Ukurhulula umbungu

Ukurhulula umbungu kukulokha umuntu wengubo nakazithweleko bese athathe isiqunto sokabana akafuni ukuba nomntwana bese akhuphe umtwana amthweleko ngokusebenzisa imitjhoga.^[1]. Ukurhulula umbungu kuyinto esemthethweni enarheni yeSewula Afrika, ngombana umuntu unelungelo lokuzikhethela bona wenzakalani emzimbeni wakhe. Imibono eyahlukileko ngokurhulula umbungu Ukurhululula umbungu kuyisihloko esingabanga ukuphikisana phakathi kwabantu ngombana abantu banemibono eminengi eyahlukeneko. Abanye babona kuyinto ehle efanele yenziwe babantu. Kuthi abanye abantu babone kuyinto embi enesihlungu engenziwako. Omunye nomunye umuntu wengubo wenza okubonwa nguye nakafika kulobujamo ngombana ukurhulula umbungu kuyinto esemthethweni eSewula Afrika.

Abavumelana nakho

Abavumelana nokurhulula umbungu bathi kuyinto ehle khulu khulu lokha nangabe umma ukatiwe wagcina sele azithwele umntwana ngokatwa, nofana kilabo bantu abanokugula ukungabafaka engozini yokufa lokha nabasidisi. Ngalezi iinzathu eziveziweko babona ukuthi ukurhulula umbungu akusiyo into embi ngombana umuntu akukafaneli abe nomtwana angafuni nofana amthole ngesibanga sesehlakalo esimbi esifana nokukatwa^[2].

Abaphikisana nakho

Abanye abantu bayaphikisa bathi ukurhulula umbungu yinto embi ngombana lokha wenza into le ukhipha umphefumulo womntwana ongana cala. Godu baphikisa ngokuthi ukurhulula umbungu akusikuhle ngombana lokha nawukwenzileko ipilo yakho ingakhubazeka njengokuthu umma angasakghoni ukuba nabanye abantwana. Umunye agcine sele ehla emzimbeni ngombana ahlala angakajabuli anokuzisola^[2]^[3].

Imiphumela yokurhulula umbungu

Umuntu orhulule umbungu angagcina ahlulwa kuzilibalela ngesenzo asenzileko lokha nakabona abantu bona bayamahlulela ngesenzo lesi asenzileko. Angazibona alihlazo emphakathini aphila kiwo ngombana kwamanye amasiko namakhaya ayenziwa into leyo. Ukurhulula umbungu kungaletha ukwahlukana phakathi kwabantu abathandanako lokha nangabe into le yenzeke bangaka vumelani njengeenthandani^[4].

Isiphetho

Ukurhulula umbungu kuyinto abantu abayicala ngeendlela ezinengi ezahlukileko. Abanye bayakwamukela abanye baphihikisana nakho. Woke umuntu wengubo kufanele enze lokhu ekuzomenza bona akghone ukuragela phambili kuhle nepilo yakhe.

[1] ttps://www.merriam-webster.com/dictionary/abortion

[:0-2] 2.0 ^2.1 https://www.britannica.com/procon/abortion-debate

[:1-3] 3.0 ^3.1 https://www.bbc.co.uk/bitesize/guides/zhbqf4j/revision/4

[4] ttps://www.worldpulse.org/es/story/the-impact-of-abortion-bans-on-womens-mental-health-61476?gad_source=1&gclid=EAIaIQobChMIg4TQx_-9jAMVOIBQBh3PljsEEAAYASAAEgLgYvD_BwE

[1]

[2]

[3]

[4]