Ukupenda
Ukupenda kungenye yendlela ezidala zokwethula ubukghwari, ivumela bonyana abantu abenza ubukghwari bakghone ukuveza imizwa yabo begodu bakghona ukuthi bathule nolokho abadlula kikho ngokuthi bapende ngemibala ehlukileko, nangeentayela ezihlukahlukeneko ekusekela ekadeni kusapendwa emadwaleni ukufikela ebukghwarini banje bedijithali.[1] Ukupenda kuyinto etjhuguluka nesikhathi, itjengisie amasiko, ukuzwana kwabantu nokuthuthuka kwezinga letheknoloji emaphilweni wabantu.ukupenda kubukghwari obutjhuguluka ngokwesikhathi begodu kukhuthaze ababukeli ephasini loke.
Umlando ngokupenda
[edit | hlela umthombo]Ukupenda kuyinto eyathoma kade ebokanakala ngobufakazi ebutholakala emadwaleni, ematjeni wamazindla nemasontweni.[2] Izinto ezipendiweko ezidala khulu zivela bonyana ngezeminyaka eyi-40 000 eyadlulako, ipendwe babantu bakade basebenzisa izinto zemvelo namathulusi ebebazenzela wona ngamathambo. Nakuthoma khona kuba nokuthuthuka komphakathi kwatheleleka nokuthi kube nokuthuthuka kokuthi kube neendlela ezinye zokupenda ziza nabantu bakudala abama griki, abamaroma,nebegibithe.Ukupenda kuyinto ekhombisa umlando wabantu obulungiweko. Ngombana ukghona ukusikhombisa izinto ezakhe zenzeka ekadeni, amasiko wabantu begodu nokuthi umphakathi uphila njani.[3] Ukupenda kukuthatha ukuthi umuntu akghone ukwakha inthombe engcondweni yakhe begodu eze neminye imibono. Kulekelela abantu bonyana bakghone ukuthi baphikise imibono yabantu nangabe abavuelani nayo. Ivumela abantu bonyana boakghone ukuveza imizwa yabo basebenzisa umbala nokuwuhlanganisa kwakhona.
Iintayela zokupenda
[edit | hlela umthombo]I-Realism
[edit | hlela umthombo]Lokhu kupenda okunqophileko begodu kuphethe imigwalo ezeleko ngelwazi lephasi. Lapha bantu abenza ubukghwari ngokupenda bahlose ukuthi bapende ngendlela eveza iphasi ngendlela linjalo ngaphandle kokuthi lihlotjiswe nofana litjhululwe. Ukupenda lokhu kubonakala ngokuthi ukupenda kwakhona kuphuma kusithombe sento njengoba sinjalo. Akufaki imizwa yabantu nofana ukuphikisana nemibono ethileko.
I-Abstract
[edit | hlela umthombo]Kupenda okungakhulumiko ekwenza ekugandelala umbala, ijamo kanye nokuzwakala kwento. Lokhu kupenda kubonakala ngokuthi kupenda amabumbeko, umbala ukuletha uumlayezo othileko. Abantu abapenda ngelndlela le bakghona ukuthii bapende ngokutjhuphuluka ngaphandlekokuthi Basabe imithetho yamasiko neminye imithetho. Lapho ekunanto eveza izinto zeqiniso ezikhona ephasini. Akufaki amagama lokho kutjho bona ababukeli kufanele bona babe nokuhlakanipha nofunda isiithombe sipendiweko bonyana sitjho ukuthini.
I-surrealism ne-Impression
[edit | hlela umthombo]Kupenda okevezwa njengbhudango, nofana umcabango,ubonakala ngokuthi ibe neenthome ezinganikelani ukuthula emoyeni. Lokhu kufaka ukuthatha iinkhathi lapho kupendwa khona iinkhathi ezithabisako, kufake nokukhanyan okuthileko ukukhanyisa isithombe sakhona. Esikhathi esinengi kupendwa iukukhombisa iinthado ezingaphandle kwendlu njebala elithileko. Igandelela ipilo yabantu yangemihla yesikhathi sanje.
Iinkomba
[edit | hlela umthombo]- ↑ Tandirli, E., 2012. Painting education & artistic evolution. Procedia-Social and Behavioral Sciences, 46, pp.4493-4497.
- ↑ Bakhtiyorovich, K.I. and Shodikulovich, T.A., 2021. The Role of Painting in the Folk Art of Surkhandarya. International Journal of Human Computing Studies, 3(2), pp.26-28.
- ↑ Wollheim, R., 2023. Painting as an Art (Vol. 33). Princeton University Press.