Ukubumba
Ukubumba
[edit | hlela umthombo]Ukubumba kukulokha umuntu athathe idaka elithileko ngemlanjeni elibizwa ngobumba bese alisebenzise ukwakha into ethileko[1]. Umuntu nakabumbako uthatha idaka leli aleze libe manzi alibhice, aligobe nofana alimbumbe ukuze akhone ukukhipha into ahlose ukuyenza. Bese kuthi sele abumbile alibeke alindele bona lome bese lingaphuki.Umuntu angakha ikomo, ikukhu, nofana okunye ngobumba.
Ukubumba kungobunye bobukghwari babantu abanzima bekadeni. Amasokana lokha nakaweleko nakufika isikhathi seenthalelo bapha abantwana izipho ebazenze ngobumba lokha nabeze eenthalelweni. Ekadeni ukubumba bekuyinto eqakathekileko ngombana bekubunjwa imijeka uzokufaka Ukudla, amanzi nofana ezinye izinto zangendlini. Abanye bebabumba izinto abazokurhabisa ngazo.
Ukuqakatheka kokubumba
[edit | hlela umthombo]Ukubumba kuyinto ehle khulu ngombana kukhombisa ikghono lobukghwari. Ekadeni beyinto eqakatheke khulu elekelela abantu bona babe nezinto zokufaka begodu bebakghona nokukhangisa inzinto ebazibumbuleko benze imali[2]. Kuyinto elekelela abarhubhululi bezinto zakade bona bakghone ukuthola isikhathi somlando wezinto zakade ukuze bakghone ukubulunga amasiko nobunjalo bawo[3].
Ukubumba kuyinto etholakale bona kuyakhona ukwenza bona umuntu aledlhe akhone ukwehlisa ukucabanga khulu nokuhlubayejeka emkhumbulweni. Ukubumba kulekelela umuntu bona ukuthuthukisa ikghono lokukhambelana kwesandla nelihlo. Ukubumba kusiza bona umuntu athuthukise ikghono lokusebenza kwemisipha emincani esesandleni.
Iindlela zokubumba
[edit | hlela umthombo]Ukubumba ngemithi nofana ngeengodo
Ukubumba ngeengodo kukolokha umuntu athatha isigodo esiphuma esihlahleni bese asibaze ache nofana abumbe into ayifunako. Isibonelo umuntu angathatha isigodo bese asibaze akhiphe iphini nofana iphehlo lokhupheka ngendlini.
Ukubumba ngomdaka
Ukubumba ngomdaka kukulokha umuntu athatha idaka lokubumba akha into ayifunako kungaba yinto ehle yokuhlobisa ngendlini. Zikhona nezinye iindlela zokubumba zesikhathi zanamhlanjesi ekungasizo ezivela ekadeni
- ↑ https://www.dictionary.com/browse/pottery
- ↑ Jones, R.F.J., 2016. Why Pottery?. In Pottery and the Archaeologist (pp. 1-5). Routledge.
- ↑ Skibo, J.M. and Skibo, J.M., 2013. Understanding pottery function (pp. 1-25). Springer New York.