Umlilo
Umlilo kuyinto ebaswako, ivuthe bese isenzela umtjhiso[1]. Kuyinto eqakathekileko emaphilweni wabantu.
Umsebenzi womlilo
[edit | hlela umthombo]Ukufuthumala
[edit | hlela umthombo]Umlilo ukghona ukuletha ukufuthumala emakhayeni. Isibonelo lokha abantu nabezwa amakhaza bayakghona ukubasa umlilo bawothele bese bazizwe bafuthumele.Abanye bakghona ukubasa amahitha ukuthola ukufuthumala[2].
Ukukhanya
[edit | hlela umthombo]Umlilo ukghona ukuletha ukhanyana ngombana lokha nawungawubasa lapho kumnyama khona kugcina sele kuba nokhunya okuba khona abantu abawubasileko bagcina sele bakghona ukubonana ebumnyameni[3].
Ukupheka
[edit | hlela umthombo]Umsebenzi omunye womlilo kukuthi usetjenziselwa ukupheka Ukudla. Emakhaya sipheka Ukudla esitofini samahle, emlilweni waphasi nofana esitofini segezi sisebenzisa umlilo okungiwo owenza bona Ukudla kuvuthwe kudleke. Lokhu kutjho bona umlilo kuyinto esiitlhogako ngamalanga ukuphila amaphilo wethu. Umlilo uyasetjenziswa emafemini ekuncibilikisa iinsimbi nokwenza Amandla wesitimu
Ubungozi bomlilo
[edit | hlela umthombo]Umlilo nanyana uqakathekile kodwana lokho nawungasetjenziswa ngokwefanelo ungaba yingozi khulu, ubulale nofana umotjhe khulu. Umlilo lokha nawungawutjhiya uvutha uwodwa ugagcina sele utjhisa ibhoduluko nepahla yabantu[4].
Ukuphepha lokha nawusebenzisa umlilo.
[edit | hlela umthombo]Umlilo kuyinto engakafaneli bona idlale ngabantwana ngombana ungabatjhisa kabuhlungu nofana bagcine batjhisa imizi yemakhabo. Endaweni lapho kusetjenziswa khona umlilo khulu kufanele bona kube neengubhe zokuqima umlilo ovutha ngendlela engakafaneleki. Emakhaya kungafakwa ama alamu azwelela intuthu ukulekelela abantu bona bakghone ukuzwa lokha nakunalapho kutjha khona.
Abantu akukafaneli batjhiye amakhandlela, nofana incephu zegway zivutha zodwa ngombana lokho kungadala umlilo ongakalindeleki. Kufanele abantu bangalisi iintambo zegezi ezingasebenzi kuhle zingakalungiswa ngombana nakho lokho kuyakghona ukudala umlilo ongatjhisa indawo nofana umuzi[5].
Isiphetho
[edit | hlela umthombo]Umlilo kuyinto eqakathekilo emaphilweni wabantu ngombana Usilethela ukukhanya, ukufuthumala begodu sikghona ukupheka Ukudla. Umlilo Kuyinto eyenza bona ipilo ibelula kodwana lokha nawusebenzisa ngaphandle kokutlhogomela ungagcina utjhisa ipahla yabantu nofana ubabulala. Kufanele abantu batlhogomele ukuthi bawusebenzisa njani.
- ↑ Fire - Wikipedia
- ↑ Is Fire Conduction, Convection, or Radiation? Understanding Heat Transfer in Fire - Fire Carry
- ↑ Is Fire Conduction, Convection, or Radiation? Understanding Heat Transfer in Fire - Fire Carry
- ↑ bing.com/ck/a?!&&p=4965b2c67fef0572f9c40f3a42ee9255515edae522e69a2eef457803e3a474d1JmltdHM9MTc0MjQyODgwMA&ptn=3&ver=2&hsh=4&fclid=3d4e0e62-479c-632c-2cc9-05ba469c62c6&psq=dangers+of+fire&u=a1aHR0cHM6Ly93d3cuaHNlYmxvZy5jb20vY29tbW9uLWNhdXNlcy1vZi1maXJlLWFuZC1jb25zZXF1ZW5jZXMv&ntb=1
- ↑ bing.com/ck/a?!&&p=4965b2c67fef0572f9c40f3a42ee9255515edae522e69a2eef457803e3a474d1JmltdHM9MTc0MjQyODgwMA&ptn=3&ver=2&hsh=4&fclid=3d4e0e62-479c-632c-2cc9-05ba469c62c6&psq=dangers+of+fire&u=a1aHR0cHM6Ly93d3cuaHNlYmxvZy5jb20vY29tbW9uLWNhdXNlcy1vZi1maXJlLWFuZC1jb25zZXF1ZW5jZXMv&ntb=1