Ukuthaba
Ukuthaba
[edit | hlela umthombo]Ukuthaba kukulokha uzizwa kamnandi emphefumulweni, wanelisekile begodu unganasidingo esikutlhorisako. Ukuthaba yinto yangaphakathi komuntu kodwana ithelelwa zizinto ezenzeka ebhodulukweni lomuntu. Isibonelo lokha umuntu nasele azuza umnotho, ukuhlonipheka nobudlelwano obuhle ngabantu uzithola athabile ngokwemvelo[1].
Ubuhle bokuhlala uthabile
[edit | hlela umthombo]Umuntu ohlala athabile akusilula bona angenwe magulo, begodu negazi lakhe likhamba kuhle emzimbeni lingaphazamiseki, amosotja womzimba ahlala wakhe ahlala qinile anamandla. Abantu abahlala bathabile bagcine baphile iskhathi eside bangagugi msinyanaAbantu abalala bathabile bakghona ukwenza ubudlelalwane nabanye abantu lula begodu bakghona nokuthuthukisa mphakathi wabo ebahlala kiwo[2].
Izinto ezingavimbela abantu bona bangathabi
[edit | hlela umthombo]Ukusaba, ukungazithembi kungenza bona umuntu abe nobudisi bokuhlala athabile. Ukucabanga izinto eziceda ithemba nakho kuyamenza bona umuntu aphelelwe lithabo bese agcine adanile ngombana ugcina sele azizwa ngathi akukho okuhle angakwenza.
Indlala nayo iyamenza umuntu bona angathabi ngombana akekho umuntu ongathaba lokha nakaswelileko nofana nakanganayo imali yokufeza iindingo zakhe. Woke umuntu isidingo sakhe sokuthoma kukudla nasele angatholi imali ezomlekela bona adle nofana ageze angekhe kube lula bona ahlale athabile[3].
Inkundla zokuthintana zingenza bona umuntu angathabi ngombana abantu bafaka okuhle ukubenzakalelako kwaphela, bese umunye umuntu onganalwazi angathi nakatjheje lokho eenkundleni zokuthintana azibone ngathi nguye yedwa onemiraro agcine see aphelelwa lithabo[4].
Izinto ongazenza ukuhlala uthabile
[edit | hlela umthombo]Ukuzithabulula
[edit | hlela umthombo]Ukuzithabulula nokudla Ukudla okunepilo kuyasiza bona umuntu ahlale athabile ngombana ukuzithsbulula kwehlisa izinga lokukhathazeka emuntwini. Ukulala esikhathi esaneleko esilingana ama-iri ali-8 khona umzimba uzokutholaisikhathi sokuphumula kuhle[5].
Ukuzinakekela
[edit | hlela umthombo]Umuntu ukuze ahlale athabile kufuze bona enze izinto zokuledlha, azikhiphile endaweni zokuzithabisa, enze ne-yoga ukuze alekelele umizwa yakhe bona ijabule[6]
- ↑ Veenhoven, R., 2016. Quality of life and happiness: Concepts and measures. In Handbook of research methods and applications in happiness and quality of life (pp. 309-333). Edward Elgar Publishing.
- ↑ Diener, Ed, and Louis Tay. "A scientific review of the remarkable benefits of happiness for successful and healthy living." Happiness: Transforming the development landscape 6 (2017): 90-117.
- ↑ Harrison, C., 2019. Anti-diet: Reclaim your time, money, well-being, and happiness through intuitive eating. Hachette UK.
- ↑ Freitas, D., 2017. The happiness effect: How social media is driving a generation to appear perfect at any cost. Oxford University Press.
- ↑ Li, C., Ning, G. and Xia, Y., 2023. Does exercise participation promote happiness?: Mediations and heterogeneities. Frontiers in Public Health, 11, p.1033157.
- ↑ Butler, L.D., Mercer, K.A., McClain-Meeder, K., Horne, D.M. and Dudley, M., 2019. Six domains of self-care: Attending to the whole person. Journal of human behavior in the social environment, 29(1), pp.107-124.