Umdosi phambili
Ukuba mdosi phambili kutjho ukuba nekghona lokukhuthaza, nokukhombisa abantu indlela ebafanele abayithathe ukuze bakghone ukufeza nonyana ukufinyelela amabhudango wabo. Abadosi phambili bayabokala ngamatshwayo nangamakghono athileko ekungiwo abanza bona ukuba nomthelela phezu kwabantu babarhelebhe bakghone ukuzuza okukhulu[1].
Ukubonakala ngani umdosi phambili
Umdosi phambili ubanebhudango nofana isithombe ngekusasa.Ukghona ukugcugcuzela bekenze nabanye abantu bona basesenze Kanye naye ukuze bakghone ukuzuza lokho akubonako ebhudangweni lakhe.Ukghona ukukhuluma nabantu ngendlela ezwakalako, uyakghono ukuveza umbono wakhe, begodu anikeze abantu umphumela walokho esele kwenziweko.Ukghona ukulalela iinlilo zabantu abasesiqhemeni sakhe[2]
Unekghono lokulawula imizwa yakhe, akadoswa kukwata okungalethwa kungavumelani emsebenzini. Uzwisisiwa woke umuntu ukuthi umhlobo onjani ngombana abanye abantu bathanda ukuvusa inturhu nalapho ingekho khona. Ikghono leli lenza bona umdosi phambi akghone ukuthaha inqunto ezihle begodu abe nobudlelwane obuhle nabantu.Umdosi phambili uyathembeka, unamaqiniso. Umdosi phambili akanayo ifihlo wena yoke into yakhe ekukhanyeni.Uyabekezela nalokha sele kunzima emsebenzini awenzako kodwana uhlala anethemba lokobana uzinto zizokulunga[3].
Imihlobo yabadosi phambili
[edit | hlela umthombo]Umdosi phambili ongatjelwako
[edit | hlela umthombo]Lomhlobo womdosi phmbili othatha inqunto ayedwa angakhulumisani nesiqheema sakhe. Isenzo lesi siba sihle lokha nangabe kunto efuneka msinya kodwana lokha nayingekho isiqhema nofana abasebenzi bangagcina bangaka khuthali ngombana imibona yabo ayithathwa[4].
Umdosi phambili wentando yenengi
[edit | hlela umthombo]Lo mdosi phambili othi ngaphambi kobana athathe inqunto abize isiqhema sakhe nofana abasebenzi bese ezwe imibono yabo bese bavumelane bona bathatha isiqunto siphi. Lo mhlobo wenza abasebenzi bazizwe bakhuthele ukusebenza bagodu bamthembe umdosi phambili wabo. Kwesinye iskhathi isezo lesi singenza bona kugcine kungana siqunto esithathwako begodu abantu bangazazi bona bayaphi[5].
Umdosi phambili ovumela koke
[edit | hlela umthombo]Lo mdosi phambili ngegama kwaphela ngombana uvumela isiqheema sakhe nofana abasebenzi benze ngendlela abafuna ngayo. Bakghona ukuthatha iqunto ngokwabo yena angekho begodu angaboni ikinga. Isenzo lesi singenza bona kube nokutjharagana kwezinto abantu bagcine sele bamotjha izinto ezinengi[6].
Isiphetho
[edit | hlela umthombo]Ukuba mdosi phambili akusiyo into elula mgombana kufanele ubenamkghona,namathwayo athileko azokuphumelelisa njengo mdosi phambili afana nokuthi ukghone ukukhuluma nabanye abantu uveze nofana wethule umbono wakho kuhle ukuze abantu bakghone ukulandela.
- ↑ LEADER | English meaning - Cambridge Dictionary
- ↑ Dewan, T. and Myatt, D.P., 2008. The qualities of leadership: Direction, communication, and obfuscation. American Political science review, 102(3), pp.351-368.
- ↑ Liu, C.H., 2010. Leadership: Qualities, Skills, and Efforts. Interbeing, 4(2).
- ↑ Chukwusa, J., 2018. Autocratic leadership style: Obstacle to success in academic libraries. Library Philosophy and Practice, p.1.
- ↑ Bhatti, N., Maitlo, G.M., Shaikh, N., Hashmi, M.A. and Shaikh, F.M., 2012. The impact of autocratic and democratic leadership style on job satisfaction. International business research, 5(2), p.192.
- ↑ Chaudhry, A.Q. and Javed, H., 2012. Impact of transactional and laissez faire leadership style on motivation. International Journal of Business and social science, 3(7).