Umsebenzisi:Mosakaruka/Draft Page 2
Draft Space 2
[edit | hlela umthombo]U-Peter Van Meerhof
[edit | hlela umthombo]U-Pieter van Meerhof wabelethelwa e-Copenhagen, e-Denmark. Wafika eKapa ngomkhumbi ebewubizwa bona yi-Princess van Royael. Bekamumuntu othanda ukukhamba iphasi begodu bekangudorhodere ohlinzako. Usebenzile njengomnqophisi wesihlengehlenge i-Robben Island. Ngemva kwalokho wakhamba nomkhumbi ebewuthwele iingqila i-Westwout. Wabulawa ejimeni lokubuthelela iingqila e-Antogil Bay e-Madagascar elenzeka ngaphambi kwangomhla wa-27 kaMhlolanja 1668. Umkhumbi wabo lo wafika eKapa ngomhla wama-30 kaKhukhulamungu 1668. ESewula Afrika waziwa ngokutjhada kwakhe no-Krotoa (namkha u-Eva) ongowesitjhaba sama-Goringhaicona ngomhla wama-26 kaSihlabantangana 1664, u-Krotoa owakhulela emzini womphathi u-Jan Van Riebeeck.[1]
Imvelaphi Ka-Pieter van Meerhof
[edit | hlela umthombo]U-Pieter Van Meerhof, ibizo lakhe lesiDenitjhi bekungu-Peder Havgaard, amaBhuru alitjhugululela esiBhurwini laba ngu-Pieter Van Meerhof. Uyindodana ka-Aug no-Marie Ede, ebebavela e-Havgaard, kodwana bahlala eplasini esihlengehlengeni esibizwa bona yi-Langeland. Iplaselo lisesekhona nanamhlanjesi begodu isibongo sakwa-Havgaard sisesekhona. Kungenzeka wabelethwa ngabo-1636, e-Copenhagen, e-Denmark, ayindodana ka-Aug Ede. U-Pietre bekamumuntu obekathanda ukukhamba avakatjhele kezinye iinarha, begodu angudorhodere ohlinzako. Wafika eKapa ngomkhumbi ebewubizwa bona yi-Princess van Royael.[2]
Ukutjhada Kwakhe No-Krotoa
[edit | hlela umthombo]
Ngomhla wama-26 kaSihlabantangana 1664, kwamenyezelwa bona u-Pieter no-Krotoa (Eva) bathembisene umtjhado. Isaziswesi seza ngemva kobana u-Van Meerhof afike eKapa okwesithandathu. Bobabili batjhada ngomhla wesi-2 kaMgwengweni 1664, emzini ka-Zacharias Wagenaer, umphathi wamaDatjhi wangalesosikhathi. IKhamphani (i-VOC), ebeyikuthanda ukuzihlanganisa nama-Khoikhoi, ngiyo eyalobolela u-Pieter ngelobolo elikhulu. Umphathi wedayari ka-Wagenaer watlola kiyo bona "Lo mtjhado wokuthoma owatloliswa ngokuhlanganisa isiKrestu nesintu sendabuko." AmaDatjhi bewangathathelani nabantu balapho bendabuko bekwaba ngemva kweminyala eli-12 ngemva kokufika kuka-Van Riebeeck eKapa.[3]
Ngemva komnyaka, u-Krotoa no-Van Meerhof baba nabantwana ababili, bakhamba bayokuhlala esihlengehlengeni se-Robben Island. U-Pieter wabekwa bona abe mnqophisi wendawo leyo. Umsebenzi wakhe bekususa iinyoka, iinswebu nezinye iinlwana ezitshwenyako. Kwathi ngomnyaka wango-1666 babeletha umntwana wesithathu. Babuyela enarheni bona bayombhabhadisa.[3] Kubonakala kwanga u-Pieter ube nabantwana ababili ngaphandle komtjhadwakhe.[1]
Napa abantwana baka-Pieter:[1]
- U-Jacobus owabelethwa ngo-1661 wahlongakala ngo-1685 emkhumbini obuya e-Mauritius
- U-Pieternella owabelethwa ngo-1663
- U-Salamon owabhajadiswa ngomhla woku-1 kuKhukhulamungu 1666
- U-Jeronimus owabhajadiswa ngomhla wama-23 kaSinyikhaba1670 (Amthole ngaphandle komtjhado)
- U-Anthonij owabhajadiswa ngomhla wesi-6 kaRhoboyi 1673 (Amthole ngaphandle komtjhado)
Ngemva kwalokho u-Pieter watjhinga eMadacascar, wakhamba nomkhumbi ebewuthwele iingqila i-Westwout. Wabulawa ejimeni lokubuthelela iingqila e-Antogil Bay e-Madagascar elenzeka ngaphambi kwangomhla wa-27 kaMhlolanja 1668. Umkhumbi wabo lo wafika eKapa ngomhla wama-30 kaKhukhulamungu 1668.
Iinkhombo
[edit | hlela umthombo]- ↑ 1.0 1.1 1.2 Stamouers (30 November 1999) Pieter van Meerhof, Stamouers Website. Retrieved from: https://www.stamouers.com/stamouers/surnames-v-z/549-van-meerhof-ieter. Retrieved on 28/04/2026.
- ↑ FamilySearch (2026) Pieter Van Meerhof. Retrieved from: https://ancestors.familysearch.org/en/M1G4-H34/pieter-van-meerhof-1636-1668. Retrieved on 28/04/2026.
- ↑ 3.0 3.1 South African History Online (17 February 2011) Krotoa (Eva). Retrieved from: https://sahistory.org.za/people/krotoa-eva. Retrieved on 28/04/2026.