Ukutlhoriswa Kwabantwana Ebholweni
Ukutlhoriswa kwabantwana eenhlanganweni zebholo kutjho izehlakalo lapho abantwana bazibandakanya khona eenhlanganweni zebholo, kungaba ngendlela yokobana babe badlali namkha bazibandakanye kezinye iindima, bese bayatlhoriswa ngeendlela ezihlukahlukeneko, okufaka hlangana ukutlhoriswa ngokomzimba, ngokwamazizo nangokwamabhayi.
Ukutlhoriswa kwabantwana ebholweni kubikwe emazweni ahlukahlukeneko begodu kufaka hlangana amazinga wabantu abasafundako nalabo esele babomakekere emdlalweni lo. Ukutlhoriswa kungenzeka ngaphakathi kweenqhema zebholo, kuma-akhademi namkha kezinye iinhlangano ezihlobene nebholo, begodu kungabandakanya ababanduli, amalunga wabasebenzi, nofana abanye abantu abaseenkhundleni eziphezulu. Amacala amanengi aphezulu alethe ukutjhejwa endabeni le begodu arholele ekuphenyweni, ekuthathweni kwamagadango womthetho kanye nekuthatheni amagadango angcono wokuvikela ngaphakathi ebholweni.
Imikhandlu elawula ibholo, efana ne -FIFA kanye neenhlangano zebholo yeentjhabatjhaba, isebenzise amagadango ahlukahlukeneko wokuvikela abazibandakanyi abatjha. Amagadango la afaka hlangana ukuhlolwa okuthuthukisiweko kwemvelaphi yababanduli kanye nabasebenzi, ukusungulwa kwemithetho yokuziphatha ecacileko neendlela zokubika kanye nokubandulwa kokuvikela okukatelelekileko kwalabo abazibandakanya ebholweni yelutjha. Phezu kwalokho, kwenziwe imibuzorhubhululo kanye namaphenyo azijameleko ukwembula ubungako bokutlhoriswa kwabantwana ebholweni begodu nokunikela ngeemphakamiso zokwenza ngcono iindlela zokuvikela.
Isirhunyezo
[edit | hlela umthombo]Ihlathululo
[edit | hlela umthombo]Ukutlhoriswa kwabantwana eenhlanganweni zebholo yeenyawo namkha ebholweni kutjho izehlakalo lapha abantwana abazibandakanya ebholweni, kungaba ngendlela yokobana babe badlali namkha bazibandakanye eendleleni ezahlukahlukeneko zokutlhoriswa, okufaka hlangana ukutlhoriswa ngokomzimba, ngokwamazizo namkha ngokwamabhayi.[1]