Jump to content

Umsebenzisi:F.K MAHLANGU/University of Mpumalanga

From Wikiphidiya

History

[edit | hlela umthombo]
[1] University of Mpumalanga

Ngomnyaka ka-1996 iKomidi yezeFundo yeYunivesithi neKomidi yokuBambisana yezeFundo yeYunivesithi ye-Technikon yahlangana begodu yanikelwa umsebenzi wokulandela ukusungulwa kweyunivesithi esiFundeni ngu-MEC wangaphambilini wezeFundo, uNom. DD Mabuza. I-National Institute for Higher Education (i-Mpumalanga), eyasungulwa ngomnyaka ka-2006, ngaphasi koburholi baka-Prof CC Mokadi ongasekho yahlanganisa ukunikelwa kwe-Higher Education esifundazweni. Igadango eliqakathekileko kwaba siqunto esathathwa emhlanganweni we-African National Congress's National General Council owabanjelwa e-eThekwini ( i-Durban ) ngomnyaka ka-2010 owaqunta ukusungulwa kwamayunivesithi amabili amatjha. Isinqumo lesi sibe lisizo khulu ekwenzeni lula ukusungulwa kweyunivesithi esifundazweni se-Mpumalanga[2].

Ngomnyaka ka-2010, uNgqongqotjhe wezeFundo neBandulo eliPhakemeko, uDorhodera B. E. Nzimande, wabeka iinqhema ezimbili ezizokuphenya bona kungenzeka na ukusungula amayunivesithi amatjha e-Mpumalanga ne-Northern Cape. Isiqhema sokusebenza se-Mpumalanga esathumela umbiko omuhle ngoNobayeni wee-2011, esiphakamisela ukusungulwa kweyunivesithi etja e-Mpumalanga besidoswa phambili ngu-Prof TZ Mthembu[3].

NgoNtaka 2013, uMengameli weNarha, uNom. Jacob Zuma, wamemezela ibizo leyunivesithi etja ngokuthi yiYunivesithi ye-Mpumalanga kanye namagama wamalunga womKhandlu wesiKhatjhana azokutjheja ukusungulwa kwayo ngokusemthethweni. IYunivesithi ye-Mpumalanga, iyunivesithi epheleleko, yamenyezelwa ngokusemthethweni nangokomthetho ngokugadangiswa kweSaziso sikaRhulumende (Nombolo 36772) mhlazi-22 kuRhoboyi 2013 begodu yathonywa mhlana ama-31 kuMgwengweni 2013. UmKhandlu wesiKhatjhana wabeka iQhema lokuPhatha eliPhakemeko ebelilawula ukusebenza kweyunivesithi kwangamalanga[4].

irherho lemithombo.

  1. ↑ Isimumathi:University of Mpumalanga.jpg - Wikiphidiya
  2. ↑ University of Mpumalanga (UMP). (2023). History of UMP. Available at: https://www.ump.ac.za
  3. ↑ Department of Higher Education and Training (DHET). (2012). Report of the Ministerial Task Team on the Establishment of New Universities in Mpumalanga and the Northern Cape. Pretoria: DHET.
  4. ↑ University of Mpumalanga (UMP). (2013). Establishment and Launch of the University of Mpumalanga. Available at: https://www.ump.ac.za
Retrieved from "https://nr.wikipedia.org/w/index.php?title=Umsebenzisi:F.K_MAHLANGU/University_of_Mpumalanga&oldid=5423"