics of the Faith: An Evangelical Introduction to Christian Doctrine, p.29.
- ↑ Torrey, R.A., 2019. Baptism of the Holy Spirit: How to Receive This Promised Gift. Aneko Press.
- ↑ Surburg, M.P., 2024. The Holy Spirit and Baptism in the Book of Acts. Concordia Theological Quarterly, 88(1), pp.27-54.